தமிழர்களின் வழிகாட்டி

வாழைச்சேனையில் மறைத்து வைத்திருந்த துப்பாக்கிகள் மீட்பு

2011-07-28T10:18:00.000-07:00

மட்டக்களப்பு மாவட்டத்தின் வாழைச்சேனை பொலிஸ் பிரிவுக்குட்பட்ட கும்புறுமுளை காட்டுப்பகுதியில் ரீ. 56 ரக துப்பாக்கிகள் மூன்றினை சித்தாண்டி 12 வது படைப் பிரிவினர் இன்று காலை மீட்டுள்ளதாக கிழக்கு மாகாண இராணுவ கட்டளை தளபதி பொனிபஸ் பெரேரா தெரிவித்தார்.

இராணுவத்தினருக்கு கிடைத்த இரகசிய தகவலின் மூலமே இவை மீட்கப்பட்டதாகவும், இவை இயக்கக் கூடிய வகையில் காணப்படுவதாகவும் அவர் மேலும் தெரிவித்தார்.

இதேவேளை, இம்மாதம் 31 ம் திகதிக்கு முன்பாக சகல ஆயுதங்களையும் அரச பாதுகாப்பு படையினரிடம் ஒப்படைக்கும்படி இராணுவத்தினர் ஒலிபெருக்கி முலம் அறிவித்திருந்தமை குறிப்பிடத்தக்கது.

இலங்கை மீது பொருளாதார தடையை விதிக்க இந்தியாவும் முன்வர வேண்டும்: மதிமுக

2011-07-28T10:17:00.001-07:00

இலங்கைக்கு அளித்து வந்த உதவிகளை நிறுத்தவும் அமெரிக்கா முடிவெடுத்துள்ளது. இந்த சூழ்நிலையில், இலங்கை மீது பொருளாதார தடையை விதிக்க இந்தியாவும் முன்வர வேண்டும். இவ்வாறு 27.07.2011 அன்று டெல்லியில் நடைபெற்ற அனைத்துக் கட்சி கொறடாக்களின் ஆலோசனை கூட்டத்தில் தமிழக மதிமுக சார்பில் ஈரோடு கணேசமூர்த்தி கோரிக்கை விடுத்தார்.

பாராளுமன்றின் மழைக்கால கூட்டத்தொடர் ஆகஸ்ட் 1ம் தேதி தொடங்கவுள்ளது. இதையொட்டி, டெல்லியில் பாராளுமன்ற விவகாரத்துறை அமைச்சர் பவன்குமார் பன்சால் தலைமையில் 27.07.2011 அன்று, அனைத்து கட்சி கொறடாக்களின் ஆலோசனை கூட்டம் நடைபெற்றது.

இந்த கூட்டத்தில், பல்வேறு கட்சியினரும் பல்வேறு விஷயங்களை குறிப்பிட்டு பேசினர்.

அப்போது, தமிழகத்தைச் சேர்ந்த மறுமலர்ச்சி திராவிட முன்னேற்றக் கழகத்தின் சார்பில் ஒரு கோரிக்கை வைக்கப்பட்டது. அந்த கட்சியின் எம்.பி.,யான ஈரோடு கணேசமூர்த்தி இது பற்றி கூறியதாவது:

உலகம் முழுவதும் மிக முக்கிய பிரச்னையாக இலங்கைத் தமிழர் பிரச்னை உருவெடுத்து வருகிறது. உலகத் தமிழர்களின் உணர்வுகளுடன் கலந்து நிற்கும் அது, துயரப் பிரச்னையாகக் காணப்படுகிறது. ஆரம்பத்தில் உலக நாடுகளின் கண்களை தந்திரமாக இலங்கை அரசாங்கம் மறைத்துவிட்டது.

ஆனால், அந்நாட்டு அரசாங்கம் செய்த போர்க் குற்றங்களை உலகமே தற்போது கண்டு மனம் பதறித் துடிக்கிறது. தமிழ் மக்கள் மீது இராணுவம் நடத்திய கோரத் தாண்டவத்தைப் பார்த்து, உலக நாடுகள் கண் கலங்கி நிற்கின்றன.

இலங்கையின் இந்தக் கொடுமையை, உலக நாடுகள் பலவும் கண்டிக்க ஆரம்பித்துவிட்டன; இலங்கைக்கு தங்களால் இயன்ற நெருக்கடியை அளித்தும் வருகின்றன. ஏற்கனவே ஐரோப்பிய நாடுகள் இலங்கையிலிருந்து இறக்குமதி செய்யப்படும் பொருட்களுக்கான வரிச் சலுகைகளை ரத்து செய்துவிட்டன.

இலங்கைக்கு அளித்து வந்த உதவிகளை நிறுத்தவும் அமெரிக்கா முடிவெடுத்துள்ளது. இந்த சூழ்நிலையில், இலங்கை மீது பொருளாதார தடையை விதிக்க இந்தியாவும் முன்வர வேண்டும். அதற்கான தீர்மானத்தை வரும் மழைக்கால கூட்டத்தொடரிலேயே நிறைவேற்ற வேண்டும் என்றார்.

இலங்கையின் முதல் முறையாக நகர முதல்வராக பௌத்த பிக்கு

2011-07-28T10:16:00.001-07:00

இலங்கையின் அரசியல் வரலாற்றில் முதல் தடவையாக பௌத்த பிக்கு ஒருவர், நகர சபையின் முதல்வராக பதவியேற்கவுள்ளார்.

இரத்தினபுரி மாவட்டத்தின் எம்பிலிப்பிட்டிய நகர சபையின் முதல்வராக ஜாதிக ஹெல உறுமயவின் ஞானப்பிரபா என்ற பௌத்த பிக்கு பதவியேற்கவுள்ளார்.

அவர், கடந்த சனிக்கிழமை நடைபெற்ற உள்ளுராட்சி தேர்தலில் ஞானப்பிரபா அதிக விருப்பு வாக்குகளை பெற்றார்.

ஜாதிக ஹெல உறுமய, ஆளும் ஐக்கிய மக்கள் சுதந்திர முன்னணியின் பங்காளிக் கட்சியாகும்.

ஓன்றரை வருடங்களுக்கு முன்னர் காணாமல் போனவரின் சடலம் மீட்பு

2011-07-28T10:15:00.000-07:00

மீண்டும் தமிழக மீனவர்கள் மீது இலங்கை கடற்படை வெறித் தாக்குதல்- 30 பேர் காயம்

2011-07-28T04:44:00.000-07:00

தமிழக மீ்னவர்கள் மீது இலங்கை கடற்படை காடையர்கள் மீண்டும் வெறித் தாக்குதல் நடத்தியுள்ளனர். இதில் 30 பேர் காயமடைந்துள்ளனர்.

நடுக் கடலில் நடந்த இந்த அட்டூழியச் செயலால் தமிழக மீனவர்கள் பெரும் கொதிப்படைந்துள்ளனர்.

இராமேஸ்வரம், வேதாரண்யம் பகுதிகளைச் சேர்ந்த மீனவர்கள் கடலில் மீன்பிடித்துக் கொண்டிருந்தபோது அங்கு திடீரென இலங்கைப் படையினர் வந்தனர். தமிழக மீனவர்களை முற்றுகையிட்ட அவர்கள் மீனவர்களின் படகுகளில் ஏறி அவர்களைத் தாக்கினர்.

அவர்கள் வைத்திருந்த ஜிபிஎஸ் கருவிகள், மீன்கள் உள்ளிட்டவற்றைப் பறித்துக் கொண்டனர்.

இன்று அதிகாலை நடந்த இந்த தாக்குதலில் 30 மீனவர்கள் காயமடைந்தனர். பின்னர் அனைவரையும் மிரட்டிய கடற்படை அங்கிருந்து போகுமாறு விரட்டியது.

இதையடுத்து தமிழக மீனவர்கள் கரை திரும்பினர். இதுதொடர்பாக இராமேஸ்வரம் போலீஸார் வழக்குப் பதிவு செய்துள்ளனர்.

வன்னியில் மனிதாபிமான மீட்பு தொடர்பான அறிக்கை ஜனாதிபதியிடம் ஒப்படைப்பு

2011-07-27T21:45:00.000-07:00

2009 ம் ஆண்டு வன்னியில் இடம்பெற்ற மனிதாபிமான மீட்புப் பணிகள் தொடர்பான அறிக்கை ஒன்று ஜனாதிபதி மஹிந்த ராஜபக்ஷவிடம் ஒப்படைக்கப்பட்டுள்ளது.

போர் முன்னரங்கப் பகுதிகளில் கட்டளைத் தளபதிகளாக கடமையாற்றிய உயர் படைத் தளபதிகளின் சாட்சியங்களின் தொகுப்பாக இந்த ஆவணம் அமைந்துள்ளது.

படையதிகாரிகள் நேரில் கண்ட காட்சிகளை பதிவு செய்து இந்த அறிக்கை தயாரிக்கப்பட்டுள்ளது.

பாதுகாப்புச் செயலாளர் கோத்தபாய ராஜபக்ஷவின் தலைமையில் தயாரிக்கப்பட்டுள்ள இந்த அறிக்கை எதிர்வரும் 1ம் திகதி உத்தியோகபூர்வமாக வெளியிடப்படவுள்ளது.

போர் இடம்பெற்ற காலப்பகுதியில் நடைபெற்ற சம்பவங்களின் தொகுப்பாக இந்த அறிக்கை அமைந்துள்ளது.

போதைப் பொருள் வர்த்தகரிடம் லஞ்சம் பெற்ற பொலிஸ் அதிகாரி பணி இடைநிறுத்தம்

2011-07-27T21:44:00.000-07:00

மதிமுக பொதுச்செயலாளர் வைகோவினால் தயாரித்து வெளியிடப்பட்ட இலங்கை தமிழர் படுகொலை பற்றிய சி.டி.க்களை பொதுமக்களிடம் இலவசமாக ம.தி.மு.க.வினர் வழங்கினர்.

இலங்கையில் நடந்த இறுதி கட்ட போரில் சிங்கள இராணுவ தாக்குதலில் அப்பாவி தமிழர்கள் படுகொலை செய்யப்பட்டனர். போரின் போது சரண் அடைந்த விடுதலை புலிகளை நிர்வாணமாக்கி சித்ரவதை செய்து படுகொலை செய்தனர்.

இலங்கை இராணுவத்தின் இத்தகைய செயல்களை சனல் 4 என்ற தொலைக்காட்சி ஒளிபரப்பியது. அதேபோல் இலங்கையில் போர் குற்றம் நடைபெற்று உள்ளது என்று ஐ.நா.அறிக்கை வெளியிட்டது.

இதன் அடிப்படையில் ம.தி.மு.க.பொதுச்செயலாளர் வைகோ இலங்கை தமிழர் படுகொலை குறித்த சி.டி.யை தயாரித்து வெளியிட்டார்.

இந்த சி.டி.க்களை தமிழகம் முழுவதும் ம.தி.மு.க. வினர் பொதுமக்களுக்கு இலவசமாக வழங்கி வருகிறார்கள்.

திருச்சியில் கோர்ட்டு வளாகம் முன்பு பொதுமக்களுக்கு சி.டி.க்கள் வழங்கும் நிகழ்ச்சி 27.07.2011 அன்று நடைபெற்றது. ம.தி.மு.க. மாநில சட்டத்துறை செயலாளர் வீரபாண்டியன் தலைமை தாங்கினார்.

முதல் கட்டமாக 1,000 சி.டி.க்கள் விநியோகிக்கப்பட்டன. இதையடுத்து 27.07.2011 அன்று மாலை காந்தி மார்க்கெட் பகுதியில் சி.டி.க்கள் வழங்கப்பட்டன.

இன்று கல்லூரிகளில் மாணவர்களுக்கு இந்த சி.டி.க்கள் வழங்கப்பட இருக்கின்றன.

மிருசுவில் படுகொலை நடந்து 11 ஆண்டுகள் கடந்த நிலையில் தொடரும் விசாரணைகள்

2011-07-27T10:38:00.000-07:00

யாழ்ப்பாணம் மிருசுவில் மனிதப் புதைகுழி தொடர்பான வழக்கு விசாரணை கொழும்பு மேல் நீதிமன்றத்தில் இன்று புதன்கிழமை மீண்டும் நடைபெற்றது.

புதைகுழியிலிருந்து கண்டெடுக்கப்பட்ட ஆடைகள் தொடர்பான அரச பகுப்பாய்வு திணைக்களத்தின் சாட்சியத்துக்காக இந்த வழக்கு இன்று அழைக்கப்பட்டிருந்தது.

புதைகுழியிலிருந்து கண்டெடுக்கப்பட்ட இரத்தம் தோய்ந்த ஆடைகள் அந்த படுகொலையில் கொல்லப்பட்ட நபர்கள் அணிந்திருந்தவை தான் என்பதை அரச பகுப்பாய்வு திணைக்களம் உறுதிப்படுத்தியுள்ளதாக பிரதி பகுப்பாய்வாளர் டி.எச்.எல். ஜயமான்ன நீதிமன்றத்தில் தெரிவித்தார்.

கதிரேஸ் ஞானவிமலன், ஞானவிமலன் ரவிச்சந்திரன் ஆகியோரது ஆடைகளே அவை என்பதை அவர்களின் உறவினர்களின் ஒத்துழைப்புடன் உறுதிப்படுத்தியுள்ளதாக பகுப்பாய்வாளர் குறிப்பிட்டார்.

இதனையடுத்து வழக்கின் மேலதிக விசாரணை நாளை வியாழக்கிழமை மீண்டும் நடத்தப்படவுள்ளது.

கடந்த 2000ம் ஆண்டு யாழ்ப்பாணம் மிருசுவில் பகுதியில் எட்டு அப்பாவிப் பொதுமக்களை கொலை செய்து மலசலக் கூட குழியொன்றுக்குள் புதைத்ததாக இலங்கை இராணுவத்தினர் மீது குற்றஞ்சாட்டப்பட்டது.

இந்த சம்பவம் தொடர்பில், ஐந்து இராணுவ சிப்பாய்களுக்கு எதிராக சட்டமா அதிபரினால் வழக்கு தொடரப்பட்டது.

குற்றஞ்சாட்டப்பட்டுள்ள இராணுவ வீரர்கள் பிணையில் விடுவிக்கப்பட்டுள்ளமை குறிப்பிடத்தக்கது.

மன்னார் ரெலோ (TELO) அலுவலகத்தில் தங்கத்துரை, குட்டிமணி ஆகியோருக்கு அஞ்சலி

2011-07-27T10:37:00.000-07:00

1983 ஆம் ஆண்டு யூலை மாதம் 25 ம் மற்றும் 27 ம் திகதிகளில் கொழும்பு வெலிக்கடை வெஞ்சிறையில் படுகொலை செய்யப்பட்ட ஆரம்பத் தலைவர் தங்கத்துரை மற்றும் ஆரம்பத் தளபதி குட்டிமணி ஆகியோரது 28 வது ஆண்டு நினைவஞ்சலி இன்று புதன்கிழமை காலை மன்னார் மாவட்ட தமிழ் ஈழ விடுதலை இயக்கம் (ரெலோ) அலுவலகத்தில் அனுஷ்டிக்கப்பட்டது.

இதன் போது தமிழ் தேசியக் கூட்டமைப்பின் வன்னி மாவட்ட பாராளுமன்ற உறுப்பினரும் தமிழ் ஈழ விடுதலை இயக்கம் (ரெலோ) தலைவருமான செல்வம் அடைக்கலநாதன் தங்கத்துரை, குட்டிமணி மற்றும் சிறிசபாரத்தினம் ஆகியோரது திருவுருவப் படங்களுக்கு மாலை அணிவித்து மரியாதை செலுத்தினார்.

இவ்வஞ்சலி நிகழ்வில் ரெலோ இயக்கத்தின் மன்னார் மாவட்ட பொறுப்பாளர் ஆர்.பற்றிக் வினோ உட்பட உறுப்பினர்கள் பலர் கலந்து கொண்டு அஞ்சலி செலுத்தினர்.

அரசாங்கம் - தமிழ்த் தேசியக் கூட்டமைப்பு மீண்டும் சந்திப்பு

2011-07-27T07:43:00.000-07:00

அரசாங்கத்துக்கும் தமிழ்த் தேசியக் கூட்டமைப்புக்கும் இடையில் 10 ஆம் சுற்றுப் பேச்சுவார்த்தை எதிர்வரும் 4 ம் திகதி நடத்தப்படவுள்ளது.

இதுவரை இரண்டு தரப்புக்கும் இடையில் 9 சுற்றுப் பேச்சுவார்த்தை இடம்பெற்றுள்ளது. எனினும் முன்னேற்றங்கள் எவையும் ஏற்படவில்லை.

இந்தநிலையில் 4 ம் திகதி இடம்பெறவுள்ள பேச்சுவார்த்தையின் போது அரசாங்கம் முன்னேற்றமுள்ள நிலைப்பாட்டை எடுக்கும் என்று தமிழ்த் தேசியக் கூட்டமைப்பு நம்பிக்கை வெளியிட்டுள்ளது.

உள்ளுராட்சி தேர்தலில் தமிழ்த் தேசியக் கூட்டமைப்பு பாரிய வெற்றியை பெற்றுள்ளது.

எனவே இலங்கை அரசாங்கம் தமிழ் மக்களின் நியாயமான கோரிக்கைகளை நிறைவேற்றவேண்டும் என்று எதிர்பார்ப்பதாக நாடாளுமன்ற உறுப்பினர் பி. அரியநேந்திரன் தெரிவித்துள்ளார்.

எனினும் மறுபுறத்தில் தமிழர்கள் தம்மை ஏமாற்றி விட்டார்கள் என்ற உணர்வு அரசாங்கத்தின் மத்தியில் ஏற்பட்டுள்ளது.

அத்துடன் தென்னிலங்கையின் சிங்கள மக்களின் பெரும்பான்மை ஆதரவு இந்த உள்ளுராட்சி தேர்தலின் போது அரசாங்கத்துக்கு கிடைத்துள்ளது.

எனவே தமிழ்த் தேசியக் கூட்டமைப்பு எதிர்ப்பார்ப்பதை போன்று 10 ம் சுற்றுப் பேச்சுவார்த்தையில் முன்னேற்றம் இருக்குமா என்பது கேள்விக்குறியே

துரிதமடையும் கனடியத் தமிழர் அரசியல் செயற்பாடுகள்

2011-07-27T02:41:00.000-07:00

புலம்பெயர்ந்த தமிழர் தாம் வாழும் நாடுகளில் அரசியல் செயற்பாடுகளில் உள்நுழைந்து ஒரு வலுவான சக்தியாக மாறிவரும் சூழல் சமீப காலங்களாக அதிகரித்து வருகின்றது.

இவ்வகையில் கனடா, இங்கிலாந்து நோர்வே, ஜேர்மனி போன்ற நாடுகளில் ஈழத்தமிழர்கள் உள்ளுராட்சி மன்றங்களின் பிரதிநிதிகளாக தெரிவு செய்யப்பட்டுள்ளமை குறிப்பிடத்தக்கது.

இதின் ஒரு உச்சமாக சமீபத்தில் நடந்து முடிந்த கனடிய பாராளுமன்றத்திற்கான தேர்தலில் ஒரு ஈழத்தமிழ் இளைய பெண் ராதிகா சிற்சபேசன் ஸ்காபரோ ரூச்ரிவர் தொகுதியில் வெற்றி பெற்று கனடியப் பாராளுமன்றத்திலேயே அங்கத்தவராகி சாதனை படைத்தார்.

இதன் தொடர்ச்சியாக வரும் ஒக்டோபர் மாதத்தில் நடைபெறவுள்ள கனடாவின் பெரிய மாநிலமான் ஒன்ராரியோ மாநிலத்தின் பாராளுமன்றத்திற்கான தேர்தலில் இரு தமிழர்கள் அதுவும் தமிழர்கள் அதிகம் வதியும் தொகுதிகளில் போட்டியில் இறங்கியிருப்பது கனடியத் தமிழர்களை மேலும் உற்சாகத்தில் ஆழ்த்தியுள்ளது.

தமிழர்கள் அதிகம் வதியும் மார்க்கம் யூனியன்வில் தொகுதியில் வரும் தேர்தலில் ஆளும் கட்சியாக வரும் என எதிர்பார்க்கப்படும் மாநில கன்சவேட்டிவ் கட்சி சார்பில் சான் தயாபரனும், தமிழர்கள் அதிகம் வதியும் அடுத்த தொகுதியாக ஸ்காபரோ ரூச்ரிவரில் புதிய சனநாயகக் கட்சி சார்பில் நீதன் சானும் போட்டியிடுகின்றனர்.

தமது வெற்றிவாய்ப்பை முழுமையாக உறுதிப்படுத்தும் வகையில் தமிழ் வேட்பாளர்கள் தமது அரசியல் செயற்பாடுகளை சமீப நாட்களாக துரிதப்படுத்தி வருகின்றனர். இவ்வகையில் சான் தயாபரன் தனது இரண்டாவது தேர்தலுக்கான நிதிசேகரிக்கும் நிகழ்வை வெற்றிகரமாக சமீபத்தில் நடத்தி முடித்துள்ளார்.

இந்நிகழ்வில் தமிழ் சமூக பிரதிநிதிகளுடன் இத்தொகுதியில் பெருமளவில் வதியும் சீன மற்றும் முக்கிய ஏனைய சமூகப் பிரதிநிதிகளும் கலந்து கொண்டு சான் தயாபரனின் தனித்தன்மைகளையும் அவரின் வெற்றியின் அவசியத்தையும் வலியுறுத்திப் பேசினர்.

சிறப்பு பேச்சாளராக ரொறன்ரொ மாநகரின் மேயருக்கான தேர்தலில் போட்டியிட்டவரும், மாநில கன்சவேட்டிவ் கட்சி சார்பில் போட்டியிடுபவருமான ரொக்கோ ரோசி அவர்கள் கலந்து கொண்டு சிறப்புரையாற்றினார்.

ஒரு தேர்தலின் முழுமையாக வெற்றியை தீர்மானிப்பதில் திரட்டப்படும் பணமும், அர்ப்பணிப்புள்ள தொண்டர்களின் தொகையும் முக்கிய பங்கை வகிக்கின்றது என்பதை முழுமையாக புரிந்து கொண்டவர்களாக பலர் இந் நிதி சேகரிப்பு நிகழ்வில் கலந்து கொண்டு தமது பணப் பங்களிப்பை நல்கியதுடன் தொடர்ந்தும் தேர்தல் பணிகளில் தொண்டர்களாக இணைந்து வெற்றிக்காக அயராது உழைக்க முன்வந்தமை சான் தயாபரனின் வெற்றியை கட்டியம் கூறி நிற்பதாக பலரும் தெரிவித்தனர்.

தொடர்ந்தும் நிதிப்பங்களிப்பை நல்க விரும்புவோரோ அல்லது தொண்டராக இணைந்து செயலாற்ற விரும்புபவர்களோ vote@shanthayaparan.ca, என்ற மின்னஞ்சல் முகவரியிலோ அல்லது 416.826.7426 என்ற தொலைபேசி இலக்கத்திலோ தொடர்பு கொள்ளுமாறு வேண்டப்படுகின்றனர்.

தமிழ் கூட்டமைப்பு - ஈ.பி.டி.பி ஆதரவாளர்களுக்கு இடையில் மோதல்?

2011-07-26T20:49:00.000-07:00

தமிழ்த் தேசியக் கூட்டமைப்பு மற்றும் ஈ.பி.டி.பி ஆதரவாளர்களுக்கு இடையில் யாழில் மோதல் சம்பவமொன்று இடம்பெற்றுள்ளதாக சிங்கள ஊடகமொன்று செய்தி வெளியிட்டுள்ளது.

தமி;ழ்த் தேசியக் கூட்டமைப்பு ஆதரவாளர்கள் தம்மைத் தாக்கியதாக, ஈ.பி.டி.பி. கட்சி குற்றம் சுமத்தியுள்ளது.

யாழ்ப்பாணம் வலிகாமம் பிரதேச சபைக்காக தெரிவு செய்யப்பட்டுள்ள சஜீவன் என்னும் தமிழ்த் தேசியக் கூட்டமைப்பு உறுப்பினரின் ஆதரவாளர்களே இந்தத் தாக்குதலை நடத்தியதாக முறைப்பாடு செய்யப்பட்டுள்ளது.

ஈ.பி.டி.பி கட்சியின் சார்பில் வலிகாமம் பிரதேச சபைக்காக போட்டியிட்ட தயாபாலன் என்பவரின் சகோதரரான சந்திரபாலன் என்பவரின் மீது தாக்குதல் நடத்தப்பட்டுள்ளதாக குற்றம் சுமத்தப்பட்டுள்ளது.

சந்திரபாலனின் வர்த்தக நிலையத்தையும் சஜீவன் தரப்பினர் தாக்கி சேதப்படுத்தியுள்ளதாகத் தெரிவிக்கப்பட்டுள்ளது.

தாக்குதலை மேற்கொண்டவர்களை பொதுமக்கள் மடக்கிப்பிடித்து பொலிஸ் நிலையத்தில் ஒப்படைத்துள்ளதாகக் குறிப்பிடப்படுகிறது.

சனல் 4 காணொளி தொடர்பில் அமெரிக்காவிற்கு விளக்கம்?

2011-07-26T20:48:00.000-07:00

சர்ச்சைக்குரிய சனல் 4 காணொளி தொடர்பில் அமெரிக்க உயரதிகாரிகளுக்கு விளக்கமளிக்கப்பட உள்ளதாகத் தெரிவிக்கப்படுகிறது.

குறித்த காணொளியில் உள்ளடக்கப்பட்டுள்ள காட்சிகள் போலியானவை என்பதனை அமெரிக்க செனட் மற்றும் காங்கிரஸ் சபை உறுப்பினர்களுக்கு தெளிவபடுத்த திட்டமிட்டுள்ளதாக அரசாங்கத் தரப்பு தகவல்கள் தெரிவிக்கின்றன.

அரசாங்கப் படையினர் போர்க் குற்றச் செயல்களில் ஈடுபட்டதாக சித்தரிக்கும் குறித்த காணொளியில் தகவல்கள் உள்ளடக்கப்பட்டிருந்தன.

அமெரிக்க காங்கிரஸ் சபை உறுப்பினர்களை தெளிவுபடுத்தும் நோக்கில் அந்நாட்டுக்கான இலங்கைத் தூதரகம் விசேட நடவடிக்கைகளை மேற்கொண்டு வருவதாகக் குறிப்பிடப்படுகிறது.

காங்கிரஸ் மற்றும் செனட் சபை உறுப்பினர்களுடன் இரு தரப்பு பேச்சுவார்த்தைகளை நடாத்துவதற்கும் நடவடிக்கை எடுக்கப்பட்டுள்ளதாக தூதுவர் ஜாலிய விக்ரமசூரிய தெரிவித்துள்ளார்.

காணொளியின் போலித்தன்மை குறித்து அமெரிக்க மக்களுக்கும் தெளிவுபடுத்தப்பட உள்ளதாகக் குறிப்பிட்டுள்ளார்.

அமெரிக்க அதிகாரிகள் மற்றும் பொதுமக்கள் மத்தியில் இலங்கை தொடர்பான நன்மதிப்பை அதிகரிக்கும் நோக்கில் இந்த விசேட தெளிவுபடுத்தல் நடவடிக்கைகள் மேற்கொள்ளப்படவுள்ளன.

இரகசிய முகாம்களில் 5 ஆயிரம் வரையில் தமிழ் இளைஞர், யுவதிகள் தடுத்துவைப்பு

2011-07-26T20:47:00.001-07:00

அவசரகாலச் சட்டம் மற்றும் பயங்கரவாத தடுப்புச் சட்டம் உட்பட தேசிய மூலச் சட்டத்திற்கு முரணான வகையில் தமிழ் அரசியல் கைதிகள் சிறை வைக்கப்பட்டுள்ளனர். இரகசியமான மர்ம முகாம்களில் 5 ஆயிரம் வரையிலான தமிழ் இளைஞர், யுவதிகள் தடுத்து வைக்கப்பட்டுள்ளார்கள் என்று சோஷலிச இளைஞர் சங்கம் குற்றம் சாட்டியுள்ளது.

அரசியல் கைதிகள் மற்றும் மர்ம முகாம்களில் தடுத்து வைக்கப்பட்டுள்ளவர்களின் விபரங்களை அரசாங்கம் உடனடியாக வெளிப்படுத்த வேண்டும். அவ்வாறு இல்லையென்றால் அவர்களின் விபரங்களை நாம் விசேட நடவடிக்கைகள் ஊடாக பாராளுமன்றில் சமர்ப்பிக்க நேரிடும் என்றும் அந்த சங்கம் எச்சத்துள்ளது.

பத்தரல்லையில் அமைந்துள்ள ஜே.வி.பி. யின் தலைமையகத்தில் நேற்று செவ்வாய்க்கிழமை நடைபெற்ற விசேட செய்தியாளர் மாநாட்டிலேயே மேற்கண்டவாறு தெவிக்கப்பட்டது.
இங்கு உரையாற்றிய சோஷலிச இளைஞர் சங்கத்தின் தேசிய அமைப்பாளரும் முன்னாள் பாராளுமன்ற உறுப்பினருமான பிமல் ரத்னாயக்க கூறுகையில்,

1983 ஆம் ஆண்டில் ஜூலை மாதம் 23 ஆம் திகதி நடைபெற்ற தமிழர்களுக்கு எதிரான வன்செயல்களினால் தேசிய அரசியலில் மாற்றங்கள் ஏற்பட்டது மட்டுமின்றி பிரிவினைவாதம் ஆயுதப் போராட்டம் என்று இன முரண்பாடு தீவிரமடைந்தது.

ஆனால் தற்போது முப்பதாண்டுகால யுத்தம் முடிவடைந்தும் இனங்களுக்கு இடையிலான ஒற்றுமையை கட்டியெழுப்புவதற்கான சிறந்த சந்தர்ப்பம் காணப்படுகின்ற போதிலும் அதனை முறையாக பயன்படுத்துவதில் நடைமுறை தலைமைத்துவம் தோல்வி கண்டுள்ளது. ஜனநாயகம் மீதும் தேசிய அரசியல் மீதும் தமிழ் மக்களுக்கு நம்பிக்கை ஏற்படுத்தும் வகையில் அரசின் செயற்பாடுகள் அமையவும் இல்லை.

கடந்த 10 வருடத்திற்கும் அதிகமான காலங்களாக தமிழ் அரசியல் கைதிகள் விசாரணைகள் இன்றி தடுத்து வைக்கப்பட்டுள்ளனர். பலர் இரகசிய முகாம்களிலும் சிறை வைக்கப்பட்டுள்ளனர். எமது தேடல்களின் மூலம் மேற்படி சட்ட விரோதமான தடுத்து வைத்தல் இனம் காணப்பட்டுள்ளது. ஆனால் அரசாங்கம் காணாமல் போனவர்கள் தொடர்பாகவோ, அரசியல் கைதிகள் தொடர்பாகவோ விசாரணைகளை முன்னெடுப்பதும் இல்லை. விபரங்களை வெளியிடுவதும் இல்லை.

பயங்கரவாதம் இல்லாத போதிலும் நடைமுறையில் உள்ள அவசரகாலச் சட்டம் மற்றும் பயங்கரவாத தடுப்புச் சட்டம் போன்றவற்றில் கூட விசாரணைகள் மற்றும் நீதிமன்றில் ஆஜர்படுத்தல் போன்ற சட்ட வழி முறைகள் உள்ளன.

ஆனால் சிறை வைக்கப்பட்டுள்ள, தடுப்பு காவலில் வைக்கப்பட்டுள்ள தமிழ் இளைஞர், யுவதிகளுக்கு எந்த சட்டம் நடைமுறைப்படுத்தப்படுகின்றது என்பதே தெரியவில்லை.

எனவே அரசாங்கம் தொடர்ந்தும் மௌனம் காக்காமல் தடுப்புக் காவலில் வைக்கப்பட்டுள்ளவர்களின் விபரங்களை வெளியிட வேண்டும். தம் வசம் குறிப்பிட்ட விபரங்கள் உள்ளது. அவற்றை விரைவில் பாராளுமன்றில் சமர்ப்பிப்போம். தொடர்ந்தும் தமிழ் இளைஞர், யுவதிகளுக்கு அநீதி இழைக்கப்படுவதை அனுமதிக்க முடியாது.

பிரபல தமிழ் வர்த்தகர் கனடாவில் குத்திக் கொலை

2011-07-26T20:46:00.000-07:00

கனடாவிலுள்ள தமிழ் சமூகத்தினருக்கு முன்மாதிரியாகத் திகழ்ந்த பிரபல தமிழ் வர்த்தகர் ஒருவர் குத்திக்கொலை செய்யப்பட்டுள்ளார்.

கனடாவின் மொன்ரியலில் வசித்துவந்த சுந்தரம் யோகராஜா (வயது 64) என்பவரே கடந்த புதன்கிழமை குத்திக் கொலை செய்யப்பட்டுள்ளார்.

சுந்தரம் யோகராஜாவின் இறுதிச் சடங்கு நேற்று முன்தினம் திங்கட்கிழமை நடைபெற்றபோது பலநூற்றுக்கணக்கான தமிழர்கள் கலந்துகொண்டு அவரது உடலுக்கு அஞ்சலி செலுத்தியுள்ளனர்.

பாரியளவிலான முதலீடுகளை மேற்கொண்டு கடின உழைப்பில் ஈடுபடுபவர்களுக்கு அவர் (சுதந்திரம் யோகராஜா) ஒரு முன் உதாரணமானவர். முதலில் கனடாவில் வர்த்தகத்தை ஆரம்பித்தவர் பின்னர் குடும்பத்தினருடன் இங்கு வாழ்ந்து வருகின்றாரென தெற்காசிய நாடுகளின் பெண்கள் சமூக நிலை உறுப்பினர் ரமணி பாலேந்திரா கூறியுள்ளார்.

சுந்தரம் யோகராஜன் வீட்டிற்கு அருகிலிருந்தே குப்பைகளை அகற்றுவது குறித்து அயலவரான மானுவல் மார்டினெஷ் (வயது 58) என்பவருடன் ஏற்பட்ட வாக்குவாதத்தைத் தொடர்ந்தே மானுவல் யோகராஜாவைக் கத்தியால் குத்தி கொலை செய்துள்ளார்.

இச்சம்பவம் தொடர்பாக மானுவலைக் கைது செய்து விளக்கமறியலில் வைத்திருப்பதுடன் இச்சம்பவம் தொடர்பாக அவர் எதிர்வரும் செவ்வாய்க்கிழமை நீதிமன்றில் ஆஜர்படுத்தப்படவுள்ளார்.

நண்பர்கள், உறவினர்களால் யோகா என அழைக்கப்படும் யோகராஜா, 1980 ல் தமிழ் அகதியாக கனடாவுக்குள் தஞ்சம் புகுந்திருந்து ஒரு வன்முறைச் சம்பவத்தின் மூலம் மரணமடைந்துள்ளார்.

இலங்கை அரசினால் மேற்கொள்ளப்படும் நடவடிக்கைகளிலிருந்து தப்பித்துக் கொள்வதற்காக இலங்கையிலிருந்து தமிழர்கள் வெளியேறுகின்றனர். ஆனால் யோகராஜா வன்முறை மூலம் மரணித்திருப்பது கவலையான விடயமென பாலேந்திரா கூறினார்.

அமைச்சர் வீரவன்சவுக்கு எதிராக கடுவலை மாநகரசபை வெற்றியாளர் போர்க்கொடி

2011-07-26T10:20:00.000-07:00

அதிகாரங்களை துஷ்பிரயோகம் செய்து வன்முறைகளுக்கு வித்திட்ட அமைச்சர் விமல் வீரவன்சவை கடுவலையில் இருந்து விரட்டியடிப்பதே தனது அடுத்த கட்டப் போராட்டம் என்று கடுவலை மாநகரசபைக்காக போட்டியிட்டு அதிகப்படியான வாக்குகளால் வெற்றியீட்டிய ஜி.எச். புத்ததாஸ சூளுரைத்துள்ளார்.

அமைச்சர் விமல் வீரவன்சவின் யுகம் மலையேறிவிட்டது. தற்போது புத்ததாஸவின் யுகம். முடியுமானால் தன்னோடு நேரடியாக மோதுமாறும் அவர் சவால் விடுத்துள்ளார்.

நடைபெற்று முடிந்துள்ள உள்ளூராட்சி சபைகளுக்கான தேர்தல்களின் போது கடுவலை மாநகரசபைக்காகப் போட்டியிட்ட புத்ததாஸ 29,719 விருப்பு வாக்குகளைப் பெற்று முதலாவது வெற்றியாளராகத் தெரிவுசெய்யப்பட்டுள்ளார்.

இதனையடுத்து, நேற்றைய தினம் அத்துருகிரியவில் ஏற்பாடு செய்யப்பட்டிருந்த கூட்டம் ஒன்றில் கலந்துகொண்டு உரையாற்றுகையிலேயே அவர் மேற்கண்டவாறு சூளுரைத்துள்ளார்.

அவர் அங்கு தொடர்ந்து உரையாற்றுகையில்,

அமைச்சர் விமல் வீரவன்ச தனது அதிகாரங்களையும் விசேட அதிரடிப்படை கொண்ட பாதுகாப்பு அதிகாரங்களையும் வைத்துக்கொண்டு கடுவலை பிரதேசத்தில் வன்முறையைத் தூண்டிவிடுவதற்கு பல்வேறு முயற்சிகளை மேற்கொண்ட அதேவேளை, என்னைத் தோற்கடிப்பதற்கும் பிரசாரங்களை மேற்கொண்டிருந்தார்.

அத்துடன், கடுவலை பிரதேசத்தில் அமைந்துள்ள பொலிஸ் நிலையங்களை தன்வசப்படுத்திக் கொண்ட அவர், எனக்கு எதிரான சதிமுயற்சிகளையும் மேற்கொண்டிருந்தார்.

எனினும், தற்போது நான் அதிகப்படியான வாக்குகளால் வெற்றிபெற்றிருக்கிறேன். கடுவலை பிரதேசத்தில் வீரவன்சவின் காலம் மலையேறிவிட்டது. தற்போது புத்ததாஸவின் யுகமே நடந்துகொண்டிருக்கிறது.

எனது அடுத்த கட்ட போராட்டம் விமல் வீரவன்சவை கடுவலையிலிருந்து விரட்டியடிப்பதேயாகும். முடியுமானால் அமைச்சராக இருக்கும் அவர் என்னோடு மோதிப் பார்க்கட்டும் அதற்கும் நான் தயாராவே இருக்கிறேன் என்று சவால் விடுத்துள்ளார்.

மட்டு. முறக்கொட்டாஞ்சேனையில் ஏற்பட்ட விபத்தை மாற்றியுள்ள பொலிஸ் பிரிவு

2011-07-26T08:44:00.000-07:00

மட்டக்களப்பு முறக்கொட்டாஞ்சேனை பிரதான வீதியில் 24.07.2011ம் திகதி அன்று அதிகாலை திருமலையில் இருந்து சீமெந்து பக்கற்றுடன் இரவோடு இரவாக ஓடிவந்த சீமெந்து லொறி ஒன்று சாரதியின் கவனயீனம் காரணமாக வீதி ஓரமாக சென்ற 06 கூலித் தொழிலாளர்களிடம் மோதி ஒருவரை உடன் பலிகொண்டது.

ஐவர் மிகவும் பாதிப்பான நிலையில் உள்ளனர். அதில் இருவர் நிலை மிகவும் மோசமாக உள்ளது.

இவ்வேளை இவ்வாகனம் சிங்கள இனத்தை சேர்ந்தவருக்குரியதாகவும், சாரதி சிங்களவராகவும் இருந்ததால் ஏறாவூர் பொலிஸ் பிரிவினர் இத்தகவலை மாற்றி வீதியில் ஒரு பஸ்வண்டி நின்றதாகவும், அதேவேளை பஸ்வண்டிக்கு இடமளித்து லொறி முந்த முற்பட்ட வேலை வீதிக்கு குறுக்காக பாதிக்கப்பட்ட ஆறுபேரும் சென்றதால் மோதியதாகவும் பதிவை மாற்றி லொறிச் சாரதி, லொறி என்பவற்றை பிரச்சனை இன்றி வெளியேற நடவடிக்கை எடுத்துள்ளனர்.

இந்தநிலையில் விபத்து நடைபெற்ற இடத்திற்கும், வைத்தியசாலைக்கும் சென்று மட்டக்களப்பு மாவட்ட பாராளுமன்ற உறுப்பினர் சீனித்தம்பி யோகேஸ்வரன் பார்வையிட்டுள்ளதுடன், இவ் விவகாரம் தற்போது அவரின் கவனத்துக்கு கொண்டு செல்லப்பட்டுள்ளது.

இவ்வேளை இதில் மரணம் அடைந்த நபரின் வீட்டுக்கு சென்ற ஏறாவூர் பொலிஸ் பிரிவினர் வெற்றுக் கடதாசியில் வீட்டாரிடம் கையொப்பம் பெற்றுச் சென்றுள்ளனர்.

இவ்விடயம் தொடர்பில் பாராளுமன்ற உறுப்பினர் சீ.யோகேஸ்வரன் நடவடிக்கை எடுத்து வருவதாக அறியப்படுகின்றது.

கடந்த சில காலமாக மட்டக்களப்பில் சிங்களவர்கள் செலுத்தும் வாகனம் விபத்து என்ற வகையில் தமிழர்களின் உயிரை காவு கொள்வதும், பாதுகாப்பு படை, பொலிஸ் பகுதியினர் அந்த சிங்கள சாரதிமாரை தப்பிக்க செய்வதும் அதிகரித்துள்ளது.

இச் சம்பவங்கள் குறித்து அரசாங்கத்துடன் சோ்ந்து இயங்கும் மீள்குடியேற்ற பிரதி அமைச்சர் விநாயகமூர்த்தி முரளிதரன், கிழக்கு மாகாண முதலமைச்சர் சிவநேசதுரை சந்திரகாந்தன் ஆகியோர் வாய்மூடி மௌனிகளாக இருப்பது வேதனையே! என விசனம் தெரிவித்துள்ளார்.

இலங்கை மீனவர்கள் 13 பேர் இந்திய கடலோர காவல்துறையினரால் கைது

2011-07-26T08:43:00.000-07:00

இந்திய ஒரிசா கடல் பகுதியில், அத்துமீறி பிரவேசித்த, 13 இலங்கை மீனவர்கள், இந்திய கடலோர காவல் படையினரால் நேற்று கைது செய்யப்பட்டனர்.

அவர்கள் வந்த, 3 மீன்பிடி படகுகளும் பறிமுதல் செய்யப்பட்டன.

இந்திய கடலோர காவல் படையினர், ஒரிசா மாநில கடலோரப் பகுதிகளில் வழக்கமான ரோந்துப் பணியில் ஈடுபட்டிருந்தனர்.

இதன்போது மூன்று படகுகள், சந்தேகத்திற்கிடமான வகையில் நின்றதை அடுத்து காவல் படையினர் அவற்றை முற்றுகையிட்டனர்.

அவர்களிடம் நடத்திய விசாரணையில், அவர்கள் இலங்கை மீனவர்கள் என தெரியவந்தது.

பின்னர், அந்த படகுகளில் இருந்த, 13 இலங்கை மீனவர்களும் கைது செய்யப்பட்டு, பாரதீப் கடலோர போலீசாரிடம் ஒப்படைக்கப்பட்டனர்.

சக பயணியிடம் கைப்பையை கொடுத்த பெண்ணொருவரின் ரூ.50 ஆயிரம் பணம் திருட்டு

2011-07-26T08:42:00.001-07:00

முல்லைத்தீவு, கற்சிலைமடுவிலிருந்து யாழ்ப்பாணத்துக்கு பஸ்ஸில் பயணித்த பெண்மணியொருவர் தான் எடுத்துச் சென்ற 50 ஆயிரம் ரூபா பணத்தைப் பறிகொடுத்துள்ளதாகத் தெரிவிக்கப்படுகின்றது.

கற்சிலைமடு நான்காம் கண்டம், பண்டாரவன்னியைச் சேர்ந்த மகாலிங்கம் இராசேஸ்வரி என்பவரே இவ்வாறு பணத்தைப் பறிகொடுத்தவர் ஆவார்.

இவர் யாழ்ப்பாணத்திலுள்ள உறவினர் ஒருவருக்கு கொடுப்பதற்காக கொண்டுசென்ற ஐம்பதினாயிரம் ரூபா பணத்தையே இவ்வாறு பறிகொடுத்துள்ளார்.

இச்சம்பவம் பற்றி தெரியவருவதாவது:

பஸ்ஸில் ஆசனம் கிடைக்காததால் நின்றுகொண்டே பயணம் செய்ய வேண்டிய நிலை அப் பெண்மணிக்கு எற்பட்டது. இதனால் தனது கைப்பையை அருகிலுள்ள ஆசனத்தில் அமர்ந்திருந்த பெண் பயணி ஒருவரிடம் கொடுத்தார்.

பஸ்வண்டி சில மைல் தூரம் சென்ற பின் அந்த கைப்பையைக் கொடுத்திருந்த பெண் தான் இடையிலே இறங்கவுள்ளதாகக் கூறி இவரிடம் அந்தக் கைப்பையை ஒப்படைத்து விட்டு இறங்கிச் சென்றுவிட்டார்.

இவர் கைப்பையை வாங்கிப் பத்திரமாக கொண்டுசென்று உறவினர் வீட்டுக்குப் போய்ப் பணத்தைக் கொடுப்பதற்காகக் கைப்பையைத் திறந்து பார்த்தபோதே பணம் எடுக்கப்பட்டுள்ளமை தெரியவந்தது.

இப்படியான சம்பவங்கள் வடபகுதியில் அதிகரித்துக் காணப்படுவதால் பொதுமக்கள் அவதானமாக இருக்குமாறு கேட்டுக் கொள்ளப்படுகின்றனர்.

கனடியத் தமிழ் இளையோர் முன்னெடுத்து வரும் G for Genocide' எனும் விழிப்புணர்வு நிகழ்வு

2011-07-26T08:41:00.000-07:00

யூலை 1983 ன் பொழுது தமிழ் மக்கள் மீது அநியாயமாக நிகழ்த்தப்பட்ட இனக்கலவரங்கள் இலங்கை அரசினாலும் சிங்கள மக்களினாலும் திட்டமிடப்பட்டு நடாத்தப்பட்டன.

யூலை இனக்கலவரத்தினால் ஆயிரக்கணக்கான மக்கள் வாழ்வை, வீட்டை, சொத்தை, நிம்மதியை, உறவினரை இழந்து தவித்தனர், இன்றும் தவித்த்துக் கொண்டிருக்கின்றனர்.

இவ்வாறான கறுப்பு யூலையினை தமிழ் மக்கள் மனதில் நிறுத்தி ஆண்டு தோறும் நினைவு கூர்ந்து வருகின்றனர்.

அந்த வகையில் கனடா, மார்க்கம் மாநகரில் தமிழ் இளையோர் அமைப்பினால் வீடு வீடாக சென்று பரப்புரை நிகழ்வை மேற்கொண்டனர்.

வேற்று இன மக்களுக்கு தமிழ் இன மக்களின் படுகொலைகளை விளக்கும் வண்ணம் இப் பரப்புரை நிகழ்வு முன்னெடுக்கப்பட்டது.

இந் நிகழ்வில் தமிழ் இளையோர்களால் தொலைக்காட்சி 4 ஒளிபரப்பிய " Sri Lanka's Killing Field " என்ற விவரணச் சித்திரம் ஒளிப்பேழைகளில் இட்டு வேற்று இன மக்களுக்கு கையளிக்கப்பட்டது.

அத்துடன் இலங்கை அரசாங்கத்தின் போர்க்குற்ற நீதியான விசாரணைகளை மேற்கொள்ள கனடிய அரசாங்கம் அழுத்தம் கொடுக்க வேண்டும் என்று கனடிய அரசாங்கத்தை வலியுறுத்தி கையெழுத்து வேட்டையும் நடைபெற்றது.

இந் நிகழ்வில் தமிழ் இளையோர்கள் பெருவாரியாக பங்குகொண்டார்கள். இப் பரப்புரை நிகழ்வு ஐந்தாயிரம் ஒளிப்பேழைகள் வேற்றின மக்களுக்கு கையளிக்கப்படவுள்ளதாகவும் மேலும் கனடிய இளையோர் அமைப்பு தெரிவித்துள்ளது.

கிழக்கு மாகாணசபை உறுப்பினர்களிடம் சட்டவிரோத ஆயுதங்கள்?

2011-07-26T02:31:00.000-07:00

கிழக்கு மாகாணசபையில் அங்கம் வகிக்கும் இரண்டு உறுப்பினர்களிடம் சட்டவிரோத ஆயுதங்கள் காணப்படுவதாகத் தெரிவிக்கப்படுகிறது.

இது தொடர்பில் இராணுவத்தினர் விசாரணைகளை ஆரம்பித்துள்ளதாகக் குறிப்பிடப்படுகிறது.

குறித்த அரசியல்வாதிகளுக்கு நெருக்கமானவர்களிடமும் இவ்வாறு சட்டவிரோத ஆயுதங்கள் காணப்படுவதாக தெரிவிக்கப்படுகிறது.

நம்பகரமான தரவு மூலங்களின் ஊடாக இந்த இரகசிய தகவல்களை திரட்டியதாக இராணுவத்தினர் அறிவித்துள்ளனர்.

எதிர்வரும் 31ம் திகதிக்கு முன்னதாக சட்டவிரோத ஆயுதங்கள் ஒப்படைக்கப்பட வேண்டுமென கிழக்கு மாகாணத்தில் பகிரங்க அறிவிப்பு விடுக்கப்பட்டுள்ளது.

இராணுவத்தினரின் இந்த உத்தரவிற்கு இதுவரையில் சாதமான பதில் கிடைக்கவில்லை எனத் தெரிவிக்கப்படுகிறது.

எவ்வாறெனினும், சில அமைப்புக்கள் ஆயுதங்கள் மற்றும் வெடிபொருட்களை அங்காங்கே கைவிட்டு சென்ற நிலையில் இராணுவத்தினர் மீட்டுள்ளனர்.

யுத்தக்குற்றம் விடுதலைப்புலிகள் மீது அதிக குற்றம் சுமத்தியதா ஐ.நா?

2011-07-25T22:47:00.001-07:00

ஐக்கிய நாடுகள் சபையின் இலங்கை யுத்தக் குற்றம் தொடர்பான அறிக்கையில் சிறீலங்கா தரப்பிற்கு ஐந்து குற்றச்சாட்டுக்களை முன்வைத்த மேற்படி விசாரணைக் குழு விடுதலைப்புலிகள் மீது ஆறு குற்றச்சாட்டுக்களை முன்வைத்தது.

இது நேரிடையாக தமிழர்களே அதிக யுத்தக்குற்றம் புரிந்தார்கள் என்ற குற்றச்சாட்டாக முன்வைக்கப்பட்டுள்ளது. அத்தோடு புலம்பெயர்ந்த தமிழ் மக்கள் மீதான தனது வன்மத்தை தீர்க்குமுகமான ஒரு பகுதியும் அவ்வறிக்கையில் இணைக்கப்பட்டுள்ளது.

குறிப்பாக புலம்பெயர்ந்த தமிழர்களில் விடுதலைப்புலிகள் சார்பானவர்கள் “மாபியா” எனப்படும் கொள்ளைக்கூட்டத்தையொத்த செயற்பாடுகளில் ஈடுபடுகிறார்கள் என்ற கருத்து ஒழிவுமறைவின்றி அவ்வறிக்கையில் தெரிவிக்கப்பட்டுள்ளது.

இந்த மாபியா என்கிற கருத்து மேற்குலக நாடுகளின் கருத்தாகவே இவ்வறிக்கையில் இணைக்கப்பட்டுள்ளது.

இதற்கான காரணம் யாதெனில் ஓசன் லேடி என்ற கப்பல் 76 அகதிகளுடன் கனடாவை சென்றடைந்த போது, கனடிய இராஜதந்திரியின் உதவியாளர் ஒருவர் “விடுதலைப்புலிகள் இனி எந்தக் காலமும் தமிழர்கள் தொடர்பாகப் பேச அருகையற்றவர்கள், அவர்கள் ஒரு மாபியா கூட்டமாகவே செயற்பட ஆரம்பித்து விட்டார்கள்” என்ற கருத்தை ஒக்டோபர் 2009ல் தெரிவித்திருந்தார்.

ஆனால் அதிசயிக்கத்தக்க வகையில் இந்த வருடம் மார்ச் மாதம் வெளியிடப்பட்ட அந்த அறிக்கையில் அதே வாசகங்கள் தெளிவாக இடம்பெற்றிருக்கின்றன.

விடுதலைப்புலிகள் இப்போது புலம்பெயர்ந்த நாடுகளில் மாபியாக் கூட்டமாகவே செயற்படுகிறார்கள். இவர்கள் நிதிசேகரப்பிற்கு ஆலயங்கள், கல்வி நிலையங்களைப் பயன்படுத்துகிறார்கள் என்றே அந்த அறிக்கை செல்கிறது.

இவ்வாறு சிறீலங்கா அரசின் கொடிய செயல்களிற்கு சமனாக விடுதலைப்புலிகளும் குற்றச் செயல்கள் புரிந்தார்கள் என்று வம்பிற்குப் பேசும் அந்த அறிக்கையில் புலம்பெயர்ந்த தமிழர்களையும் அவர்களின் தலைமைகளையும் இவ்வாறு மாபியா என்று கொச்சைப் படுத்துவத்தை நாம் ஏனோ கவனத்தில் எடுக்கத் தவறிவிட்டோம்.

ஆனால் இந்தச் செயற்பாடு விடுதலைப்புலிகளை மாத்திரமல்ல, புலம்பெயர்ந்த தலைமைகளையும் முன்வைத்து திட்டமிட்டு மேற்கொள்ளப்படுகிறது.

இதனை முறியடிப்பதற்காக தமிழ்த் தேசியக் கூட்டமைப்பு மேற்கொள்ளும் நடவடிக்கைகளை எம்மை இணைத்து செயற்பட்டு புலம்பெயர்ந்த தமிழர்கள் தொடர்பாக ஐ.நா. அறிக்கையில் சொல்லப்பட்டவற்றை அவர்களையே மீளப் பெற வைக்க வேண்டும்.

இராணுவ ஆட்சியை நிராகரித்துள்ள வடக்கு மக்கள் : மாவை சேனாதிராசா

2011-07-25T22:46:00.000-07:00

இராணுவ ஆட்சியை வடக்கு மக்கள் நிராகரித்துள்ளதாக தமிழ்த் தேசியக் கூட்டமைப்பின் நாடாளுமன்ற உறுப்பினர் மாவை சேனாதிராசா தெரிவித்துள்ளார்.

இராணுவ நிர்வாகமற்ற வடக்கின் அவசியம் நடைபெற்று முடிந்த உள்ளுராட்சி மன்றத் தேர்தலின் போது வலியுறுத்தப்பட்டுள்ளதாகக் குறிப்பிட்டுள்ளார்.

பிரபல சிங்கள ஊடகமொன்றுக்கு அளித்த செவ்வியின் போது அவர் இதனைக் குறிப்பிட்டுள்ளார்.

கடுமையான அழுத்தங்களுக்கு மத்தியிலும் வடக்கு மக்கள் நம்பிக்கையுடன் தமிழ்த் தேசியக் கூட்டமைப்பிற்கு ஆதரவாக வாக்களித்த்துள்ளதாகத் தெரிவித்துள்ள அவர், வடக்கில் மக்களின் உரிமைகளை உறுதிப்படுத்தக் கூடிய ஓர் சூழ்நிலை விரைவில் உருவாக்கப்பட உள்ளதாகக் குறிப்பிட்டுள்ளார்.

கூட்டமைப்பின் சார்பில் போட்டியிட்டு வெற்றியீட்டிய உறுப்பினர்களின் பதவிப் பிரமாணம் தொடர்பில் விரைவில் அறிவிக்கப்படும் எனவும், கிளிநொச்சியில் பதவிப் பிரமாண நிகழ்வுகள் நடத்தப்படக் கூடிய சாத்தியம் காணப்படுவதாகவும் அவர் தெரிவித்துள்ளார்.

கிளிநொச்சி மாவட்டத்தில் 39,828 பேர் மாத்திரமே வாக்களிப்பு

2011-07-25T06:46:00.000-07:00

கிளிநொச்சி மாவட்டத்தில் உள்ள மூன்று உள்ளூராட்சி சபைகளுக்கான தேர்தலில் 61,217 பேர் வாக்களிப்பதற்கு தகுதி பெற்றிருந்த போதிலும் 39 ,828 பேர் மாத்திரமே தமது வாக்குகளைப் பதிவு செய்திருந்தனர். இவர்களில் 4328 பேர் அளித்த வாக்குகள் செல்லுபடியற்றவை என தேர்தல்கள் செயலகம் அறிவித்துள்ளது.

எனினும், கிளிநொச்சி மாவட்டத்தில் மூன்று உள்ளூராட்சி சபைகளையும் தமிழ்த் தேசியக் கூட்டமைப்பு கைப்பற்றியுள்ளது.

இந்த மாவட்டத்தில் தமிழ் தேசியக் கூட்டமைப்பு கரைச்சி பிரதேச சபைக்கு தமிழரசுக் கட்சியின் வீட்டுச் சின்னத்திலும் பூநகரி, பச்சிலைப்பள்ளி ஆகிய பிரதேச சபைகளுக்கு தமிழர் விடுதலைக் கூட்டணியின் உதயசூரியன் சின்னத்திலும் போட்டியிட்டிருந்தது.

பச்சிலைப்பள்ளி பிரதேச சபையில் தமிழர் விடுதலைக் கூட்டணி 1650 வாக்குகளைப் பெற்று 6 ஆசனங்களையும் ஐக்கிய மக்கள் சுதந்திர முன்னணி 1184 வாக்குகளைப் பெற்று 3 ஆசனங் களையும் பெற்றுக்கொண்டன.

கரைச்சி பிரதேச சபையில் இலங்கை தமிழரசுக் கட்சி 18609 வாக்குகளைப் பெற்று 15 ஆசனங்களையும், ஐக்கிய மக்கள் சுதந்திர முன்னணி 6097 வாக்குகளைப் பெற்று 4 ஆசனங்களையும் பெற்றுக்கொண்டன.

பூநகரி பிரதேச சபையில் தமிழர் விடுதலைக் கூட்டணி 3827 வாக்குகளைப் பெற்று 6 ஆசனங்களையும் ஐக்கிய மக்கள் சுதந்திர முன்னணி 3689 வாக்குகளைப் பெற்று 4 ஆசனங்களையும் பெற்றுக் கொண்டன.

அதேவேளை, கிளிநொச்சி மாவட்டத்தில் உள்ள மூன்று உள்ளூராட்சி மன்றங்களிலும் வெற்றிபெறுவதற்காக ஆளும் கட்சியான ஐக்கிய மக்கள் சுதந்திர முன்னணி தம்மாலான தீவிர முயற்சிகளை மேற்கொண்டிருந்தது. ஏனெனில் சர்வதேச நாடுகளின் போர்க்குற்ற குற்றச்சாட்டுக்களிலிருந்து மீள்வதற்காக இந்த வெற்றி சாதகமாக அமையும் என எதிர்பார்த்தது. ஆனால் தமிழ் மக்கள் தமது விடுதலை உணர்விலிருந்து இன்னமும் திரும்பவில்லை என்பதையும், எந்த அன்பளிப்புக்களாலும் தம்மை மாற்றமுடியாது என்பதையும் சர்வாதிகார அரசாங்கத்திற்கும் அதன் அடிவருடிகளுக்கும் உணர்த்தியுள்ளார்கள்.

தெற்காசியாவைச் சேர்ந்த 4 ஆயிரம் பேருக்கு அவுஸ்திரேலியாவில் குடியுரிமை

2011-07-25T04:08:00.000-07:00

புகலிடக் கோரிக்கை தொடர்பாக எதிர்வரும் வருடங்களில் அவுஸ்திரேலியாவில் உத்தியோகபூர்வமாக பதிவு செய்யப்பட்ட அகதிகள் 4 ஆயிரம் பேருக்கு குடியுரிமை வழங்குவதென அவுஸ்திரேலியா மலேசியா ஆகிய நாடுகளுக்கிடையில் இன்று திங்கட்கிழமை ஒப்பந்தம் ஒன்று கைச்சாத்தாகியுள்ளது.

எதிர்வரும் வருடங்களில் அவுஸ்திரேலியாவில் உத்தியோகபூர்வமாக பதிவு செய்யப்பட்ட அகதிகள் 4 ஆயிரம் பேருக்கு குடியுரிமை வழங்குவதெனவும் மேலதிகமாக தங்கியுள்ள 800 பேரை மலேசியாவுக்கு அனுப்புவதெனவும் ஒப்பந்தத்தினூடாக தீர்மானிக்கப்பட்டுள்ளது.

அவுஸ்திரேலியாவில் குடியுரிமை பெறுவோர் அனைவரும் தெற்காசிய நாடுகளைச் சேர்ந்தோர் எனக் குறிப்பிடப்பட்டுள்ளது.

மலேசியாவின் உள்துறை அமைச்சர் ஹிஷாமுடீன் உசைன் மற்றும் அவுஸ்திரேலியாவின் குடிவரவு, குடியகல்வுத் துறை அமைச்சர் கிரிஸ் போவன் ஆகியோர் இந்த ஒப்பந்தத்தில் கையொப்பமிட்டுள்ளனர்.

மலேசியாவில் புகலிடக் கோரிக்கையை முன்வைத்து 93 ஆயிரம் அகதிகள் உள்ளதாகவும் இவர்களில் இலங்கையரும் உள்ளடங்கியுள்ளனர் எனவும் சர்வதேச அமைப்புகள் தெரிவிக்கின்றன.

உள்ளூராட்சி மன்றத் தேர்தல்: தேர்தல் முடிவுகளை பார்வையிட்ட ஜனாதிபதி

2011-07-24T07:19:00.000-07:00

பெரும் பரபரப்புக்கு மத்தியில் நேற்று இடம்பெற்ற உள்ளூராட்சி மன்றத் தேர்தலில் ஐக்கிய சுதந்திர முன்னணி அமோக வெற்றி பெற்றுள்ளது.

இதேவேளை வடபகுதியில் வல்வெட்டித்துறை நகர சபை, வலிகாமம் தென் மேற்கு, வலிகாமம் வடக்கு மற்றும் துணுக்காய் பிரதேச சபைகளில் தமிழரசுக் கட்சி அமோக வெற்றி பெற்றுள்ளது

இத்தேர்தலின் உத்தியோக பூர்வ முடிவுகளை ஜனாதிபதி மஹிந்த ராஜபக்ஷ பார்வையிட்டார்.

Pix: Sudath Silva

ஜனநாயக வழிமுறையில் அரசுக்கு தமிழ் வாக்காளர்கள் சாட்டையடி

2011-07-24T02:50:00.001-07:00

ஆளும்கட்சி வடக்கில் அரசின் அனைத்து வளங்களையும் பயன்படுத்தி, களத்தில் படை பட்டாளத்துடன் இறங்கிப் பிரசாரத்தில் ஈடுபட்ட போதும், மானம் கொண்ட தமிழ் மக்கள் ஜனநாயக வழி முறையில் தகுந்த பதிலடி கொடுத்துத் தலைநிமிர்ந்து நிற்கின்றனர். இவ்வாறு தமிழர் தரப்பு மூத்த அரசியல்வாதிகளும் புத்திஜீவிகளும் கருத்து வெளியிட்டுள்ளனர்.

இலவசப் பொதிகள், சைக்கிள், வேட்டி, சேலை என்று இலவசங்களை அள்ளி வழங்கியபோதும் தமிழ் பெருமக்கள் அசைந்து விடவில்லை.

நாட்டின் ஜனாதிபதி முதல் அமைச்சர்கள் மற்றும் ஆளும் கட்சியில் நாடாளுமன்ற உறுப்பினர்கள், அரசின் உயர்மட்ட அதிகாரிகள் என முழு அதிகார ஆளணியும் வடக்கில் முகாமிட்டு அடிக்கற்கள் நட்டும், பாடசாலைக் கட்டடங்களைத் திறந்தும், வீதிகளைத் திறந்து வைத்தும், மீள்குடியமர்வுகளைச் செய்த போதும் அவலங்களை அனுபவித்த எம்மக்கள் ஏமாறவில்லை.

அவர்கள் சரியான வேளையில் தருணம் பார்த்து சாட்டையடி கொடுத்துள்ளனர்.

அரசுக்கும் வெற்றிலைச் சின்னத்தில் போட்டியிட்ட அனைத்துத் தரப்புக்கும் முகத்தில் அடித்தாற்போன்று பதிலடி கொடுத்துள்ளனர்.

அதேசமயம், சர்வதேசம் இந்தத் தேர்தலை வெகு உன்னிப்பாகக் கூர்ந்து கவனித்தபடி இருந்தது. சர்வதேசத்தையும் ஏமாற்றி திசைதிருப்பி தமிழர்கள் எம்பக்கம் என்பதைக் காட்டிவிட அரசு பகீரத முயற்சிகளைச் செய்துவந்தது. அந்த முயற்சிகளையும் அடியோடு முறியடித்துவிட்டனர் எம்மக்கள்.

ஆளும்கட்சிக்குப் பின்னால் அணிவகுத்து தமிழ் விரோதப் போக்கைத் தங்கள் வயிற்றுப் பிழைப்புக்காக ஆதரித்து, சிங்களப் பேரினவாதத்துக்குக் குடைபிடித்து வந்த வேடதாரிகளுக்கும் முறையாகப் பாடம் புகட்டி விட்டனர் மறத்தமிழர்கள் என்று அவர்கள் தெரிவித்தனர்.

கொழும்பு - கிளிநொச்சி இடையில் பயணிகள் விமான சேவை ஆரம்பம்

2011-07-24T02:49:00.001-07:00

கொழும்புக்கும் கிளிநொச்சிக்கும் இடையில் விசேட விமான சேவையொன்று நடத்தப்படவுள்ளது. எதிர்வரும் 28 ம் திகதி இந்த விமான சேவை ஆரம்பிக்கப்பட உள்ளதாகக் குறிப்பிடப்படுகிறது.

விமானப்படையின் ஹெலிகொப்டர் பிரிவினால் இந்த உள்ளுர் விமான சேவை நடத்தப்படவுள்ளது.

வை 12 ரக விமானங்கள் இந்த உள்ளுர் விமான சேவைக்காக பயன்படுத்த உள்ளதாகவும் சுமார் 15 பயணிகள் விமானத்தில் பயணம் செய்ய முடியும் எனவும் தெரிவிக்கப்படுகிறது.

பயணக் கட்டணமாக ஒருவரிடமிருந்து 7500 ரூபா அறவீடு செய்யப்பட உள்ளதாகக் குறிப்பிடப்படுகிறது.

சங்கடமான நிலையில் கொழும்பு - தூத்துக்குடி பயணிகள் கப்பல் சேவை

2011-07-23T08:58:00.000-07:00

தூத்துக்குடிக்கும் கொழும்புக்குமிடையிலான பயணிகள் கப்பல் சேவையானது சங்கடமான நிலையில் உள்ளதாக தெரிவிக்கப்படுகிறது.

ஜூன் 13 ல் இந்த பயணிகள் கப்பல் சேவை ஆரம்பிக்கப்பட்டது. 1044 பயணிகளை ஏற்றிச் செல்லக்கூடிய ஸ்கோஷியா பிரின்ஸ் என்ற இந்தக் கப்பலானது வாரத்திற்கு இரு தடவைகள் மேற்கொள்ளும் பயணத்தில் 150 பயணிகளையே ஏற்றிச் செல்வதாக ரைம்ஸ் ஒவ் இந்தியா பத்திரிகை இன்று சனிக்கிழமை தெரிவித்துள்ளது.

இச் சேவையை மும்பாயைத் தளமாகக் கொண்ட பிளேமிங்கோ லைனஸ் இயக்கி வருகிறது. பயணச்சீட்டுகள் விநியோகம், சந்தைப்படுத்தல் பொதிகள் என்பவற்றை இது ஏற்படுத்த வேண்டியுள்ளது. அத்துடன் இச் சேவையானது தனது கொள்ளளவில் 15 வீதத்துடன் கப்பல் செல்லுமானால் ஏற்புடையதாக இருக்க முடியாதென தூத்துக்குடி துறைமுக ட்ரஸ்ட்டைச் சேர்ந்த சிரேஷ்ட அதிகாரி ஒருவர் கூறுகிறார்.

இந்தச் சேவை தொடர்பாக முன்னணி பயணிகள் பயண முகவரமைப்புகள் பல அறியாமல் இருப்பதாக தொழில்துறை வட்டாரங்கள் கூறுகின்றன. அத்துடன்,. ஆட்கள் பல்வேறு பக்கேஜ்கள் இருப்பது குறித்து தெரியாமல் உள்ளனர்.

இத்தகைய சேவைகளுக்கு பொருத்தமான சந்தைப்படுத்தல் முக்கியமானதாகும். இந்த விடயத்தில் இயக்குபவர் பொதுவான விற்பனை முகவர்களை சென்றடைய முயற்சிக்கவில்லை. இப்போதும் தனியான பதிவு முறைமையே காணப்படுகிறது என்று கப்பல் துறை சிரேஷ்ட அதிகாரி ஒருவர் கூறுகிறார்.

ஆனால், சேவையை இயக்குபவர் நம்பிக்கையுடன் இருக்கின்றார். 60 வீதமான பயணிகள் வர்த்தகர்கள் ஆகும். பிரதானமாக ஆடைகள், ஏனைய பொருட்களை கொண்டு செல்கின்றனர். நாங்கள் மெதுவாக சந்தையை எட்டிப்பிடித்து வருகின்றோம். சேவையின் வர்த்தகத்துறை சாதகத்தன்மை குறித்து இப்போது கருத்துத் தெரிவிக்க முடியாது என்று பேச்சாளர் கூறியுள்ளார்.

மட்டக்களப்பு சிறைச்சாலை உண்ணாவிரதக் கைதிகள் கூரை மீது ஏறி நின்று ஆர்ப்பாட்டம்

2011-07-23T08:57:00.000-07:00

மட்டக்களப்பு சிறைச்சாலையில் உண்ணாவிரதமிருந்த தமிழ் அரசியல் கைதிகள் இன்று சனிக்கிழமை பிற்பகல் கூரை மீது ஏறி நின்று ஆர்ப்பாட்டம் செய்தனர்.

மட்டக்களப்பு சிறைச்சாலையில் இன்று உண்ணாவிரதமிருந்த தமிழ் அரசியல் கைதிகள் இன்று பிற்பகல் கூரைமீது ஏறி நின்றும் ஆர்ப்பாட்டம் செய்ததை அடுத்து தமிழ் தேசிய கூட்டமைப்பு பாராளுமன்ற உறுப்பினர்களான பா.அரியநேத்திரன், பொன் செல்வராசா, சீ.யோகேஸ்வரன் மற்றும் தமிழ் தேசிய கூட்டமைப்பின் நகர பகுதி இணைப்பாளர் பிரசன்னா இந்திரகுமார் ஆகியோர் சிறைச்சாலைக்கு விஜயம் செய்தனர்.

அங்கு ஆர்ப்பாட்டத்தில் ஈடுபட்டுக்கொண்டிருந்த கைதிகளுடன் சுமார் ஒரு மணிநேரமாக பேச்சுவார்த்தை நடாத்தி அவர்கள் முன்வைத்த கோரிக்கைகளுக்கு தீர்வு பெற்றுத்தருவதாக கூறியதை அடுத்து கைதிகள் தங்களது போராட்டத்தைக் கைவிட்டு கூரைமீதிருந்து கீழே இறங்கினார்கள்.

தலவாக்கலை லிந்துலை நகரசபையை ஐ.ம.சு.மு. கைப்பற்றியது

2011-07-23T08:56:00.001-07:00

இன்று நடைபெற்ற 65 உள்ளூராட்சி மன்றங்களுக்கான தேர்தல்களில் தலவாக்கலை லிந்துலை நகர சபைக்கான தேர்தல் முதலாவதாக வெளியாகியுள்ளது.

இதில் ஐக்கிய மக்கள் சுதந்திர முன்னணி 1988 ஓட்டங்களைப் பெற்று 7 ஆசனங்களைக் கைப்பற்றியுள்ளது. 1002 வாக்குகளைப் பெற்று எதிர்க்கட்சி 2 ஆசனங்களைக் கைப்பற்றியுள்ளது.

ஜனாதிபதியால் திறந்துவைக்கப்பட்ட இரும்புத் தடுப்பு அகற்றப்பட்டது

2011-07-22T22:47:00.001-07:00

ஜனாதிபதியால் அண்மையில் திறந்து வைக்கப்பட்ட காலி புதிய பஸ் நிலையத்தில் நிர்மாணிக்கப்பட்டிருந்த இரும்புத் தடுப்பு, ஆளுந்தரப்பு நாடாளுமன்ற உறுப்பினர் நிஷாந்த முத்துஹெட் டிகமவினால் நேற்றுமுன்தினம் அகற்றப்பட்டது.

நேற்று முன்தினம் காலை இந்த இடத்துக்குச் சென்ற ஆளுங்கட்சியின் நாடாளுமன்ற உறுப்பினர் நிஷாந்த முத்து ஹெட்டிகம, இரும்புத் தடுப்பை அகற்றுவதற்கு நடவடிக்கை எடுத்துள்ளார் என்று தெரிவிக்கப்படுகின்றது.

இந்த இரும்புத் தடுப்பை அகற்றுமாறு வலியுறுத்தி, காலி பஸ் நிலையத்திலிருந்து பயணத்தை ஆரம்பிக்கும் தனியார் பஸ் ஊழியர்கள் கடந்த புதன் கிழமை தினம் பகிஷ்கரிப்பில் ஈடுபட்டிருந்தனர்.

குறித்த இரும்பு தடுப்பால் பயணிகள் பல்வேறு சிரமங்களை எதிர் கொள்கின்றர் என்று தனியார் பஸ் ஊழி யர்கள் தெரிவிக்கின்றனர்.

நாடாளுமன்ற உறுப்பினரால் இந்த இரும்புத் தடுப்பு அகற்றப்பட்டதை அடுத்து, தனியார் பஸ் போக்குவரத்து சேவை மீண்டும் ஆரம்பிக்கப்பட்டது என்று தெரிவிக்கப்பட்டுள்ளது.

அனைத்துலக சுயாதீன போர்க்குற்ற விசாரணைக்கு அழுத்தம் : சனல்-4

2011-07-22T09:01:00.001-07:00

இலங்கையில் இறுதிப் போரில் இடம்பெற்ற போர்க்குற்றங்கள் தொடர்பில் ‘அனைத்துலக சுயாதீன போர்க்குற்ற விசாரணை’ நடத்தப்பட வேண்டும் என, பிரித்தானிய நாடாளுமன்ற உறுப்பினர்கள் தொடர்ச்சியாகக் குரல் கொடுத்து வருவதாக, சனல்-4 (Channel-4) தொலைக்காட்சி செய்தி வெளியிட்டுள்ளது.

ஈழத்தமிழ் மக்களின் அவலங்களை பன்னாட்டு சமூகத்திடம் கொண்டு சென்ற பெருமைக்குரிய பிரித்தானியாவின் சனல்-4 தொலைக்காட்சி, அடிக்கடி ஈழத்தமிழர் பற்றிய செய்திக்கு முக்கியத்துவம் கொடுத்து வெளியிட்டு வருகின்றது.

சனல்-4 முன்னர் வெளியிட்ட காணொளிகள் மற்றும் இலங்கையின் படுகொலைக்களம் போன்ற காட்சிச் சாட்சிகளால் ‘அனைத்துலக சுயாதீன போர்க்குற்ற விசாரணைக்கான’ அழுத்தம் அதிகரித்திருப்பதாகச் சுட்டிக்காட்டப்பட்டுள்ளது.

இதேவேளை, தமிழ் மக்களிற்கான அனைத்துக்கட்சி நாடாளுமன்றக் குழுவின் தலைவர் லீ ஸ்கொட் முன்மொழிந்த நாடாளுமன்ற விவாதத்திற்கு அழைப்பு விடுக்கும் பிரேரணையில் (EDM – Early Daily Motion) இதுவரை 62 நாடாளுமன்ற உறுப்பினர்கள் கையெழுத்திட்டுள்ளனர்.

பிரித்தானியாவில் வாழும் தமிழ் மக்கள் தமது தொகுதி நாடாளுமன்ற உறுப்பினர்களை அணுகி இதில் கையெழுத்திடுமாறு கோரிக்கை விடுக்க வேண்டும் என அழைப்பு விடுக்கப்பட்டிருந்தமை நினைவூட்டத்தக்கது.

சென்னையில் அரங்கை அதிரவைத்த ஹிலாரியின் தமிழ் வணக்கம்

2011-07-21T02:54:00.000-07:00

இந்தியாவுக்கு விஜயம் மேற்கொண்டுள்ள அமெரிக்க இராஜாங்க அமைச்சர் ஹிலாரி கிளிண்டன் நேற்று புதன்கிழமை தமிழகத்தின் சென்னைக்கு சென்றார்.

சென்னை அண்ணா நூற்றாண்டு நூலகத்தில் மாணவர்கள், சிந்தனையாளர்கள் முன்னிலையில் கிலாரி உரையாற்றினார்.

வணக்கம் என்று தமிழில் கூறி கிலாரி கிளின்டன் தனது உரையை ஆரம்பித்தபோது பார்வையாளர்களின் கரகோசத்தால் அரங்கம் அதிர்ந்தது.

அமெரிக்கப் பெண்மணியான ஹிலாரி தமிழ்நாட்டில் தமிழில் வணக்கம் என்று கூறியது தமிழ் மொழிக்கு உள்ள பெருமையை காண்பிக்கின்றது என தமிழ் அறிஞர்கள் கூறியுள்ளனர்.

புத்தூர் வங்கிக் கொள்ளைச் சம்பவத்துடன் தொடர்புடைய சந்தேக நபர் கைது

2011-07-21T01:45:00.000-07:00

புத்தூர் வங்கிக் கொள்ளைச் சம்பவத்துடன் தொடர்புடைய பிரதான சந்தேக நபரை பொலிஸார் கைது செய்துள்ளனர்.

குறித்த சந்தேக நபர் கிழக்கு மாகாணத்தின் மிக முக்கியமான அரசியல்வாதி ஒருவரின் மிக நெருங்கிய சகா எனத் தெரிவிக்கப்படுகிறது.

மட்டக்களப்பு கொழும்பு பஸ்ஸில் வைத்து சந்தேக நபரை பொலிஸார் கைது செய்துள்ளனர்.

பிரதீபன் என்ற நபரே இந்த பாரிய வங்கிக் கொள்ளைச் சம்பவத்துடன் தொடர்புடைய பிரதான சந்தேக நபர் எனத் தெரிவிக்கப்படுகிறது.

இந்த சம்பவத்துடன் n;தாடர்புடைய மேலும் ஐந்து சந்தேக நபர்களை கைது செய்வதற்கான விசாரணைகள் ஆரம்பிக்கப்பட்டுள்ளதாகக் குறிப்பிடப்படுகிறது.

தேர்தல் ஆணையாளரின் உத்தரவுகளை அரசாங்கம் மீறிச் செயற்படுகிறது – கரு ஜயசூரிய

2011-07-21T01:44:00.001-07:00

தேர்தல் ஆணையாளரின் உத்தரவுகளை அரசாங்கம் மீறிச் செயற்படுவதாக ஐக்கிய தேசியக் கட்சியின் இணைப் பிரதித்த தலைவர் கரு ஜயசூரிய தெரிவித்துள்ளார்.

உள்ளுராட்சி மன்றத் தேர்தல் தொடர்பில் பிறப்பிக்கப்பட்ட உத்தரவுகள் அமுல்படுத்தப்படுகின்றனவா என கண்காணிக்குமாறு தேர்தல் ஆணையாளரிடம் அவர் கோரிக்கை விடுத்துள்ளார்.

அரசாங்க சொத்துக்கள் உச்ச அளவில் பயன்படுத்தப்பட்டு வருவதாகக் குற்றம் சுமத்தியுள்ளார்.

ஜனநாயகத்தை ஒடுக்குமுறைக்கு உட்படுத்தும் வகையிலான செயற்பாடுகளில் அரசாங்கம் ஈடுபட்டு வருவதாகக் குறிப்பிட்டுள்ளார்.

எழுத்து, பேச்சு சுதந்திரத்தை முடக்கி வரும் அரசாங்கத்தின் பயணம் தடுக்கப்பட வேண்டுமென அவர் வலியுறுத்தியுள்ளார்.

எதிர்க்கட்சித் தலைவர் காரியாலயத்தில் நடைபெற்ற ஊடகவியலாளர் சந்திப்பில் கலந்து கொண்ட போது அவர் இதனைக் குறிப்பிட்டுள்ளார்.

சீனா பெருந்தொகைப் பணத்தை மானியமாக சிறிலங்காவுக்கு அள்ளி வழங்குவதேன்?

2011-07-18T23:17:00.001-07:00

இந்தியாவிற்கு விஜயம் மேற்கொள்ளும் அமெரிக்க வெளியுறவுத்துறை அமைச்சர் ஹிலாரி கிளிண்டன் தமிழக முதலமைச்சர் ஜெயலலிதாவுடன் பேசுவார். இதன் போது இலங்கை குறித்து கலந்துரயாடப்படும் என ஹிலாரி கிளிண்டனுடன் விஜயம் மேற்கொள்ளவுள்ள பராக் ஓபாமாவின் நிர்வாகக் குழுவைச் சேர்ந்த உயரதிகாரி ஒருவர் தெரிவித்துள்ளார் என சர்வதேச ஊடகங்களில் செய்தி வெளியாகியுள்ளது.

இதேவேளை முதல்தடவையாக சென்னை விஜயம் மேற்கொள்ளவுள்ள ஹிலாரி கிளிண்டன், அரச சார்பற்ற நோக்கத்துக்காகவே இந்திய விஜயம் மேற்கொள்ளவுள்ளார் என்பதனால் இலங்கை குறித்து கலந்துரையாட மாட்டார் என இந்திய வட்டாரங்கள் தெரிவித்திருந்தமை குறிப்பிடத்தக்கது.

சர்வதேச ஊடக நிறவனம் ஒன்றுக்கு ஐக்கிய அமெரிக்காவுக்கான பிரதி ராஜாங்கச் செயலாளர் ரொபேட் ஓ பிளேக் வழங்கிய செவ்வியின் போது தமிழக மக்கள் 60 மில்லியன் பேர் இலங்கை தொடர்பில் கவனத்தில் கொண்டுள்ளதனால் இலங்கை குறித்து கலந்துரையாடப்படும் என அவர் தெரிவித்துள்ளார்.

ஹிலாரி கிளிங்டன் ஜெயலலிதாவுடன் தமிழர் பிரச்சினை பற்றி பேசுவார்

2011-07-18T21:59:00.000-07:00

இராணுவத் தளபதிக்கு எதிராக அங்கவீனமான படைவீரர் வழக்கு

2011-07-18T21:58:00.001-07:00

அங்கவீனமான படைவீரர் ஒருவர் தொடுத்த வழக்கில் இராணுவத் தளபதிக்கு கொழும்பு மாவட்ட நீதிமன்றம் இன்றும் அறிவித்தல் விடுத்துள்ளது.தவறுதலாக தனக்கு மேலதிகமாக வழங்கப்பட்ட கொடுப்பனவை மீளப் பெறும் நோக்குடன் தனது ஓய்வுதியக்கொடுப்பனவை இடைநிறுத்தியமைக்கு எதிராக நிட்டம்புவையைச் சேர்ந்த அசோக தயாரட்ன எனும் இப்படைவீரர் வழக்குத் தொடுத்துள்ளார்.

இராணுவத் தளபதி லெப். ஜெனரல் ஜகத் ஜயசூரிய, சம்பள மற்றும் ஆவணப்படுத்தல் பணிப்பாளர் பிரிகேடியர் டபிள்யூ,ஆர். பலிகஹார, அத்தனகல்ல பிரதேச செயலாளர், சட்டமா அதிபர் ஆகியோர் இவ்வழக்கில் பிரதிவாதிகளாக குறிப்பிடப்பட்டுள்ளனர்.

1972 ஆம் ஆண்டு இராணுவத்தில் இணைந்த மனுதாரர், வில்பத்துவில் நடைபெற்ற நடவடிக்கையொன்றின்போது காயமடைந்ததாகவும் அவரின் வலது கை துண்டிக்கப்பட்டதாகவும் மனுதாரர் சார்பில் ஆஜரான சட்டத்தரணி ஜி.டி. குலதிலக்க கூறினார்.

அப்படை வீரர் 1987 ஆம் ஆண்டு அங்கவீனமானவராக கருதப்பட்டு அவருக்கு அங்கவீனமான படைவீரருக்குரிய கொடுப்பனவு வழங்கப்பட்டு வந்தது. 03.01.2009 ஆம் திகதி அவர் 55 வயதை அடைந்தபின்னரும் இந்த ஓய்வூதியத்தை பெற்றுவந்தார்.

இந்நிலையில் கடந்த மே மாதம், அப்படை வீரருக்கு மேலதிகமாக 539,932 ரூபா வழங்கப்பட்டுள்ளதாகவும் அப்பணம் மீளப்பெறப்பட வேண்டியுள்ளதாகவும் இராணுவத்தினால் அறிவிக்கப்பட்டது. பின்னர் இப்பணத்தை மீளப்பெறுவதற்காக அவருக்கான ஓய்வூதியத்தை இடைநிறுத்தும்படி பிரதேச செயலாளருக்கு பிரிகேடியர் பலிகஹார அறிவித்திருந்தார்.

இதற்கு எதிராக அங்கவீனமான மேற்படி படைவீரர் வழக்குத் தொடுத்துள்ளார்.

அங்கவீனமான படைவீரர்களுக்குரிய ஓய்வூதியம் அப்படைவீரர் இறக்கும்வரை வழங்கப்படும் என ஜனாதிபதி மஹிந்த ராஜபக்ஷ வழங்கிய வாக்குறுதி குறித்த பத்திரிகை செய்தியொன்றையும் மனுதாரரின் சட்டத்தரணி நீதிமன்றில் சமர்ப்பித்தார்.

இலங்கை விவகாரம் குறித்து மன்மோகனுடன் பேசுவார் ஹிலாரி

2011-07-18T10:35:00.000-07:00

இந்தியாவுக்குப் பயணம் மேற்கொள்ளவுள்ள அமெரிக்க இராஜாங்கச் செயலர் ஹிலாரி கிளின்டன் இலங்கை விவகாரம் தொடர்பாக இந்தியப் பிரதமர் மன்மோகன்சிங்குடன் பேச்சுக்களை நடத்தவுள்ளதாகத் தகவல்கள் வெளியாகியுள்ளன.

கொழும்பிலுள்ள இராஜதந்திர வட்டாரங்களே இந்தத் தகவலை வெளியிட்டுள்ளது. செவ்வாய்க்கிழமை புதுடில்லி செல்லவுள்ள ஹிலாரி கிளின்டன், இந்தியப் பிரதமர் மன்மோகன்சிங்கை சந்தித்துப் பேசவுள்ளார்.

இதன்போது ஆப்கானிஸ்தான், பாகிஸ்தான் விவகாரங்கள் மட்டுமன்றி இலங்கை விவகாரம் தொடர்பாகவும் இந்தியப் பிரதமர் மன்மோகன்சிங்குடன் பேச்சு நடத்துவார் என்றும் அந்த வட்டாரங்கள் தகவல் வெளியிட்டுள்ளன. மறுநாள் புதன்கிழமை இந்தோனேசியாவின் பாலித்தீவு செல்லும் வழியில் அமெரிக்க இராஜாங்கச் செயலர் ஹிலாரி கிளின்டன் சென்னைக்கு செல்லவுள்ளார் என்பது குறிப்பிடத்தக்கது.

முன்னதாக அமெரிக்க இராஜாங்கச் செயலர் இலங்கை விவகாரம் உள்ளிட்ட அரசியல் விவகாரங்கள் குறித்துப் பேசமாட்டார் என்று தகவல்கள் வெளியாகியிருந்தன என்பது குறிப்பிடத்தக்கது.

அமெரிக்க காங்கிரஸ் வளாகத்தில் சனல் 4 தொலைக்காட்சியின் ஆவணப்படம் திரையிடப்பட்ட பின்னர், இலங்கையில் இடம்பெற்ற போர்க்குற்றங்கள் குறித்து அனைத்துலக விசாரணைகள் நடத்தப்பட வேண்டும் என்ற கருத்து அமெரிக்க பாராளுமன்ற உறுப்பினர்கள் மத்தியில் வலுவடைந்துள்ளது.

அதேவேளை, இந்தியாவும் இதுபற்றி முழுமையாக விசாரிக்கப்பட வேண்டும் என்று முதன் முறையாக கூறியுள்ளது. எனவே, இந்த விவகாரம் குறித்து அமெரிக்க இராஜாங்கச் செயலரும், இந்தியப் பிரதமரும் கலந்துரையாடலாம் என்று எதிர்பார்க்கப்படுகிறது. _

30 ஆம் திகதிக்குள் ஆயுதங்களை ஒப்படைக்குமாறு கிழக்கில் அறிவிப்பு

2011-07-18T10:34:00.000-07:00

ஆயுத குழுக்கள் தாம் வைத்திருக்கும் ஆயுதங்களை விரைவாக ஒப்படைக்க வேண்டும் என அறிவிக்கப்பட்டுள்ளது. நாட்டில் பதிவு செய்யப்படாத ஐந்து இலட்சம் ஆயுதங்கள் இருக்கின்றனவாம். இவை பெரும்பாலும் கிராம குழுக்களிடமே உள்ளனவாம். இது தொடர்பில் அரசு வெளியிட்டுள்ள அறிக்கையில் ;கிழக்கு மாகாணத்தில் செயற்படும் ஆயுதக் குழுக்கள் அவற்றிடமுள்ள ஆயுதங்களையே விரைவாக ஒப்படைக்க வேண்டுமென பொலிசார் அறிவித்துள்ளனர். ஆண்டு தோறும் நடக்கும் திருவிழா அறிவிப்பு போல சிறிலங்கா அரசாங்கம் இத்தகைய அறிவிப்புக்கள் செய்து வருகின்றது. ஆனால் கிழக்கில் ஆயுத நடவடிக்கைகள் தொடர்ந்த வண்ணமே இருக்கின்றன.

கிழக்கு மாகாணத்தில், கொள்ளை நடவடிக்கைகளில் பயன்படுத்துவதற்காக சில குழுக்கள் ஆயுதங்களை வைத்திருக்கின்ரன. சில குழுக்கள் சில அரசியல் கட்சிகளுடன் தொடர்புபட்டுள்ளதாகவும் சந்தேகம் தெரிவிக்கப்பட்டுவருகின்றன. குறிப்பாக கருணா, பிள்ளையான், உட்பட முஸ்லிம் குழுக்கள் ஆகியன ஆயுதஙளை வைத்திருக்கின்றனர். இவர்களை சிங்கள இராணுவமும், உளவுப்படைகளுமே கையாளுகின்றன.

இந்த நிலையில் மீண்டும் ஆயுத ஒப்படைப்பு பற்றி பொலிசார் அறிவித்துள்ளனர். மட்டக்களப்பு மாவட்டத்தின் சகல பிரதேச பொலிஸ் நிலையங்கள் ஊடாகவும் ஒலிபெருக்கி மூலம் பொலிஸார் இந்த அறிவிப்பை செய்துவருகின்றனர்.

ஆயுதங்கள் வைத்திருப்போர் எதிர்வரும் 30ஆம் திகதிக்கு முன்னர் தங்களது பகுதிகளில் இருக்கும் விசேட அதிரடிப்படை முகாம் மற்றும் இராணுவ முகாம்களில் ஆயுதங்களை கையளிக்கலாம் என பாதுகாப்பு அமைச்சு வழங்கியுள்ள அறிவிப்பில் தெரிவிக்கப்பட்டுள்ளது.

அத்துடன் ஆயுதங்களை வைத்திருப்போர் அதனை நேரடியாக கொண்டுவந்து ஒப்படைக்க முடியாதவிடத்து அதனை ஏதாவது ஒரு இடத்தில் வைத்துவிட்டு அறிவித்தால் அந்த ஆயுதங்களும் மீட்க்கப்படும் எனவும் பாதுகாப்பு அமைச்சு தெரிவித்துள்ளது.

அவ்வாறு ஆயுதங்கள் கையளிக்கப்படாதவிடத்து அவை பற்றிய தகவல்கள் கிடைத்து மீட்க்கப்பட்டால் அவர்களுக்கு எதிராக கடும் நடவடிக்கையெடுக்கப்படும் எனவும் அந்த அறிவிப்பில் தெரிவிக்கப்பட்டுள்ளது.

ஒட்டுக்குழு டக்ளசின் முகமூடி கிழித்த சிறிதரனின் அதிரடி பேச்சு (Video in)

2011-07-18T10:33:00.001-07:00

கிளிநொச்சியில் தமிழ்த் தேசியக் கூட்டமைப்பு மாண்புமிகு பாராளு மன்ற உறுப்பினரும் ஈழ தமிழரின் விடுதலைக்காக அயராது உழைத்து வரும் ஒருவர். சிங்கள ஏகாதிபத்தியத்தை எதிர்த்து சிங்கள முற்றுகையில் நின்று உறுமும் வீர தமிழ் மறவரின் துணிகர அதிரடி பேச்சினை கேளுங்கள் .

டக்கிளசின் ஊழல்கள் மற்றும் அவரின் அடாவடிகளை புட்டு வைத்திருக்கும் சிறிதரனின் பேச்சும்
அவர்களின் எதிர்கால திட்டத்தின் நடவடிக்கை என்பவற்றை விரிவாக எடுத்துரைக்கும் அவர்களின் பேச்சினை மானமுள்ளஒவ்வொரு தமிழனும் கேட்க வேண்டும்
.

ஓயாத அலைகள் என்று பெயரிடப்பட்டு வெற்றி கொள்ளப்பட்ட நாள் இன்றாகும்.(Video in)

2011-07-17T22:51:00.000-07:00

இன்று விடுதலைப் புலிகளால் ஓயாத அலைகள் என்று பெயரிடப்பட்டு முலலைத்தீவு இராணுவ முகாம் மீதான தாக்குதல் தொடுக்கப்பட்டு அப்படைமுகாம் வெற்றி கொள்ளப்பட்ட நாள். அதன் மூலம் முலலைத்தீவு என்ற நகரம் மீட்கப்பட்டதோடு போராட்டத்தின் அபாரப் பாய்ச்சலுக்கும் வித்திடப்பட்டது.

இத்தாக்குதல் நடத்தப்பட்ட காலகட்டம் மிகவும் முக்கியமானது. அதுவரை புலிகளின் கோட்டையாகவும் போராட்டத்தின மையமாகவும் தலைமையிடமாகவும் கருதப்பட்ட யாழ்ப்பாணம் சிங்களப் படைகளால் முற்றாகக் கைப்பற்றப்பட்ட நிலையில், இனிமேல் புலிகள் என்ன செய்யப்போகிறார்களென்று எல்லோரும் கேள்வி கேட்ட நேரத்தில், புலிகளில் 80 சதவீதம் பேர் அழிந்து விட்டார்கள், இன்னும் 20 சதவீதம் பேரே மிஞ்சியிருக்கிறார்களென்று ஜெனரல் ரத்வத்த (இவர் அதுவரை கேணலாயிருந்து யாழ் கைப்பற்றலோடு திடீரென ஜெனரல் பதவி வரை தாவினவர்.(பிரிகேடியர், மேஜர் ஜெனரல், லெப்டினன்ட் ஜெனரல் என்பவற்றுக்குப் போகாமல் நேரடியாக நாலாம் கட்டத்துக்குத் தாவினார். நல்லவேளை பீல்ட் மார்ஷல் பதவி கொடுக்கப்படவில்லை)) சொன்ன நேரத்தில் நடத்தப்பட்ட பாரிய தாக்குதல். தமிழ்மக்களே போராட்டத்தின் பால் அவநம்பிக்கை கொண்டிருந்த நேரம். யாழ்ப்பாணமே போய்விட்டது இனியென்ன என்று வெறுத்துப்போயிருந்த நேரம்.

ஏறத்தாள இரண்டாயிரம் வரையான துருப்பினரையும் இரு ஆட்லறிகளுட்பட வலுமிக்க படைத்தளபாடங்களையும் கொண்டிருந்த படைத்தளம் தான் முல்லைத்தீவுப் படைத்தளம். நேரடியாக மற்றப்பிரதேசங்களோடு தரைவழித்தொடர்பு ஏதும் இல்லாவிட்டாலும் கடல்வழி மற்றும் வான்வழித்தொடர்புகளைச் சீராகப் பேணிவந்த படைத்தளம். முல்லைத்தீவின் ஆழ்கடற்பகுதிக் கரையோரத்தின் குறிப்பிட்டளவைக் கொண்டிருந்த இப்படைத்தளம் சீரான கடல்வழித்தொடர்பைக் கொண்டிருந்தது. ஏதும் அவசரமென்றால் திருகோணமலைத் துறைமுகம் ஒரு மணிநேரக் கடற் பயணத்தூரத்தில் இருந்தது.

இப்படைத்தளம் மீதான தாக்குதல் ஒத்திகைகள் யாவும் பூநகரிப் படைத்தளத்தை அண்மித்த பகுதிகளில் நடத்தப்பட்டன. பூநகரி மீதுதான் தாக்குதல் நடத்தப்படப் போகிறதென்று மக்களிடையேகூட இலேசாகக் கதை பரவியிருந்தது. போராளிகளுக்குக்கூட பூநகரிதான் இலக்கென்ற அனுமானமேயிருந்தது. திடீரென இரவோடிரவாக அணிகள் மாற்றப்ப்பட்டு திட்டம் விளங்கப்படுத்தப்பட்து. மக்களுக்குத் தெரியாமல் அணிகள் மாற்றப்பட்டு மறைக்கப்பட்டிருந்தன.

திட்டமிட்டபடி பதினெட்டாம் திகதி அதிகாலை படைத்தளம் மீது பலமுனைகளில் தாக்குதல் நடத்தப்பட்டது. தாக்குதல் நடத்தி அரைமணிநேரத்தில் கடல்வழி உதவி கிடைக்கும் என்ற அனுமானத்துக்கேற்ப ‘டோறா’ விசைப்படகுகள் திருமலைத் துறைமுகத்திலிருந்து வந்திருந்தன. அவற்றை வழிமறித்துத் தாக்கும் பணியைக் கடற்புலிகளின் படகுகள் பார்த்துக்கொண்டன. எப்பாடுபட்டும் முலலைத்தீவில் தரையிறக்கியே தீருவதென்று சிங்களப்படைகளும் அதை விடுவதில்லையென்ற நோக்கத்துடன் கடற்புலிகளும் நிற்க, கடலிற் கடுமையான சண்டை நடந்தது. தரையிலும் கடும் சண்டை நடந்தது.

கடலில் ரணவிறு என்ற போர்க்கப்பல் கரும்புலிப்படகுகளின் தாக்குதலால் மூழ்கடிக்கப்பட்டது. 600 துருப்பினரைக் காவிய துருப்பிக்காவிக் கலமொன்றின் மீதான கரும்புலித்தாக்குதல் மயிரிழையில் பிசகியது. அதனால் அக்கலமும் துருப்பினரும் தப்பினர். இதேவேளை வான்வழியில் துருப்பினரைத் தரையிறக்கும் முயற்சியும் நடந்தது. இதில் ஒரு உலங்குவானூர்தி சுட்டுவீழ்த்தப்பட்டது. 3 நாள் கடும் சண்டையின்பின் முலலைத்தீவுக்கு அப்பாலுள்ள அளம்பில் என்ற கிராமத்தில் வான்வழியாயும் கடல்வழியாயும் ஆயிரத்துக்குமதிகமான துருப்பினர் தரையிறக்கப்பட்டனர்.

அவர்களின் முல்லைத்தீவை நோக்கிய நகர்வை மூர்க்கமாக எதிர்கொண்டனர் புலிகள். வெட்ட வெளியில் கடும் சண்டை நடந்தது. வான் படையும் கடற்படையும் தம் வலு முழுவதையும் பாவித்தது. மறிப்புச் சமர் அளம்பிலில் நடந்துகொண்டிருக்க, முல்லைத்தீவுப் படைத்தளம் முற்றாகக் கைப்பற்றப்பட்டுவிட்டது. இரு ஆட்லறிகளும் ஏராளமான ஆயுதங்களும் கைப்பற்றப்பட்டன. இப்போது புலிகளின் முழுக்கவனமும் தரையிறங்கிய படையினரை எதிர்கொள்வதில் திரும்பியது. கடின எதிர்த்தாக்குதலைத் தாங்க முடிhயமலும், காப்பாற்ற வந்த படைமுகாம் முற்றாக வீழ்ந்துவிட்டதாலும் தரையிறங்கிய படையணி ஓட்டமெடுக்கத் தொடங்கியது.

எங்கே ஓடுவது? திரும்பவும் கடல்வழியால்தான் ஓட வேண்டும். மீண்டும் துருப்புக்காவியொன்று கரைக்கு வந்தது. தங்களது ஆயுதங்களைக்கூட போட்டுவிட்டு அத்துருப்புக்காவில் ஏறி ஓடினர் படையினர். எஞ்சிய படையினர் முழுப்பேரையும் ஏற்றிக்கொண்டு போகக்கூட அவர்களுக்கு அவகாசமில்லாமல் ஓடினர் படையினர்.

தப்பிய சிலர் காடுகளில் திரிந்து ஒருவாறு கொக்குத்தொடுவாப் படைமுகாமுக்குச் சென்று சேர்ந்தனர். அவர்கள்மூலம் தான் சிங்களத்தின பலபொய்கள் முறியடிக்கப்பட்டன. ரத்வத்தை சொல்லியிருந்தார்: இரு ஆட்லறிகளும் இராணுவத்தால் தகர்க்கப்பட்டிருந்ததாக. ஆனால் தப்பிப்போனவர்கள், புலிகள் ஆட்லறிகளை முழுதாக இழுத்துச் செல்வதை; தாம் நேரே பார்த்ததாகச் சொன்னார்கள். மேலும் இறந்த படையினரின் தொகை பற்றியும் சொன்னார்கள்.

அத்தாக்குதலில் 1300 இற்கும் மேற்பட்ட இராணுவத்தினர் கொல்லப்பட்டிருந்தார்கள். 800 வரையான சடலங்களைப் புலிகள் கையளித்தபோதும் சிங்கள அரசு அவற்றைக் கையேற்கவில்லை. ஏராளமான சடலங்கள் தொகுதி தொகுதியாக எரிக்கப்பட்டன. இப்போதும் அந்த இடங்களை வன்னிக்குச் செல்பவர்கள் காணலாம். இன்றுவரை காணாமற்போனோர் பட்டியலில் சிங்கள அரசு அறிவித்திருக்கும் படையினரிற்பலர் இப்படி எரியுட்டப்பட்டவர்கள் தாம். (பின் ஓயாத அலைகள் இரண்டு, மூன்று என்று பின்வந்த தாக்குதல்களிலும் பல சடலங்கள் இப்படி மறுக்கப்பட்டு எரிக்கப்ட்டன.)

இத்தாக்குதல் போராட்டத்தின் மறுக்க முடியாத பாய்ச்சல். முதன்முதல் இரு ஆட்லறிப் பீரங்கிகளைத் தமிழர் படைக்குப் பெற்றுத் தந்தது. அதன் படிப்படியான வளர்ச்சிதான் இன்று ஆட்லறிச்சூட்டில் எதிரி வியக்கும் வண்ணம் இருக்கிறது. வன்னியில் துருத்திக்கொண்டிருந்த ஒரு படைத்தளம் அழிக்கப்பட்டு மிக முக்கிய நகரமான முல்லைத்தீவு மீட்கப்பட்டது. அதன் பின்தான் கடற்புலிகளின் அபார வளர்ச்சி தொடங்கியது. போராட்டத்துக்கான சீரான வழங்கலும் தொடங்கியது. நவீனத் தொழிநுட்பங்களும் ஆயுதங்களும் அதன்பிறகுதான் இயக்கத்துக்கு சீராக கிடைக்கத்தொடங்கின. எந்தச் சமரையும் முறியடிக்கும் வல்லமையும், எந்தப் படைமுகாமையும் தாக்கிக் கைப்பற்றும் திறனும் அதன்பிறகுதான் மெருகேறியது. ஜெயசிக்குறு வெற்றியிலிருந்து, ஆனையிறவுக் கைப்பற்றல் வரை எல்லாமே முல்லைத்தீவுக்குள்ளால் கிடைத்தவைதாம். போர்க்காலத்தின் இராஜதந்திரப் பயணங்களும் முல்லைத்தீவுக்குள்ளால் தான். பாலசிங்கத்தின் வெளியேற்றமும் அதற்குள்ளால் தான்.

இன்று ‘கிளிநொச்சி’ போராட்டத்தின் மையமாகப் பார்க்கப்படுகிறது. அது வெறும் சந்திப்புக்களின் மையமேயொழிய போராட்டத்தின் மையமன்று. பொதுவாகவே வன்னி என்ற பதத்தால் அழைத்தாலும் குறிப்பிட்டுச் சொன்னால் அது முலலைத்தீவுதான்.

முல்லைத்தீவுப் பட்டினம் கடந்த பத்துவருடகாலத்துள் இரு தடவை பிணங்களால் நிறைந்தது. முதலாவது சந்தர்ப்பம் ‘ஓயாத அலைகள்” தாக்குதலின்போது. மற்றையது கடந்த வருட சுனாமி அனர்த்தத்தின்போது.

இதே முல்லைத்தீவில் ஆங்கிலேயப் படைமுகாமைத் தாக்கியழித்ததோடு அங்கிருந்த பீரங்கிகளையும் கைப்பற்றிய வரலாறு பண்டாரவன்னியனுக்குண்டு. அதன் தொடர்ச்சி ஓயாத அலைகள். முல்லைத்தீவு வீழ்த்தப்படக்கூடாத நகரம். அதன் இருப்புத்தான் தமிழர் படையின் இருப்பும். மற்ற எந்த நகரமும் பறிபோகலாம். ஆனால் முல்லைத்தீவு பறிபோகக்கூடாத நகரம்.

ஓயாத அலைகள் எனற பெயரில் தொடர் நடவடிக்கைகள் நடந்தன. புலிகள் ஒரே பெயரில் தொடர் நடவடிக்கைகள் செய்தது ஓயாத அலைகள் என்ற பெயரை வைத்துத்தான். இறுதியாக யாழ் நகரைக் கைப்பற்றும் சமராக ‘ஓயாத அலைகள்-4’ அமைந்தது.

முல்லைத்தீவை மீட்க “ஓயாத அலைகள்” படை நடவடிக்கையில் வீரச்சாவைத் தழுவிக்கொண்ட 400 வரையான மாவீரர்களுக்கு எமது இதயஅஞ்சலிகள்.

இதையொட்டிய சம்பவமொன்று:

முல்லைத்தீவில் கைப்பற்றப்பட்ட ஆட்லறியொன்றைப் புதுக்குடியிருப்பு நோக்கி இழுத்து வந்தனர் புலிகள். இடையில் இழுத்து வந்த வாகனம் பழுதோ என்னவோ, மந்துக் காட்டுப்பகுதியில் ஆட்லறி நிற்பதைக் கண்டுவிட்டனர் சிலர். அதிகாலை நேரம். ஓரிருவர் எனக் கூடியகூட்டம் படிப்படியாக அதிகரிக்கத் தொடங்கியது. ஆட்லறியைக் கட்டிப்பிடித்துக் கூத்தாடியபடி சிலர், பார்த்;ததை மற்றவர்களுக்குச் சொல்லவென சைக்கிளிற் பறக்கும் சிலர், ஆட்லறிச் சில்லைக் கட்டிப்பிடித்தபடி ஒப்பாரி வைக்கும் ஓரிருவர் என்று அந்த இடம் களைகட்டத்தொடங்குகிறது. அங்கு நின்ற ஓரிரு போராளிகளாற் கட்டுப்படுத்த முடியவில்லை, கட்டுப்படுத்தவுமில்லை. (நிலத்தில் பிரதட்டை கூட அடித்தனர் சிலர்).

கொஞ்ச நேரத்தில் மாலைகளுடன் வந்த சிலர் ஆட்லறிக்குழலுக்கு மாலைசூட்டினதோடு ஆட்டம் போட்டனர். அதன்பிறகுதான் தாம் தமிழர் என்று உறைத்திருக்குமோ என்னவோ, இரு சைக்கிள்களில் தேங்காய் மூட்டைகள் வந்தன. ஆட்லறியின்முன் தேங்காய் உடைக்கத்தொடங்கியதோடு அங்கு ஒரு திருவிழா ஆரம்பமாகத் தொடங்கியது. (அதற்குள்ளும் தேங்காய் உடைப்பதில் அடிபிடி) இன்னும் மாலைகளோடு சிலர் வந்துகொண்டிருந்தார்கள். ஐயர் சகிதம் பூசை தொடங்கமுதல் வேறொரு பவள் வாகனத்தைக் கொண்டுவந்து ஆட்லறியை இழுத்துக்கொண்டு மறைந்துவிட்டார்கள்.

அமைச்சர் டக்ளஸை தமிழன் என்றல்ல மனிதன் எனக் கூறுவதே வெட்கக்கேடு

2011-07-17T22:50:00.000-07:00

வன்னியில் நடந்த கடைசிக் கட்டப் போரில் ஒன்றும் நடக்கவில்லை, ஒரு வரும் கொல்லப்படவில்லை என்று வாய் கூசாமல் பொய் கூறுகிறார் அமைச்சர் டக்ளஸ் தேவானந்தா. அவரைத் தமிழன் என்று கூறவே வெட்கப்படவேண்டும். தமிழன் என்று மட்டுமல்ல, மனிதன் என்று கூறுவதற்கே வெட்கப்படவேண்டும் என்று தெரிவித்தார் ஜனநாயக மக்கள் முன்னணித் தலைவர் மனோ கணேசன்.

கிளிநொச்சியில் நேற்று நடைபெற்ற தமிழ்த் தேசியக் கூட்டமைப்பின் பரப்புரைக் கூட்டத்தில் கலந்துகொண்டு பேசிய போதே அவர் இதனைத் தெரிவித்தார்.

அவர் அங்கு மேலும் தெரிவித்ததாவது:
தென்னிலங்கையில் அரசுக்கு வாக்களித்த மக்கள் அங்கு ஜனாதிபதியையும் அமைச்சர்களையும் காணவில்லை என்று தேடுகிறார்கள். ஏனெனில் அவர்கள் எல்லோரும் இங்கே முகாமிட்டுள்ளார்கள். மக்கள் மீது அக்கறை கொண்டு ஜனாதிபதியோ அமைச்சர்களோ இங்கு வரவில்லை. போர்க்குற்ற விசாரணை, சனல்4 தொலைக்காட்சி போன்றவை நிரூபிக்கும் குற்றச்சாட்டுக்கள் பொய்யானவை என்று சர்வதேசத்துக்குக் காட்டுவதற்காகவே அவரகள் இங்கு வந்துள்ளார்.

வேட்டிக்கும் சேலைக்கும் சில அற்பசொற்ப சலுகைகளுக்கும் சோடைபோபவர்கள் அல்லர் எமது மக்கள். அவர்கள் மானம் உள்ளவர்கள். இதை அரசு புரிந்து கொள்ள வேண்டும். 1983ஆம் ஆண்டு தமது சொந்த இடங்களைவிட்டு சிங்களக் காடையர்களால் விரட்டப்பட்டு, வன்னியில் வாழும் இந்திய வம்சாவளி மக்களும் தமிழ்த் தேசியக் கூட்டமைப்புக்கே வாக்களிக்க வேண்டும்.

வாக்குறுதிகளை அள்ளி வழங்கும் அமைச்சர்களை நம்ப வேண்டாம். அவர்கள் தமிழ் மக்களை ஆதரிக்கவல்ல, அழிக்கவே வந்துள்ளார்கள். தமிழ் மக்கள் தாம் கோழைகள் அல்லர் என்பதை இந்தத் தேர்தலில் நிரூபிப்பார்கள். இப்படி அவர் மேலும் தெரிவித்தார்.

சனல் 4 காணொளி பொய் என்றால் சர்வதேச விசாரணையை ஏற்கலாமே-கேணல் ஹரிகரன்

2011-07-17T22:49:00.000-07:00

கேணல் ஹரிகரன்சனல் 4 வெளியிட்ட இலங்கையின் கொலைக்களம் ஆவணப்படத்தில் இடம்பெற்றுள்ள காணொளிகள் உண்மையானவையென சர்வதேச நிபுணர்கள் நிரூபித்துள்ளனர். எனவே அதனை இல்லை என உறுதிப்படுத்தும் பொறுப்பு இப்போது இலங்கை அரசிடமே உள்ளது. இவ்வாறு இந்திய அமைதிப்படையின் முன்னாள் புலனாய்வுத்துறைத் தலைவர் கேணல் ஆர்.ஹரிகரன் தெரிவித்துள்ளார்.

சனல் 4 வெளியிட்ட காணொளித் தொடர்பில் கருத்து தெரிவித்த கேணல் ஹரிகரன் மேலும் தெரிவிக்கையில்,

சனல் 4 காணொளியினை சர்வதேச நிபுணர்கள் உண்மையென நிரூபித்துள்ளனர். எனினும் இலங்கை அரசு அதனை மறுத்து வருகிறது. அப்படி மறுப்பதானால் தன்னை ஒரு நியாயவாதியென நிரூபிக்க அனைத்துலக விசாரணையை, இலங்கை அரசு ஏன் மறுக்க வேண்டும்?

இலங்கை அரசின் மீதான போர்க் குற்றச்சாட்டுக்களை புறம் தள்ளிவிட்டு அங்கு நல்லிணக்கத்தினை ஏற்படுத்திவிட முடியாது.

இலங்கை அரசாங்கம் போர்க் குற்றச்சாட்டுக்களுக்கான நியாயப்பாடுகளை புறந்தள்ளிக் கொண்டிருப்பது நிச்சயமாக இலங்கையில் நல்லிணக்க முயற்சிகளைப் பாதிக்கும்.

இலங்கைக்கு சர்வதேசத்தின் அழுத்தங்கள் அதிகரித்துள்ளது.

சனல் 4 காணொளி பாரதூரமான தாக்கத்தை ஏற்படுத்தியுள்ளது. இந்த நிலையில் இலங்கை அரசு எல்லா குற்றச்சாட்டுக்களையும் அனைத்துலக கரிசனைகளையும், புறந்தள்ளிவிட் டு நல்லிணக்கம் பற்றிப் பேசமுடியாது.

போர்க் குற்றச்சாட்டுக்கள் பொய்யானதெனில் சர்வதேச விசாரணைகளை அனுமதிப்பதன் ஊடாக அதனை நிரூபிக்க முடியுமல்லவா?

அதேநேரம் இலங்கையின் அபிவிருத்தி முயற்சிகளை விரும்பாமலே சர்வதேச நாடுகள் தம்மீது போர்க்குற்றச்சாட்டை முன்வைப்பதாக இலங்கை அரசு கூறுகின்றது.

ஆனால் இலங்கையில் அமைதியை ஏற்படுத்த சர்வதேச நாடுகள் பெருமளவான நிதியைச் செலவிட்டன என்பதை மறந்துவிடமுடியாது எனவும் கேணல் ஹரிகரன் தனது கருத்தில் தெரிவித்துள்ளார்.

சனல்4 எதிராக சிங்களவர் இலண்டனில் ஆர்ப்பாட்டம்; 234 பேர் மட்டுமே பங்கேற்பு

2011-07-17T22:48:00.001-07:00

சனல்4 இற்கு எதிராக இலண்டனில் சிங்களவர் இன்று ஆர்ப்பாட்டம் செய்தனர். இலங்கை தூதரகத்தினால் பணம் , தே நீர், உணவுப்பொதிகள் ஆகியன கொடுத்து ஏற்பாடு செய்யபட்ட இந்த போராட்டத்தில் 234 பேர் பங்குபற்றியுள்ளனர். ஆனால் சிங்கள ஊடகம் 3000 பேர் பங்கு பற்றியதாக கூறியுள்ளது. இலண்டனில் பல பாகங்களிலும் இருந்து வந்த சிங்களவர்களுக்கு பிரயாணப்படிகள் வழங்கப்பட்டனவாம். அத்துடன் இலங்கையில் இருந்து சுற்றுலா வீசாவில் வந்தவர்களே அதிகமாக பங்கேற்றுள்ளனர்

திருகோணமலையில் 8,000 ரூபாவிற்கு மனைவியை விற்ற கணவன் கம்பி எண்ணவுள்ளார்.

2011-07-17T10:34:00.000-07:00

திருகோணமலை மொறவெவ பொலிஸ் பிரிவிற்குட்பட்ட பகுதியில் கணவர் ஒருவர் தனது மனைவியை 8,000 ரூபாவிற்கு விற்றுள்ளதாக பொலிஸார் தெரிவித்துள்ளனர். திருகோணமலை மொறவெவ பிரதேசத்தைச் சேர்ந்த 65 வயது முதியவர் ஒருவர் திருமணம் செய்து கொள்ள விரும்புவதாக நபர் ஒருவரிடம் தெரிவித்துள்ளார். 35 வயதுடைய அந் நபர் திருமணமானவர். வயோதிபரின் விருப்பத்தை கேட்டவுடன் அவரக்கு ஒரு விபரீத யோசனை தோன்றியது.

வயோதிபரிடமிருந்து 8,000 ரூபா பணத்தைப் பெற்றுக் கொண்டு தனது மனைவியை அவருடன் அனுப்பியுள்ளார். தான் வெளியூர் செல்வதாகவும் அதன் காரணமாக முதியவரின் வீட்டில் இருக்கும் படியும் மனைவியிற்கு விளக்கம் வழங்கப்பட்டது அவரின் கணவரால்.

குறித்த பெண் வயோதிபரின் வீட்டில் இரண்டு நாட்கள் இருந்த பின் வீட்டிற்கு செல்ல எத்தனித்த போது வயோதிபர் வீட்டின் கதவுகளை பூட்டி அவரை வெளியில் செல்ல அனுமதிக்கவில்லை.

அப்பெண் வீட்டிற்கு போக வேண்டும் என அடம்பிடித்தார். அற்கு உன்னை நான் 8,000 ரூபா கொடுத்து வாங்கியுள்ளேன் இப்போது உன்னால் வீட்டிற்கு செல்ல முடியாது என அந்த வயோதிபரிடம் இருந்து பதில் வந்தது. குறித்த சம்பவம் தொடர்பாக திருகோணமலை மொறவெ பொலிஸார் மேலதிக விசாரணைகளை மேற்கொண்டு வருகின்றனர்.

பெசன்ட் நகர் கடற்கரையில் இலங்கை பொருள்கள் புறக்கணிப்பு பரப்புரை (Photo in)

2011-07-17T10:33:00.001-07:00

இலங்கை புறக்கணிப்பு பரப்புரை பெசன்ட் நகர் கடற்கரையில் இன்று நடந்தது . இளையவர்கள் இப் போராட்டத்தை முன் எடுத்தனர் . கடற்கரைக்கு வந்த கூட்டமோ பல்லாயிரம் . இருந்தும் நல்ல தாக்கத்தை ஏற்படுத்தினோம் . மக்கள் எல்லோரும் “Boycott Srilanka ” என்னும் வார்த்தை தான் உச்சரித்தனர். என்று போராட்டத்தில் ஈடுபட்டவர்கள் கூறினார்கள் .

[Show as slideshow] 12►

கூட்டமைப்புக்கு வாக்கு சேகரிக்க மனோ கணேசன் கிளி நொச்சியில்

2011-07-17T03:49:00.000-07:00

இந்த மாதம் 23 ஆம் திகதி நடைபெறவிருக்கும் உள்ளூராட்சி சபைகளுக்கான தேர்தல் பிரசாரக் கூட்டத்துக்காக தமிழ்த் தேசியக் கூட்டமைப்பிற்கு ஆதரவாக பரப்புரை செய்ய மக்கள் முன்னணியின் தலைவர் மனோகணேசன் ஆகியோர் இன்று கிளிநொச்சி வருகின்றார்.

இன்று மாலை 4 மணிக்கு கிளிநொச்சி மாவட்ட பணிமனையில் நாடாளுமன்ற உறுப்பினர் எஸ். சிறிதரன் தலைமையில் நடைபெறும் கூட்டத்தில் இவர்கள் உரையாற்றுவர்.

கூட்டமைப்பின் கிழக்குமாகாண நாடாளுமன்ற உறுப்பினர்களான பா.அரியநேந்திரன், இராசெல்வராசா, கீ.லோகேஸ்வரன், தமிழர் விடுதலைக் கூட்டணித் தலைவர் வீ.ஆனந்தசங்கரி ஆகியோரும் உரையாற்றுவர்.கூட்டமைப்பின் வன்னி மாவட்ட நாடாளுமன்ற உறுப்பினர்களான செல்வம் அடைக்கலநாதன், சிவசக்தி ஆனந்தன், வினோநோதராதலிங்கம் ஆகியோரும் உரையாற்றுகின்றனர்.

யாழ். மாவட்ட நாடாளுமன்ற உறுப்பினர்களான மாவை.சேனாதிராசா, சுரேஷ் பிரேமச்சந்திரன், ஈ.சரவணபவன், எம்.ஏ.சுமந்திரன், அப்பாத்துரை விநாயகமூர்த்தி ஆகி யோரும் உரையாற்றுவர்.

இலங்கையில் போர்க்குற்றம் விசாரிக்கப்படவேண்டும்: அமெரிக்க காங்கிரஸ்

2011-07-17T03:48:00.000-07:00

இலங்கையில் இடம்பெற்ற போர்க்குற்றங்கள் தொடர்பாக சர்வதேச விசாரணைகள் வேண்டும் என்று அமெரிக்க நாடாளுமன்ற உறுப்பினர்களும், மனித உரிமைகளுக்கான வழக்கறிஞர்களும் கோரியுள்ளனர்.
இலங்கையின் போர்க்குற்றங்களை விபரிக்கும் “இலங்கையின் கொலைக்களங்கள்” என்ற சேனல் 4 தொலைக்காட்சியின் வீடியோ, நேற்று அமெரிக்க கேப்பிட்டல் கட்டிடத் தொகுதியில் காண்பிக்கப்பட்டது.

இந்நிகழ்ச்சியை தொடர்ந்து கருத்துரைத்த, அமெரிக்க காங்கிரஸின் மனித உரிமைகள் ஆணைக்குழுவின் இணைத்தலைவர் ஜேம்ஸ் மெக்கோவன், குறித்த வீடியோ மனிதத்துவத்தின் சீரழிவை எடுத்துக்காட்டியதாக குறிப்பிட்டார்.

இந்நிலையில் இந்த காட்சிகள் இலங்கையின் போர்க்குற்றங்கள் தொடர்பாக நியாயமான விசாரணைகள் நடத்தப்படவேண்டும் என்பதை வலியுறுத்துவதாக அவர் குறிப்பிட்டார்

போர்க்குற்றங்கள் தொடர்பாக இலங்கை அரசாங்கம் உரிய நடவடிக்கைகளை எடுக்காவிட்டால், சர்வதேசம் அந்த இடத்திற்கு பொறுப்பாக செல்லவேண்டும் என்று அவர் குறிப்பிட்டார்.

“ஒன்றாகி எழுவோம்” (Video In)

2011-07-17T03:47:00.001-07:00

நான் பெரிது நீ பெரிது என்று இல்லாமல்

நம் நாடே பெரிதென எண்ணிப் பயணிப்போம்.

இலங்கையில் அமைதியான தீர்வு உருவாவதை அப்போதே எதிர்த்தது இந்தியா

2011-07-16T10:07:00.001-07:00

இலங்கையின் இனப்பிரச்சினை தீர்வுக்கு அமைதியான ஒரு தீர்வை எட்டும் நோக்கில் ஜனாதிபதி மஹிந்த ராஜபக்ஷ் 2007ம் ஆண்டு தமிழ்நாடு சிவில் சமூக அமைப்பை கொழும்பில் சந்தித்து கலந்துரையாடியதாக புதிய தகவல் கிளம்பியுள்ளது.

சுமார் நான்கு வருடங்களுக்கு முன்னர் இடம்பெற்ற இந்த இரகசிய விடயம் குறித்த செய்தியை சர்வதேச செய்தித் தளமொன்று வெளியிட்டுள்ளது.

எனினும் அவ்வாறானதொரு அமைதியான தீர்வுக்கு வருவதை இந்திய அரசாங்கம் எதிர்த்ததாக தமிழ்நாடு சிவில் சமூக அமைப்பின் ஏற்பாட்டாளராக செயற்பட்ட முன்னாள் நிர்வாக அதிகாரியும் சமூக ஆர்வளருமான எம்.ஜீ.தேவசகாயம் தெரிவித்துள்ளார்.

தான் ஏற்பாட்டாளராக செயற்பட்ட குறித்த சிவில் சமூகக் குழுவில் ஓய்வுபெற்ற சிவில் சேவையாளர்கள், சிரேஸ்ட ஊடகவியலாளர்கள் மற்றும் சிரேஸ்ட இராணுவ அதிகாரிகள் எனப்பலர் உள்ளடங்கியிருந்ததாக அவர் சுட்டிக்காட்டியுள்ளார்.

இந்த சிவில் சமூகக் குழுவின் முதல் அமர்வு ஜனாதிபதியின் சிரேஸ்ட ஆலோசகர் ஒருவர் தலைமையில் சென்னையில் 2007ம் ஆண்டு மே மாதம் 28ம் திகதி இடம்பெற்றதாகவும் இனப்பிரச்சனைக்கான ஒரே தீர்வு அரசியல் தீர்வு என அக்கூட்டத்தில் ஏகமனதாக ஒப்புக்கொள்ளப்பட்டதாகவும் எம்.ஜீ.தேவசகாயம் குறிப்பிட்டுள்ளார்.

அத்துடன் இந்த விடயம் குறித்து 2007ம் ஆண்டு ஜூலை 17ம் திகதி ஜனாதிபதி உள்ளிட்ட அரசின் முக்கிய அதிகாரிகளை தமது சிவில் சமூக அமைப்பு சந்தித்து கலந்துரையாடியதாகவும் அவர் காலங்கடந்து கூறியுள்ளார்.

கிழக்கில் சிங்கள குடியேற்றத்திற்கு ஐ. நா உதவுகின்றது: இந்திய ஆய்வாளர்

2011-07-16T10:06:00.001-07:00

மௌனம் கலைத்தது இந்தியா – போர்க்குற்ற விசாரணைக்கு அழைப்பு

2011-07-16T00:51:00.000-07:00

போர்க்குற்றச்சாட்டுகள் தொடர்பாக சிறிலங்கா விசாரணை நடத்த வேண்டும் என்று இந்தியா கூறியுள்ளது. இந்திய வெளிவிவகார அமைச்சின் பேச்சாளர் விஸ்ணு பிரகாஸ் புதுடெல்லியில் நேற்று இந்தியாவின் இந்த நிலைப்பாட்டை வெளியிட்டுள்ளார்.

சிறிலங்காவின் இடம்பெற்ற போர்க்குற்றங்களை வெளிப்படுத்தும்- சனல் 4 தொலைக்காட்சி தயாரித்த ‘சிறிலங்காவின் கொலைக்களங்கள்‘ ஆவணப்படம் கடந்தவாரம் இந்தியாவின் ‘ஹெட்லைன்ஸ் ருடே‘ தொலைக்காட்சியில் ஒளிபரப்பாகியிருந்தது.

இதையடுத்து ‘ஹெட்லைன்ஸ் ருடே‘ தொலைக்காட்சி இதுபற்றிய இந்தியாவின் நிலைப்பாடு என்ன என்று தொடர்ச்சியாக கேள்வி எழுப்பி வந்தது.

அதற்கு இந்திய வெளிவிவகார அமைச்சின் செயலர் நிருபமா ராவ் இதுபற்றித் தாம் கருத்து வெளியிடப் போவதில்லை என்று கூறியிருந்தார்.

போர்க்குற்ற ஆவணப்படம் ஒளிபரப்பப்பட்ட எட்டு நாட்களின் பின்னர் இந்தியாவின் மௌனம் கலைந்துள்ளதாக ‘ஹெட்லைன்ஸ் ருடே‘யின் இணை ஊடகமான ‘இந்தியா ருடே‘ தெரிவித்துள்ளது.

இந்த ஆவணப்படம் உலகெங்கும் பலத்த அதிர்ச்சியை ஏற்படுத்தியுள்ளதுடன் சிறிலங்காப் படையினருக்கு எதிராக போர்க்குற்ற விசாரணை நடத்தப்பட வேண்டும் என்ற கோரிக்கைகளை எழுப்பியுள்ளதாகவும் ‘இந்தியா ருடே‘ தெரிவித்துள்ளது.

ஆவணப்படத்தில் உள்ளடக்கப்பட்டுள்ள விடயங்கள் குறித்து சிறிலங்கா முழுஅளவிலான விசாரணை நடத்த வேண்டும் என்று இந்தியா முதல்முறையாக கருத்து வெளியிட்டுள்ளது.

‘ஹெட்லைன்ஸ் ருடே‘ தொலைக்காட்சிக்கு செவ்வி அளித்துள்ள இந்திய வெளிவிகார அமைச்சு பேச்சாளர், மனிதஉரிமை மீறல்கள் பற்றிய கவலைகள் குறித்து சிறிலங்கா பதிலளிக்க வேண்டும் என்றும் குறிப்பிட்டுள்ளார்.

அத்துடன் சிறுபான்மை இனங்களின் கவலைகளை தீர்க்க உண்மையானதும் அர்த்தபூர்வமானதுமான அரசியல்தீர்வு ஒன்றுக்கு சிறிலங்கா முக்கியத்துவம் கொடுக்க வேண்டும் என்றும் அவர் மேலும் கூறியுள்ளார்.

இதுவரை சிறிலங்காவின் உள்விவகாரம் என்று கூறிவந்த இந்தியா முதல்முறையாக தனது மௌனத்தைக் கலைத்துள்ளதாக ‘இந்தியா ருடே‘ கருத்து வெளியிட்டுள்ளது.

சிறிலங்காவின் கொலைக்களங்கள் ஆவணப்படம் ஒளிபரப்பப்பட்டதை அடுத்து எழுந்துள்ள நெருக்கடிகளால் தான் இந்தியா முழு அளவிலான விசாரணைக்கு அழைப்பு விடுத்துள்ளதாகவும் ‘இந்தியா ருடே‘ தெரிவித்துள்ளது.

மஹிந்த ராஜபக்சவினை விரட்டிய தமிழர்களுக்கு மீண்டும் ஒரு பலப் பரீட்சை.

2011-07-16T00:50:00.001-07:00

தொடர்ச்சியான திட்டமிடலுடன் இலங்கை சில நிகழ்வுகளை ஒழுங்கு செய்துள்ளது. 23ம் திகதி கறுப்பு ஜூலை தினத்திற்கு அனைத்து தமிழர்களும் ஒன்று கூடுவார்கள் என்பது இலங்கை அரசிற்கு தெரியும். எனவே அதற்கு முதல் நாட்களிலோ அல்லது முடிந்த பின்னரோ தமிழ் மக்களை இலங்கை அரசிற்கெதிராக ஒன்று திரட்டுவது கடினம் என நினைத்தது இலங்கை அரசு.

எனவே தான் இவ்வாறான நாட்களில் தனது நிகழ்ச்சி நிரலை தொகுத்துள்ளது. 17ம் திகதி சனல் 4க்கு எதிரான போராட்டம், 18ம் திகதி ரணிலும் சமல் ராஜபக்சவும் பிரித்தானியா வருதல். 24ம் திகதி பொதுநலவாய நாடுகளின் சந்திப்பு. இவ்வாறாக நிகழ்ச்சி நிரலை தொடர்ச்சியாக தொகுத்துள்ளதின் காரணத்தினை தமிழ் மக்கள் நன்றாக புரிந்து கொள்ள வேண்டும்.

எவ்வாறாயினும் புலம் பெயர் தமிழர்களின் பலத்தினை சிதைத்துவிட வேண்டும் என்பதற்கான செயற்பாடுகளை முன்னேடுப்பதற்காகவும், போர் குற்றம் மற்றும் தமிழின அழிப்பிற்கெதிரான விசாரணைகளில் இருந்து தப்பிப்பதற்கான பேச்சுகளை நடத்தவும் (ரணில், சமல் ராஜாபக்ச) 17ம் திகதி வருகின்றார்கள்.

இலங்கை அரசானது தமிழர்களை வன்முறையாளர்கள் என்றும் பயங்கரவாதிகள் எனவும் சித்தரித்து தமிழர;கள் மீதான அடக்கு முறைமையையும் நீண்டகால திட்டமிட்ட இன அழிப்புப் போரினையும் நடத்திக் கொண்டிருகின்றது. இவை தமிழர் வரலாற்றின் கொடூரமான வலி சுமந்த நினைவுகளாவும் தமிழினத்தின் மனதிலே நீங்காத வடுக்களாகவும் பொதிந்துள்ளன. காலத்தின் காயங்களாக இலங்கை அரசினால் மேற்கொள்ளப்பட்ட இன அழிப்பின் திறவுகோலாக இனக் கலவரங்களின் துண்டுதல்களும், உச்சக் கட்டங்களாக படுகொலைகளும் நடத்தப்பட்டுள்ளன. அந்நிய ஆதிக்கத்தின் வெளியேற்றத்தின் பின்னர் கட்டவிழ்த்து விடப்பட்ட தமிழினம் மீதான படுகொலைகள் இன அழிப்பிற்குச் சான்றுகள். இதற்கு தமிழினம் மட்டுமன்றி சர்வதேசமும் சாட்சியங்கள்.

ஊடகங்களையும் தனியார் நிறுவனங்களையும் வெளியேற்றி தமிழினத்தை வேரோடு அழித்துவிட நினைத்த இனவாத அரசானது முள்ளிவாய்க்கால் படுகொலையின் இறுதி நாளில் மட்டும் 40,000; மேற்பட்ட அப்பாவிப் பொது மக்களை படுகொலை செய்தது. இதற்கான ஆதாரங்கள் சர்வதேசத்திடம் உள்ள போதும் அவை அவற்றை வெளிப்படுத்தி, இலங்கை மீதான விசாரணையினை மேற் கொள்ளாது மௌனம் காத்து வருகையில், இவை அனைத்தையும் மீறி ஊடக தர்மமாகிய உண்மை நிலையினை சனல் 4 தமிழினப் படுகொலையின் ஒரு பகுதியினை காட்சிப்படுத்தியிருந்தது.

இதை சிங்கள இனவெறி பிடித்த அரசானது, இலங்கையில் தமிழர; மீது எவ்வாறு வெறித்தனமாக நடந்து கொண்டதோ அவ்வாறே புலம் பெயர் தேசங்களிலும் நடந்து கொள்ளப் பார்க்கின்றது. தமிழர் மீதான இன அழிப்பின் புதிய பாகமாக புலம் பெயர் தமிழ் மக்களையும் அழித்துவிட வேண்டும் என நினைத்து அதற்கான செயற்பாடுகளில் இறங்கியுள்ளது.

இதன் ஒரு கட்டமாக பிரித்தானியாவில் 17ம் திகதி நீதிக்குப் புறம்பான முறையில் சனல் 4 எதிராக ஆர்ப்பாட்டமொன்றை நடத்தி இன அழிப்பு தொடர்பாக வெளி வருகின்ற உண்மைகளை முடக்கப் பார்க்கின்றது. உண்மையைச் சொல்லப் போனால் இது சனல் 4 இற்கு எதிரான ஆர்பபாட்டமல்ல. இது தமிழ் மக்களின் பலத்தினையும் ஒற்றுமையினையும் பரிசோதித்துப் பார்க்கின்ற ஒரு பலப் பரீட்சையாகவே பார;க்கப்பட வேண்டும். ஏனெனில் கிரிகெட் புறக்கணிப்புப் போராட்டத்தில் கலந்து கொண்ட மக்களை எச்சில் துப்பி அவமதித்ததும், 350,000 ற்கு மேற்பட்ட தமிழ் மக்கள் வாழ்கின்ற பிரித்தானியாவில் 6000 சிங்கள மக்கள் வாழ்வதும், இதில் எத்தனை பேர் இலங்கை அரசின் பொய்ப் பிரச்சாரத்திற்கும் தமிழின அழிப்பிற்கு ஆதரவாக ஆர்ப்பாட்டம் நடத்தத் துணிவார்கள் என்பதை பொறுத்திருந்து தான் பார்க்க வேண்டும்.

உரிமைகளை இழந்து உயிர;களை இழந்து உடைமைகள் அழிக்கப்பட்டு இன அழிப்பிற்கு உட்படுத்தப்பட்டு அந்த வலிகள் மாறுமுன்னர; இலங்கை அரசின் செயலானது தமிழ் மக்களை கொதித்தெழ வைக்கும் என்பதில் சந்தேகமில்லை. அடிப்படை உரிமைகள் கூட மறுக்கப்பட நிலையில் விடுதலைக்காக போராடிய ஒரு இனத்தினை கொடூரமாக படுகொலை செய்து அந்தப் பழியை தமிழர்கள் மேலே சுமத்தி புலத்திலும் தமிழினத்தின் உரிமைகளை பறிக்க நினைகின்றது இலங்கை அரசு.

தமிழர்கள் மீதான இன அழிப்பின் உண்மை நிலையினை சர்வ தேசத்திற்கு வெளிப்படுத்திய சனல் 4 க்கு எதிராக இலங்கை அரசின் கைக்கூலிகள் மூலம் ஆர்ப்பாட்டமொன்றை நடத்தத் துணிந்துள்ளது. எமது உரிமைக்காக குரல் கொடுக்கின்ற ஊடகங்களுக்கு ஆதரவு கொடுக்க வேண்டியது எமது கடமையாகும். எனவே அனைத்து தமிழர்களும் அன்று நடைபெறுகின்ற அனைத்து நிகழ்வுகளையும் நிறுத்து வைத்துவிட்டு இலங்கை அரசு ஒழுங்கு செய்த இந்தப் போராட்டத்திற்கு எதிராக அணி திரள வேண்டும். புலத்தில் எமது ஒற்றுமையினையும் பலத்தினையும் இலங்கை அரசுக்கெதிராக காட்டுவோம்.

உறவுகளே எவ்வாறாயினும் இலங்கை அரசின் சதித் திட்டங்களை விளங்கிக் கொண்டு இந்த மூன்று தினங்களிலும் இனவெறி பிடித்த இலங்கை அரசிற்கெதிராக ஒன்றுசேருவோம். தமிழன் வீரமிழந்து விட்டான் என்றும் மீண்டும் அடிமையாகி விட்டான் என்றும் கொக்கரிகின்ற இலங்கை அரசிற்கு மீண்டும் ஒரு பாடம் புகட்டுவோம் வாருங்கள். இது தொடர்பான எதிர்ப்புப் போராடங்களை ஒழுங்கு செய்யுமாறு அமைப்புக்கள் நிறுவனங்களைக் கேட்பதுடன் அவைக்கான முழு ஆதரவினை வழங்கி இந்தப் போராடத்திற்கு அணிதிரள்வோம்.

ஒன்றுபட்டு இன வெறியர்களை விரட்டியடிப்போம்.
தமிழரின் தாகம் தமிழீழத் தாயகம்
றொபேட்

மன்னார் தினச் சந்தை வியாபாரிகளை வெளியேற்ற நகர சபை அதிரடி உத்தரவு

2011-07-15T11:56:00.000-07:00

மன்னார் தினச்சந்தை வியாபாரம் செய்யும் இடத்தினை எதிர்வரும் செப்ரெம்பர் மாதம் 30 ஆம் திகதிக்கு முதல் மன்னார் நகரசபையிடம் ஒப்படைக்குமாறு மன்னார் நகர சபை எடுத்துள்ள முடிவுக்கு மன்னார் தினச்சந்தை வியாபாரிகள் எதிர்ப்புத் தெரிவித்துள்ளனர்.இந்த விடயம் தொடர்பாக மன்னார் நகரசபை விடுத்துள்ள பொது அறிவித்தலின் பிரகாரம் மேலும் தெரிய வருகையில்,

தற்போது தினச்சந்தை வியாபாரம் செய்யும் இடமானது நாட்டின் அசாதாரண சூழ்நிலை காரணமாக தினச்சந்தையாக குறுகிய காலப்பகுதியில் நடைமுறையில் இருந்து வந்தது. அந்தச் சந்தையானது சனி மற்றும் ஞாயிறு ஆகிய வாராந்த சந்தையே ஆகும்.
நாட்டின் யுத்த நிலைமை நீங்கிய நிலையில் மக்களின் கோரிக்கை மற்றும் நியாயமான தேவை கருதி மீண்டும் சனி மற்றும் ஞாயிறு வாராந்த சந்தையை மீள நடமுறைப்படுத்துவது பற்றி பல்வேறு மக்கள் அமைப்புக்கள் மூலமாக கோரிக்கைகள் முன் வைக்கப்பட்டது. இதற்கமைய மீண்டும் குறித்த சந்தையை சனி மற்றும் ஞாயிறு வாராந்த சந்தையாக மாற்று வதற்கான தீர்மானம் மன்னார் நகரசபையால் முன்னெடுக்கப் பட்டுள்ளது.

எனவே திருத்தம் செய்யப்பட்டு எதிர்காலத்தில் சனி, ஞாயிறு வாராந்த சந்தையாக நடைபெறவுள்ளது.
இதற்கமைவாக தற்பொழுது சந்தை வளவில் வியாபாரம் செய்யும் வியாபாரிகள் எதிர்வரும் செப்டெம்பர் 30 ஆம் திகதிக்கு முன்னர் தங்களது வியாபாரப் பொருள்களை சந்தை வளவில் இருந்து அப்புறப்படுத்தி சந்தையைச் சபைக்கு திருத்த வேலைக்காக விடுவிக்குமாறு கேட்டுக் கொள்ளப்பட்டுள்ளது. சனி, ஞாயிறு சந்தையில் சந்தை விதிமுறைக்கமைவாக சகல வியாபாரிகளும் வியாபாரம் செய்ய அனுமதிக்கப் படுவார் கள் என்பதனை தெரிவித்துக் கொள்ளுகின்றோம் என மன்னார் நகர சபையினால் விடுக்கப்பட்டுள்ள பொது அறிவித்தலில் குறிப்பிடப்பட்டுள்ளது.

இந்த விடயம் தொடர்பாக மன்னார் தினச்சந்தை வியாபாரிகள் தெரிவிக்கையில்,
மன்னார் நகரசபை பிரிவுக் குற்பட்ட குறித்த சந்தையில் தாங்கள் சுமார் 15 வருடங்களுக்கு மேலாக கடைகளை அமைத்து தொழில் செய்து வருகின்றோம். மன்னார் நகர சபைக்கு நாளாந்த வாடகையாக 50 ரூபாய் முதல் 300 ரூபாய் வரை வரியாக செலுத்தி வருகின்றோம். எந்தவித அடிப்படை வசதிகளும் குறித்த சந்தைக்கு மன்னார் நகர சபை கடந்த காலங்களில் செய்து தராத போதிலும் நாம் தொழிலில் ஈடுபட்டு வருகின்றோம்.

சில சந்தர்ப்பங்களில் நாளாந்த வாடகை அறவிடப்படுகின்ற போதும் அதற்கான பற்றுச் சீட்டுக்களை அதற்கு பொறுப்பான அதிகாரிகள் வழங்குவ தில்லை.இந்த நிலையில் மன்னார் நகரசபை எடுத்துக் கொண்ட திடீர் முடிவால் மன்னார் தினச் சந்தை வியாபாரிகள் அதிர்ச்சிக்கு உள்ளாகியுளோம்.

தற்போது 62 வியாபாரிகள் தமது வியாபார நடவடிக்கையினை மேற்கொண்டு வரு கின்றனர். அதில் 20 வியாபாரிகள் மன்னார் மாவட்டத்தினைச் சேர்ந்தவர்கள். ஏனையவர்கள் வேறு மாவட்டத்தினைச் சேர்ந்தவர்கள்.

வெளி மாவட்ட வியாபாரிகளை வெளியேற்றும் நோக்குடன் மன்னார் நகர சபை இவ்வாறான நடவடிக்கையில் ஈடுபட்டு வருகின்றது என அந்த வியாபாரிகள் தெரிவித்தனர். தங்களை வெளியேற்றும் பட்சத்தில் தாங்கள் என்ன செய்வது என்று தெரியாமல் நிர்ப்பந்தத்துக்கு தள்ளப்பட்டுள்ளதாகவும் அந்த வியாபாரிகள் தெரிவிக் கின்றனர்.

87 இலங்கை அகதிகள் குறித்து நியூசிலாந்து பாராளுமன்றில் விவாதம்

2011-07-15T11:55:00.000-07:00

ஜோன் கீ எல்ஸியா கப்பலில் வந்த தமிழ் அகதிகளின் வேண்டுகோள்களை நியூசிலாந்து தலைமை அமைச்சர் நிராகரித்துள்ளது குறித்து கிறீன் கட்சியைச் சேர்ந்த கீய்த் லொக்கி பாராளுமன்றத்தில் நடந்த விசேட விவாதத்தின் போது அதிருப்தி வெளியிட்டுள்ளார்.

இந்த அகதிகள் நியூசிலாந்தை நோக்கி வந்த வழியில் இந்தோனேஷியாவில் தடுத்து வைக்கப்பட்டுள்ளனர் என அவர் தெரிவித்தார்.

அகதிகளை இங்கு வரவேற்கவில்லை என்பது ஒரு சாதாரண செய்தியாக இருக்கலாம். ஆனால் அது அந்த அகதிகளின் உயிர் பிரச்சினை என்பதை ஏன் உணரவில்லை என்றும் அவர் கேள்வி எழுப்பினார்.

இது நியூசிலாந்து மக்களின் மனிதாபிமான உணர்வுகளுக்கு எதிரானதாகும். பெரும் துன்பங்களை அனுபவித்து துயரிலிருந்து தப்புவதற்காக தப்பி ஓடிவருபவர்களைப்பார்த்து இவ்வாறு கூறுவது இதயமற்றவர்களின் செயலாகும் என அவர் விமர்சித்துள்ளார்.

வெந்த புண்ணில் வேல் பாய்ச்சுவது போன்று கப்பலில் வந்துள்ளவர்கள் கியூ வரிசையிலிருந்து பாய்ந்து வந்தவர்கள் என்று ஜோன் கீ கூறியுள்ளார்.

ஜோன் கீ யின் தாய் 1939 ஆண்டு யுத்தத்தில் நாஸி ஜேர்மனியிலிருந்து அகதியாக தப்பி வந்து பிரித்தானியாவில் தஞ்சம் கோரியவர்.

யூத அகதிகளுக்கு அப்போது கியூ வரிசையில் சேர வேண்டியிருந்ததில்லை. அவர்கள் சந்தர்ப்பத்தை பயன்படுத்தி சட்டவிரோதமாக எல்லை தாண்டி கடவுச்சீட்டு இன்றி பிரித்தானியாவில் தஞ்சம் அமைந்தவர்கள் என்றும் கீய்த் லொக்கி தெரிவித்தார்.

இதன் போது குறுக்கிட்ட சபாநாயகர் தலைமை அமைச்சரின் தனிப்பட்ட குடும்ப விடயங்களை பேசுவதை தவிர்க்குமாறு கேட்டுக்கொண்டார்.

பொன்சேகாவின் விசுவாசிகளான படை அதிகாரிகள் வீட்டிற்கு அனுப்பி வைப்பு

2011-07-15T11:54:00.000-07:00

முன்னாள் இராணுவத் தளபதி சரத் பொன்சேகாவின் கையாட்கள் என்ற சந்தேகத்தின் பேரில் மூன்று சிரேஷ்ட இராணுவ அதிகாரிகள் கட்டாய ஓய்வில் அனுப்பப்படவுள்ளனர். பாதுகாப்பு அமைச்சுச் செயலாளரான கோதபாய ராஜபக்ஷவே இவர்களைக் கட்டாய ஓய்வில் அனுப்பத் தீர்மானித்துள்ளார்.

பிரிகேடியர்களான தம்பத் பெர்ணான்டோ, அசோகா அமுனுகம,பியால் விக்கிரமரத்ன ஆகியோரே இவ்வாறு கட்டாய ஓய்வில் அனுப்பப்படவுள்ளனர்.

பிரிகேடியர் அசோகா அமுனுகம முன்னாள் இராணுவத் தளபதி சரத் பொன்சேகாவின் தனிப்பட்ட பாதுகாப்புப் பிரிவுக்குப் பொறுப்பாகவிருந்தவராவார்.

பிரிகேடியர் பியால் விக்கிரமரத்ன 53 மற்றும் 61 ஆவது படை அணிகளுக்கு பிரதிக் கட்டளைத் தளபதியாகக் கடமையாற்றியவர்.

பிரிகேடியர் தம்பத் பெர்னாண்டோ இராணுவத்தின் 23 ஆவது படையணிக்குப் பொறுப்பாக இருந்ததுடன் திட்டப் பணிப்பாளராகவும் கடமையாற்றியவராவார். இவர்கள் அனைவருக்கும் பதவி உயர்வுகளை வழங்கியவர் முன்னாள் இராணுவத் தளபதி சரத் பொன்சேகாவே.

உமது படையினரை கட்டுப்படுத்தும் பிறகு எம்மை பற்றி பேசலாம்: சுமந்திரன்

2011-07-15T11:53:00.000-07:00

தனது படையினரை கட்டுப்படுத்த தெரியாத கோத்தா கூட்டமைப்பை பற்றி பேசுவது விநோத மானது. முதலில் தனது படையினரை கட்டுப்படுத்தவேண்டும் அதன் பின்பு எம்மைப்பற்றி பேசலாம். இவ்வாறு கூறியுள்ளார் சுமந்திரன் எம்.பி.எம்மீது மேற்கொண்ட தாக்குதலுக்கு எதிராக நடவடிக்கை எடுக்க தெரியாதவர், அரசியல் கட்சிகள் தொடர்பில் விமர்சனம் செய்வது நல்லதல்ல.

யாழ்ப்பாண கட்டளைத்தளபதி நேற்றைய தினம் தமிழ்த் தேசிய கூட்டமைப்பினர் அரசியல் இலாபத்துக்காக இராணுவத்தினருக்கு எதிராக குற்றம் சுமத்துவதாக தெரிவித்துள்ளார். அவர் இவ்வாறு தெரிவித்துள்ளமையானது அவர் அரசியலில் தேவையின்றி தலையிடும் ஒரு காரியம் எனவும் அவருகென்று ஒரு தொழில் உள்ளது, அதை மாத்திரம் செய்துகொண்டிக்க அவருக்கு தெரிய வேண்டும்.

அளவெட்டியிலே எங்களுக்கு எதிராக நடத்தப்பட்ட தாக்குதல் இராணுவத்தினால் மேற்கொள்ளப்பட்ட தாக்குதல், அதை இராணுவத்தினரேதான் செய்ததாக பாதுகாப்பு அமைச்சின் செயலாளரே ஊடகங்களுக்கு தெரிவித்துள்ளார்.

இந்நிலையில் தன் கீழுள்ள இராணுவத்தினரை கட்டுப்படுத்த தெரியாதவர், எம்மீது மேற்கொண்ட தாக்குதலுக்கு எதிராக நடவடிக்கை எடுக்க தெரியாதவர், அரசியல் கட்சிகள் தொடர்பில் விமர்சனம் செய்வது நல்லதல்ல.

யாழில் இளம்பெண் வெட்டிக்கொலை (Photo in)

2011-07-15T11:52:00.000-07:00

யாழ். கச்சேரி நல்லூர் வீதியில் இன்று வெள்ளிக்கிழமை பிற்பகல் இளம் பெண்ணொருவர் வெட்டி படுகொலை செய்யப்பட்டு எரிக்கப்பட்டுள்ளார். 28 வயதான சுதாகரன் அகிலா என்பவரே இவ்வாறு கொல்லப்பட்டுள்ளார். இன்று பிற்பகல் இச்சம்பவம் இடம்பெற்றுள்ளது.

இப்பெண்ணை படுகொலைசெய்தவர் என சந்தேகிக்கப்படும் ஒருவர் யாழ் பொலிஸாரால் கைது செய்யப்பட்டுள்ளார். .

மேற்படி பெண்ணின் உடலை எரியூட்ட முயன்றபோது சந்தேக நபரும் கடும் எரிகாயங்களுக்குள்ளாகிய நிலையில் யாழ் போதனா வைத்தியசாலையில் வைத்தியசாலையில் அனுமதிக்கப்பட்டுள்ளார்.

இச்சம்பவம் தொடர்பான விசாரணைகளை யாழ் பொலிஸார் மேற்கொண்டு வருகின்றனர்.

வன்னியில் பெருந்தொகை ஆயுதங்கள் கண்டுபிடிப்பாம்

2011-07-15T11:51:00.001-07:00

வடக்கில் கொக்காவில், வன்னிவிளாங்குளம், உடையார்கட்டுகுளம் பகுதிகளிலிருந்து பெருந்தொகையான ஆட்லறிகளையும் வெடிப்பொருட்களையும் தாம் கைப்பற்றியுள்ளதாக இராணுவத்தினர் தெரிவித்துள்ளனர்.

120 மி.மி. மோட்டார் குண்டுகள் 1555, 12.7 மி.மீ துப்பாக்கிகளுக்குப் பயன்படுத்தப்படும் 27,000 தோட்டாக்கள், 7.52 மி.மீ துப்பாக்கிகளுக்குப் பயன்படுத்தப்படும் தோட்டாக்கள் 15,000 ஆகியனவும் இவற்றில் அடங்கும்.

நேற்று வியாழக்கிழமை மேற்கொள்ளப்பட்ட பாரிய தேடுதலின்போது, 81 மி.மீ ரக மோட்டார் குண்டுகள் 54, 86 பௌண்டர் குண்டுகள் 3000, 130 மி.மீ ஏவுகருவிகள், ஆகியன கைப்பற்றப்பட்டதாக இராணுவப் பேச்சாளர் உபய மெதவல கூறினார்.

வெடிபொருட்கள் அற்ற 250 கிலோகிராம் விமான குண்டுகள் 4, 250, வெடிபொருட்களுடன்கூடிய 250 கிலோகிராம விமான குண்டுகள் 6, எம்.பி.எம்.ஜி துப்பாக்கிகளுக்கான 2000 சுற்று தோட்டாக்கள் என்பனவும் கண்டுபிடிக்கப்பட்டுள்ளன.

சிறிலங்காவைப் புறக்கணிக்கும் மேற்கு ஐரோப்பிய சுற்றுலாப் பயணிகள்

2011-07-14T22:02:00.001-07:00

மேற்கு ஐரோப்பிய நாடுகளில் இருந்து சிறிலங்காவுக்குப் பயணம் மேற்கொள்ளும் சுற்றுலாப் பயணிகளின் எண்ணிக்கை சரிவடையத் தொடங்கியுள்ளதாக சிறிலங்காவின் சுற்றுலா ஊக்குவிப்பு பணியகம் வெளியிட்டுள்ள புள்ளிவிபரங்களில் இருந்து தெரியவந்துள்ளது.

சுற்றுலாப் பயணிகளின் வருகை பற்றிய 2011 ஜுன் மாதப் புள்ளிவிபரங்களில் இருந்து பிரித்தானியாவில் இருந்து சிறிலங்கா வரும் சுற்றுலாப் பயணிகள் எண்ணிக்கை பாரிய வீழ்ச்சி கண்டுள்ளது தெரியவந்துள்ளது.

கடந்த ஆண்டு ஜன் மாதம் பிரித்தானியாவில் இருந்து 5188 சுற்றுலாப் பயணிகள் சிறிலங்காவுக்குப் பயணம் மேற்கொண்டிருந்தனர்.

ஆனால் இந்த ஆண்டு இதே காலப் பகுதியில் பிரித்தானிய சுற்றுலாப் பயணிகளின் வருகை 17.2 வீதத்தினால் வீழ்ச்சியடைந்துள்ளது.

கடந்த மே மாதமும் பிரித்தானிய சுற்றுலாப் பயணிகள் வருகை 0.4 வீதத்தினால் சரிவடைந்திருந்தது.

மத்திய கிழக்கு, இந்தியா, கிழக்காசியா, ஜப்பான், சிங்கப்பூர் போன்ற நாடுகளில் இருந்து சிறிலங்காவுக்கு வரும் சுற்றுலாப் பயணிகளின் எண்ணிக்கை கணிசமாக அதிகரித்துள்ளது.

எனினும் அவுஸ்ரேலியாவில் இருந்து வரும் சுற்றுலாப் பயணிகள் தொகை கடந்த மாதம் அதிகரித்துள்ள போதும் ஒப்பீட்டளவில் அது மிகவும் குறைவாகவே இருந்துள்ளது.

மூதூர் கிழக்கு: ஐந்து வருடங்களின் பினர் கோவில் கும்பிடமட்டும் அனுமதி

2011-07-14T22:01:00.001-07:00

தமிழர்களின் பூர்வீக நிலமான மூதூர் பகுதியினை ஆக்கிரமித்த சிங்களம் ஐந்து வருடங்களின் பின்னர் கோவில் கும்பிட மட்டும் அனுமதித்துள்ளது. மூதூர் கிழக்கு கூனித்தீவு பிள்ளையார் ஆலயம், பத்தரகாளி அம்மன் ஆலயம் என்பனவற்றுக்கு செல்வதற்கான அனுமதியையே சிங்களம் வழங்கியுள்ளது. இவ் ஆலயங்களில் விசேட பொங்கல் வழிபாடுகள் இன்று வியாழக்கிழமை இடம்பெற்றன. திருகோணமலை, மட்டக்களப்பு போன்ற இடங்களில் இருந்து பல நூற்றுக்கணக்கானோர் வழிபாடுகளில் கலந்துகொண்டனர். கட்டைபறிச்சான் நாவலடி சந்தியில் இருந்து படையினரால் ஏற்பாடு செய்யப்பட்ட வாகனங்களில் பொது மக்கள் ஆலயங்களுக்கு அழைத்துச் செல்லப்பட்டனர். எனினும் கையடக்க தொலைபேசிகள், புகைப்பட கருவிகளை எடுத்துச் செல்வதற்கு படையினர் தடை விதித்திருந்தன

பாதுகாப்பு ஆலோசகரைத் திரும்பப் பெறும் அமெரிக்கா.

2011-07-14T10:32:00.001-07:00

ஒன்றும் தற்செயலாக நடப்பதில்லை. ஏற்கனத் திட்டமிட்டபடி பெரும்பாலான அரச நடவடிக்கைகள் ஒப்பேறுகின்றன. இது அரசுகளின் நிகழ்ச்சி நிரல் பற்றிச் சொல்லப்படும் கருத்து. அமெரிக்க இராஜாங்கச் செயலகம் சிறிலங்காவுக்கான தூதராக றொபேட் ஓ பிளேக்கை 2006 நடுவில் அனுப்பியது.

அதே இராஜாங்கச் செயலகம் 2008 யூனில் கொழும்புத் தூதரகத்தின் பாதுகாப்பு ஆலோசகராக லெப் கேணல் லோறன்ஸ் ஸ்மித் என்ற அமெரிக்க இராணுவ அதிகாரியை அனுப்பியது. றொபேட் ஓ பிளேக்கின் தூதர் பதவி மே 2009 ல் முடிவுற்றது. அவருக்குத் துணை இராஜங்கச் செயலராகப் பதவி உயர்வு வழங்கப்பட்டது.

லெப் கேணல் லோறன்ஸ் ஸ்மித் 2011 யூலை முதல் வாரத்தில் அமெரிக்காவுக்குத் திருப்பி அழைக்கப்பட்டுள்ளார். இரு அமெரிக்கர்களும் சிறிலங்கா அரசின் ஈழத்தமிழர்களுக்கு எதிரான இன அழிப்புப் போருக்கு அனுசரணை வழங்கினார்கள். அதற்காகவே இருவரும் தெரிவு செய்யப்பட்டு பதவியில் அமர்த்தப்பட்டனர்.

2011 நடுப்பகுதியில் அறிக்கை வெளியிட்ட ஜனநாயக மக்கள் முன்னணித் (Democratic People’s Front) தலைவர் மனோ கணேசன்றொபேட் ஓ பிளேக் பற்றிப் பின்வருமாறு குறிப்பிட்டார்.

‘தமிழர்களுக்கு எதிரான போருக்கு அவர் நிபந்தனையற்ற ஆதரவைச் சிறிலங்கா அரசிற்கு வழங்கினார்”மேலும் தமிழர்களின் பெரும் உயிரிழப்பு பற்றி அவர் சிறிதளவும் கவலைப்பட்டது கிடையாது என்று மனோ கணேசன் தனது அறிக்கையில் சுட்டிக்காட்டினார். பாதுகாப்பு ஆலோசகர் லெப் கேணல் லோறன்ஸ் ஸ்மித் றொபேட் ஓ பிளேக்கின் மறுபதிப்பாகச் செயற்பட்டார்.

அமெரிக்கக் குடியுரிமை பெற்றவரும் சிறிலங்கா இராணுவத்தின் இளைப்பாறிய லெப் கேணல் அதிகாரியுமான கொத்தபாய ராஜபக்சவுடன் லோறன்ஸ் ஸ்மித் நெருக்க உறவுகளைப் பேணினார்.

இருவரும் அடிக்கடி சந்திப்புக்களை மேற்கொண்டதாகவும் அமெரிக்க சிறி லங்கா இராணுவங்களின் தொடர்புப் பாலமாக லோறன்ஸ் ஸ்மித் செயற்பட்டதாகவும் கொழும்புத் தகவல்கள் தெரிவிக்கின்றன.

இந்த வருடம் மே மாதத்தில் சிறலங்கா இராணுவம் நடத்திய இரண்டாவது வெற்றிவிழா கருத்தரங்கில் அமெரிக்க அரசு பங்குபற்ற வெளிப்படையாக மறுத்தாலும் லெப் கேணல் லோறன்ஸ் ஸ்மித்தை கருத்தரங்கிற்கு அனுப்பி வைத்தது. கருத்தரங்கில் உரையாற்றிய அவர் தெரிவித்த கருத்துக்கள் பெரும் இராசதந்திரப் புயலைக் கிளப்பின.

வெள்ளைக்கொடியுடன் சரணடைந்த நடேசனும் புலித்தேவனும் சந்தேகத்திற்கு இடமான முறையில் நடந்தனர் என்ற ஆதாரமற்ற அபாண்டமான கருத்தைக் கூறி அவர்களுடைய படுகொலையை ஸ்மித் நியாயப்படுத்தினார்.

இதன்காரணமாகத் தனது பிரதிநிதியின் கருத்தை மறுத்துரைக்கும் நிர்ப்பந்தம் அமெரிக்க அரசிற்கு ஏற்பட்டது. அவரை மீளப் பெறவும் நடவடிக்கை எடுத்தது. லோறன்ஸ் ஸ்மித் கொத்தபாய ராஜபக்ச ஆகியோரின் பிரியாவிடைச் சந்திப்பு பாதுகாப்புச் செயலகத்தில் நடைபெற்றது.

அமெரிக்கத் தயாரிப்பு சிவப்புக் கண் லேசர் கைத்துப்பாக்கியை லோறன்ஸ் ஸ்மித் நினைவுப் பரிசாக கொத்தபாயாவுக்குக் கொடுத்தார். பதிலுக்கு பெறுமதிமிக்க பிரிசுப் பொருள்களை அவருக்கு கொத்தபாய வழங்கினார். ஸ்மித்தின் இடத்திற்கு லெப் கேணல் பற்றிக் ஸ்கூலர் என்பவர் நியமனம் பெற்றார்.

தீவகத்தில் கூட்டமைப்புக்கு தொடர்ந்தும் அச்சுறுத்தல்: மாவை

2011-07-14T08:10:00.000-07:00

மகசின் சிறையில் உள்ள முத்துக்குமார் சத்தியராஜா என்பவர் கடுமையான சுகவீனமுற்று ஆபத்தான நிலையில் இருப்பதாக தகவல் வந்ததையடுத்து குறித்த கைதியை உடனடியாக சிகிச்சையளித்து விடுவிக்குமாறு பாராளுமன்ற உறுப்பினர் ந.சிவசக்தி ஆனந்தன் ஜனாதிபதி, நீதியமைச்சர் ஆகியோரிடம் வேண்டுகோள் விடுத்துள்ளார்.

வன்னி மாவட்ட பாராளுமன்ற உறுப்பினர் சிவசக்தி ஆனந்தன் விடுத்துள்ள வேண்டுகோளின் முழுவிபரம் வருமாறு.

யாழ் மாவட்டம், ஊர்காவற்றுறை, அனலைதீவு 6ஆம் வட்டாரத்தைச் சொந்த இடமாகக் கொண்டவர் முத்துக்குமார் சத்தியாராஜா.

இவர் கடந்த 26.10.2008ஆம் ஆண்டு சந்தேகத்தின் பெயரில் பிடிபட்டு இன்றுவரை விசாரணை எதுவுமின்றி வெலிக்கடை மகசின் சிறையில் அடைக்கப்பட்டுள்ளார்.

இவருக்கு இப்பொழுது 46வயது ஆகின்றது. ஆஸ்மா மற்றும் கேணியா வருத்தத்தினால் பீடிக்கப்பட்டுள்ள இவருக்கு கடந்த ஆண்டு கேணியாவிற்கான சத்திரசிகிச்சை அளிக்கப்பட்டுள்ளது.

அதன் பின்னர் போதிய மருத்துவ கவனிப்பின்மையால் இப்பொழுது மிகவும் ஆபத்தான நிலையில் உயிருக்குப் போராடிவருவதாகவும் இன்று அவரது உடல்நிலை கவலைக்கிடமாக உள்ளதாகவும் எனக்குத் தகவல் தெரிவிக்கப்பட்டுள்ளது.

அவரது உடல்நிலையைக் கருத்திற்கொண்டு மனிதாபிமான அடிப்படையில் அவருக்கு உரிய மருத்துவ சிகிச்சை அளித்து விடுவிக்கும்படி மாண்புமிகு ஜனாதிபதி, கௌரவ நீதியமைச்சர் உள்ளிட்ட சம்பந்தப்பட்ட அனைவரையும் கேட்டுக்கொள்கிறேன். என்று குறிப்பிடப்பட்டுள்ளது.

அவரது கைதி இலக்கம்: 1312, இருப்பிடம் ஜி (பு) வாட் கோப்பு எண்: 8965

87 இலங்கை அகதிகள் நிலைமை குறித்து மன்மோகனை தலையிடுமாறு வைகோ கோரிக்கை

2011-07-14T08:09:00.001-07:00

நியூசிலாந்து நாட்டில் அடைக்கலம் தேடி சென்ற 87 இலங்கை தமிழர்களை இந்தோனேஷியா அரசு பிடித்து வைத்திருக்கும் விவகாரத்தில் இந்திய பிரதமர் தலையிட வேண்டும் என மதிமுக., பொதுச்செயலாளர் வைகோ கோரிக்கை விடுத்துள்ளார்.

கடந்த 12ம் திகதி இலங்கையிலிருந்து ஒரு படகில் 87 இலங்கை தமிழர்கள் அடைக்கலம் தேடி நியூசிலாந்து நாட்டிற்கு சென்றனர்.

அவர்கள் இந்தோனேஷிய கடல் எல்லையில் நுழைந்த போது அத்துமீறி நுழைந்ததாக கூறி அந்நாட்டு அரசு அவர்கள் பிடித்து மீண்டும் இலங்கை திரும்ப வலியுறுத்தி வருகிறது.

இந்நிலையில் இதுகுறித்து இந்திய பிரதமர் மன்மோகன் சிங்கிற்கு வைகோ எழுதிய கடிதத்தில், இலங்கை தமிழர்கள் 87 பேரும் சட்டவிரோதமாக அங்கு செல்ல முயற்சிக்க வில்லை. சர்வதேச விதிகளின்படி அடைக்கலம் கோருவது அவர்களின் உரிமை.

இவ்விவகாரத்தில் பிரதமர் தனக்குள்ள அதிகாரத்தை பயன்படுத்தி இந்தோனேஷியாவிலிருந்து அவர்களை விடுவிக்க உதவ வேண்டும் என கேட்டுக்கொண்டுள்ளார்.

கனடா இளையோரின் ‘Transition 101’ சிறப்பாக நடைபெற்றது (Photo in)

2011-07-14T02:06:00.000-07:00

கனடா தமிழ் இளையோர் அமைப்பினால் கனடிய பல்கலைக்கழகங்களின் மட்டத்தில் ஒழுங்கமைக்கப்பட்டு நடத்தப்பட்ட ‘Transition 101’ என்னும் ஆண்டு நிகழ்வு இம்முறையும் இரண்டாவது தடவையாக ரொறன்ரோ யோர்க் பல்கலைக்கழகத்தில் நடைபெற்றது. இது, சமூக தொடர்பாடல், தமிழ்த் தேசிய கட்டுமானம், தமிழ் தேசிய அடையாளங்களைப் பாதுகாக்க வேண்டியதன் அவசியம், தாய்மொழி மற்றும் கலாசாரம் போன்ற்றின் பேரில் தமிழ் இளையோர் அமைப்புக்கும் பல்கலைக்கழக தமிழ் மாணவர் சமூகத்துக்கும் உள்ள பங்கு தொடர்பான அறிவூட்டல் நிகழ்வாக அமைந்திருந்தது.

கடந்த ஜூலை 10, 2011, ஞாயிற்றுக்கிழமை அன்று நடைபெற்ற இந்நிகழ்வில் ரொறன்ரோ பல்கலைக்கழகத்தின் ஸ்காபுரோ வளாகம் – சென்.ஜோர்ஜ் வளாகம் – மிசிசாகா வளாகம், றையர்சன் பல்கலைக்கழகம், வோட்டர்லூ பல்கலைக்கழகம், ஒட்டாவா பல்கலைக்கழகம், கார்ல்ட்டன் பல்கலைக்கழகம், யோர்க் பல்கலைக்கழகம் மற்றும் கல்ஃப் பல்கலைக்கழகம் ஆகியவற்றின் தமிழ் மாணவர் அமைப்புகள் கலந்துகொண்டன.

கனடா தமிழ் இளையோர் அமைப்பு வெளியிட்ட அறிக்கையில், பழைய மணவர் பிரதிநிதிகளும் புதிதாக எதிர்வரும் செப்டெம்பர் மாதம் புதிய கல்வியாண்டில் பொறுப்பேற்கவுள்ள மாணவர் பிரதிநிதிகளும் இதில் கலந்துகொண்டதமையைக் குறிப்பிட்டதுடன், இந்நிகழ்வு பெரும் வெற்றியளித்திருப்பதாகவும் தெரிவிக்கப்பட்டுள்ளது.

இந்நிகழ்வு குறித்துக் கருத்துத் தெரிவித்த கனடா இளையோர் அமைப்பின் பேச்சாளர் செல்வன்.பிரியந் நல்லரட்ணம், “பல்கலைக்கழக மாணவர்கள் என்ற வகையில் எமது விடுதலை தொடர்பாக குரல்கொடுக்கவும், அதற்கு எதிராக உள்ள தடைகளை நீக்குவதற்கும் எமக்கு இன்றியமையாத ஒரு பாரிய பொறுப்பு உள்ளது” எனத் தெரிவித்தார்.

இதன் முக்கிய கட்டமாக, கடந்த ஆண்டின் பிரதிநிதிகள் புதிய ஆண்டுக்கான பிரதிநிதிகளிடம் தமிழீழ தேசியக் கொடியினைக் கையளிக்கும் நிகழ்வு இடம்பெற்றது. இக்குறியீட்டு நிகழ்வு தற்போது ஆக்கிரமிப்புக்குள்ளாகியிருக்கும் தமிழீழம், எக்காலகட்டத்திலும் தமிழ் மக்களின் அபிலாசைகளை விட்டுக்கொடுக்காது அடுத்த தலைமுறையினருக்கும் கடத்திச் செல்லப்பட வேண்டும் என்பதை உணர்த்தும் விதமாக அமைக்கப்பட்டது என்று கனடா தமிழ் இளையோர் அமைப்பு மேலும் தெரிவித்துள்ளது.
“இளைய சமூகம் என்னும் முறையில் எமது இனத்தின் அடையாளத்தை பாதுகாக்கும் முயற்சியில் நாம் ஈடுபட வேண்டும். எம் மக்கள் மீது திணிக்கப்பட்டுள்ள தடைகளைக் கண்டு பணிந்து போவதை விடுத்து, அதனை எதிர்த்துப் போராடத் துணிய வேண்டும்” என கல்ஃப் பல்கலைக்கழகத்தைச் சேர்ந்த ரொன்கின் கிறேசியன் தெரிவித்துள்ளார்.

முப்பதாயிரத்துக்கும் மேற்பட்ட மாவீரர்கள் அளப்பரிய ஈகங்களைத் தாயக விடுதலைக்காகச் செய்துள்ளார்கள். இலட்சத்துக்கும் மேற்பட்ட அப்பாவித் தமிழ்மக்கள் தமிழீழக் குடிமக்கள் என்ற ஒரே காரணத்துக்காக கோரமாகக் கொல்லப்பட்டுள்ளனர் என்பதையும் அவர் அப்போது நினைவுகூர்ந்தார்.
இறுதியாக, கனடா தமிழ் இளையோர் அமைப்பு ‘செவ்வேடு’ எனும் ஒரு புதிய விடயத்தையும் இந்நிகழ்வின்போது அறிமுகப்படுத்தி வைத்தது.

இந்த ஏடானது, காலத்தின் பதிவுகளையும், பல்கலைக்கழகங்களினதும், அதன் பிரதிநிதிகளினதும் கனடாவிலும் தமிழீழத்திலும் தமிழர் சமூக மேம்பாடு நோக்கிய செயற்பாடுகள் தொடர்பான விபரங்களையும் கொண்டிருக்கும். தொடர்ச்சியாக இவ்விபரங்கள் இப்புத்தகத்தில் பதியப்பட்டு வரும் எனவும் கனடா தமிழ் இளையோர் அமைப்பு விடுத்துள்ள அறிக்கையில் தெரிவிக்கப்பட்டுள்ளது.

மல்லாவியில் சிறுமியை மோட்டார்சைக்கிளில் கடத்த முயற்சி

2011-07-14T02:05:00.000-07:00

வன்னி, முலை மாவட்டம், மல்லாவியில் உள்ள சந்தைப் பகுதியில் 15 வயதுச் சிறுமியொருவரைக் கடத்திச் செல்ல எடுக்கப்பட்ட முயற்சி முறியடி க்கப்பட்டுள்ளதாகத் தெரிவிக்கப்பட்டுள்ளது.நேற்று முன்தினம் முற்பகல் 10 மணியளவில் அனிஞ்சியன் குளத்தைச் சேர்ந்த இந்தச் சிறுமி பொருள்களை வாங்குவதற்காக மல்லாவிச் சந்தைக்கு வந்துள்ளார். சந்தைப் பகுதிச் சூழலை அண்டிய இடத்தில் இவர் வந்து கொண்டிருக்கும் போது மோட்டார்சைக்கிளில் வந்த நபரொருவர் இந்தச் சிறுமியின் கையைப் பிடித்து இழுத்ததுடன் தம்மோடு வருமாறு வற்புறுத்தியுள்ளார்.

ஆனால் சிறுமி அந்த நபருடன் தர்க் கத்தில் ஈடுபட்டார். இதனால் அப்பகுதியில் உள்ள மக்கள் ஓடி வந்ததும் குறித்த நபர் தப்பி ஓடிவிட்டார். சிறுமியின் வாக்குமூலத்தை மல்லாவிப் பொலிஸார் பதிவுசெய்துள்ளனர். இந்தச் சம்பவம் இந்தப் பகுதியிலுள்ள மக்கள் மத்தியில் பீதியை ஏற்படுத்தியுள்ளமையை அவதானிக்க முடிந்தது.

துயர் துடைப்பு மாத நிகழ்வுகள்

2011-07-14T02:04:00.001-07:00

இத்துடன் தமிழர் புனர்வாழ்வு கழகத்தின் வருடாந்த துயர் துடைப்பு மாத, நிகழ்வுகளைப் பற்றிய ஊடகங்களிற்கான சமூக அறிவித்தலையும், நேயர்களுக்கான கடிதம் மற்றும் நிதி அன்பளிப்புப் படிவங்களையும் இணைத்து அனுப்பியுள்ளோம். இம்மின்னஞ்சலைப் பெறும் ஊடக நண்பர்களே, தயவு செய்து உங்கள் ஊடகங்களின் ஊடாக, துயர் துடைப்பு மாத நிகழ்வுகள் நடைபெற்று முடியும் வரை தயவுகூர்ந்து அவுஸ்திரேலிய வாழ் தமிழ் மக்களுக்கு முழுமையான உங்கள் ஆதரவை தெரியப்படுத்துமாறு அன்போடு கேட்டுக் கொள்கின்றோம்.

நீங்களும், தனிப்பட்ட முறையிலும் இந்நிகழ்வுகளைப் பற்றி தெரிந்த உங்கள் உறவுகளிற்கு தெரியப்படுத்தி கறுப்பு ஜுலை நினைவாக நடைபெறும் 15வது இரத்த தானம்(6th August) நிகழ்விலும் பங்கெடுத்து கொள்ளுவதோடு, தாயகத்து தமிழ் மக்களின் தற்போதைய துயர் நிலை அறிந்து, தமிழர் புனர்வாழ்வுக் கழகம் முன்னெடுத்திருக்கும் மனிதாபிமான சேவைகளுக்குத் தொடர்ந்தும் ஆதரவையும், ஒத்துழைப்பையும் வழங்கி தாராளமனதுடன் நிதிப்பங்களிப்பால் துயர் துடைக்க முன்வருமாறு பணிவன்புடன் அவுஸ்ரேலிய தமிழர் புனர்வாழ்வுக் கழகத்தினர் வேண்டிக்கொள்கின்றனர்.

கடந்த 22 வருடங்களாக இடம்பெற்ற மனிதாபிமான சேவைகளுக்குத் தொடர்ந்தும் ஆதரவையும், ஒத்துழைப்பையும் வழங்கிய அனைத்து அன்பளிப்பாளர்களுக்கும், ஊடகத்தினருக்கும் புனர்வாழ்வுக் கழகத் தொண்டர்கள் தமது நெஞ்சார்ந்த நன்றியையும் தெரிவித்துக் கொள்கின்றனர். நன்றி.

அன்புடன்,
ரமேஷ்
(த.பு.கழகம் சார்பில்)

சென்னை செல்லும் ஹிலாரி; இலங்கை குறித்து பேசுவாரா?

2011-07-13T07:57:00.001-07:00

அமெரிக்க இராஜாங்கச் செயலாளர் ஹிலாரி கிளின்டன் எதிர்வரும் 19ஆம் திகதி இந்தியாவுக்கு விஜயம் செய்யவுள்ளார்.தமிழ் நாட்டுக்கும் செல்லவுள்ள அவர் தமிழ்நாட்டில் தங்கியிருக்கும்போது அரசாங்கத்துடன் இலங்கை உட்பட வெளிநாட்டு விவகாரங்கள் தொடர்பான கலந்துரையாடல்களை நடத்தமாட்டாரென இராஜதந்திர வட்டாரங்கள் தெரிவிக்கின்றன.

இவரது விஜயம் அரசு ரீதியாக அமையாதென நிகழ்ச்சி நிரலில் தெரிவிக்கப்படுகிறது. சிவில் சமூக மற்றும் அபிவிருத்தி விவகாரம் தொடர்பான கொள்கையாளர்களையும் அரசசார்பற்ற அமைப்புக்களையும் அமெரிக்கக் கம்பனிகளின் பிரதிநிதிகளையும் வர்த்தக குழுவினரையும் சந்தித்து அவர் கலந்துரையாடல்களை நடத்தவுள்ளதாக தகவல்கள் குறிப்பிடுகின்றன.

‘வெளிநாட்டு கொள்கைகள் தொடர்பான அனைத்து கலந்துரையாடல்களும் புதுடில்லியில் நடைபெறும். வெளிநாட்டு அமைச்சர்களுடனான சந்திப்பில் அயல் விடயங்கள் தொடர்பில் கலந்துரையாடப்படும்’ இராஜதந்திர வட்டாரங்கள் தெரிவிக்கின்றன.

புதுடில்லிக்கும் வோஷிங்டனுக்கும் இடையில் இலங்கை விவகாரம் குறித்த வழமையான கலந்துரையாடல் நடைபெறும். தமிழ் அகதிகளை தாயகத்திற்கு திருப்பியனுப்புதல், தமிழ் சிறுபான்மையாளர்களின் தேவைகள் மதிக்கப்பட வேண்டும் ஆகிய விடயங்களில் இரு நாடுகளும் ஒரே நிலைப்பாட்டில் உள்ளனவென அந்த வட்டாரம் கூறியது. ஆனால் இலங்கைக்கு எதிரான யுத்தக்குற்றச்சாட்டுக்கள் குறித்து சென்னையில் கலந்துரையாடப்படமாட்டாதென மேற்படி வட்டாரங்கள் குறிப்பிடுகின்றன.

இந்திய விஜயத்தையடுத்து ஹிலாரி கிளின்டன் கிறீஸிற்கு சென்ற பின்னர் மீண்டும் இந்தியாவுக்கு விஜயம் மேற்கொள்கிறார். சென்னைக்கு விஜயம் செய்யும் முதலாவது அமெரிக்க இராஜங்கச் செயலாளர் ஹிலாரி கிளின்டன் என்பது குறிப்பிடத்தக்கது.

இதன் பின்னர் அவர் இந்தோனேஷியாவுக்கும் விஜயம் செய்யவுள்ளார்.

சங்கிலியன் சிலை இடித்து அகற்றப்படுகின்றது

2011-07-13T01:17:00.000-07:00

யாழ்ப்பாணத்தில் கடைசித் தமிழ் மன்னனான சங்கிலியனுக்கு முத்திரைச் சந்தியில் வைக்கப்பட்டிருந்த சிலை யாழ். மாநகர சபையால் இடித்து அகற்றப்படுகின்றது. சிலையைச் சுற்றி நேற்று மறைப்புகள் ஏற்படுத்தப்பட்டன. பொதுமக்களிடமிருந்து எதிர்ப்புக் கிளம்பலாம் என்பதால் பொலிஸ் பாதுகாப்பும் போடப்பட்டிருந்தது.

இப்போதுள்ள சிலையை இடித்து அகற்றிவிட்டு அந்த இடத்தில் இந்தியச் சிற்பியின் கைவண்ணத்தில் புதிய அழகிய சிலை நிறுவப்படும் என்று யாழ்.மாநகரசபை ஆணையாளர் மு.செ.சரவணபவ தெரிவித்தார்.புதிய சிலை அமைப்பதற்காக ஒன்றரை லட்சம் ரூபா ஒதுக்கப்பட்டுள்ளதாகவும் அவர் கூறினார். யாழ்.மாநகரசபையின் கூட்டத்தில் எடுக்கப்பட்ட தீர்மானத்துக்கு அமைவாக சங்கிலிய மன்னனது நினைவுத் தூபியை உயிரோட்டமுள்ளதாக மீள நிர்மாணிப்பதாக முடிவெடுக்கப்பட்டது.

தற்போது, சங்கிலிய மன்னனது சிலை முற்றாக இடித்தழிக்கும் நடவடிக்கைகள் மேற்கொள்ளப்பட்டு வருகிறது.இந்தியச் சிற்பியான புருசோத்தமன் அந்தச் சிலையை மீள உயிரோட்டமுள்ளதாக நிர்மாணிக்க உள்ளார். சபை நிதி ஒன்றரை லட்சம் ரூபா ஒதுக்கப்பட்டுள்ளது. அத்துடன் 1500 செங்கற்களும் 10 சீமெந்துப் பைக்கற்றுகளும் வழங்கவுள்ளோம். மாநகர சபை ஊழியர்களும் நிர்மாண வேலையில் பங்கேற்க உள்ளனர் என்றார் ஆணையாளர். மீள அமைக்கப்படும் இந்தச் சிலையில் சங்கிலிய மன்னனின் வாளேந்தும் போக்கில் சிறு மாறுதல் செய்யப்படவுள்ளதாக மாநகர சபையின் உள்வீட்டுத் தகவல்கள் தெரிவித்தன.

கிளிநொச்சி வலய தொண்டர் ஆசிரியர்கள் சங்கம் யாழில் ஆர்ப்பாட்டம்

2011-07-13T01:16:00.000-07:00

தங்களுக்கு நிரந்தர நியமனம் வழங்குமாறு கோரி கிளிநொச்சி வலய தொண்டர் ஆசிரியர்கள் சங்கம் யாழ்ப்பாணத்தில் இன்று புதன்கிழமை காலை அமைதியான முறையில் கவனயீர்ப்புப் போராட்டமொன்றை முன்னெடுத்து வருகின்றனர்.

யாழ். வலயக் கல்வி அலுவலகத்திற்கு முன்னால் இந்த கவனயீர்ப்பு போராட்டம் முன்னெடுக்கப்பட்டு வருகின்றது.

‘போரினால் பாதிக்கப்பட்ட எமக்கு ஆசிரியர் நியமனம் புறக்கணிப்பா?’, ‘பாதிக்கப்பட்ட தொண்டர் ஆசிரியர்களுக்கு முடிவு என்ன?’, ‘கிளிநொச்சி தொண்டர் ஆசிரியர்களுக்கு மாத்திரம் ஆசிரியர் நியமனம் புறக்கணிப்பா?’ போன்ற வாசகங்கள் எழுதப்பட்ட பதாகைகளைத் தாங்கியவாறு ஆர்ப்பாட்டக்காரர்கள் ஆர்ப்பாட்டத்தில் ஈடுபட்டுள்ளனர்.

இதேவேளை, ஆர்ப்பாட்டத்தின் இறுதியில் வடமாகாண கல்வி அமைச்சின் செயலாளர் எஸ்.இளங்கோவனுக்கு மகஜரொன்றை கையளிக்கவுள்ளதாக ஆர்ப்பாட்டக்காரர்கள் தெரிவித்தனர்.

நாய்க்கூட்டில் தங்கவைக்கப்பட்டிருந்த 65 வயது தாய் பொலிஸாரால் மீட்பு

2011-07-13T01:15:00.001-07:00

மாத்தறை, நூப்பே பிரதேச வீடொன்றிலுள்ள இருட்டறையொன்றை நாய்க்கூடு வடிவில் வடிவமைத்து அதனுள் நாயுடன் தங்க வைக்கப்பட்டிருந்த 65 வயது மூதாட்டி ஒருவரை மாத்தறை பொலிஸார் மீட்டுள்ளனர்.நான்கு பிள்ளைகளின் தாயாரான மேற்படி மூதாட்டி குறித்த நாய்க் கூட்டினுள்ளேயே காலத்தைக் களித்து வருவதாக பொலிஸாருக்கு கிடைத்த இரகசிய தகவலை அடுத்தே மாத்தறை பொலிஸின் சிறுவர் மற்றும் மகளிர் விவகாரப் பிரிவு அவரை மீட்டுள்ளது.

குறித்த கூண்டுக்குள்ளிருந்த நாய், மேற்படி மூதாட்டி அங்கிருந்து வெளியே செல்லாது பாதகாத்து வந்ததாகவும் குறித்த நாயை அங்கிருந்து அகற்றிய பின்னரே அவர் பாதுகாப்பாக மீட்கப்பட்டதாகவும் பொலிஸார் தெரிவித்தனர்.

வாகரை காட்டில் 16 வயது மாணவனின் சடலம்

2011-07-12T09:19:00.001-07:00

மட்டக்களப்பு மாவட்டத்தின் வாகரை பொலிஸ் பிரிவுக்குட்பட்ட புச்சாக்கேனி காட்டுப்பகுதியில் தூக்கில் தொங்கிய நிலையில் சிறுவன் ஒருவரின் சடலத்தை பொலிஸார் நேற்று மாலை மீட்டுள்ளனர். கதிரவெளி புச்சாக்கேணியைச் சேர்ந்த பவானந்தன் சதிஸ்காந்தன் என்ற 16 வயது சிறுவனின் சடலமே இவ்வாறு பொலிஸாரால் மீட்கப்பட்டுள்ளது.

காட்டுக்குள் விறகு எடுக்கச்சென்றவர்கள் வழங்கிய தகவலிகன் அடிப்படையிலேயே மேற்படி சடலம் மீட்க்கப்பட்டுள்ளதாகவும் பொலிஸார் தெரிவித்தனர்.

மேற்படி சிறுவனின் சடலம் பிரேத பரிசோதனைக்காக வாழைச்சேனை வைத்தியசாலைக்கு கொண்டுவரப்பட்டு அங்கிருந்து மட்டக்களப்பு போதனா வைத்தியசாலைக்கு கொண்டுசெல்லப்பட்டுள்ளது. இச்சம்பவம் தொடர்பான விசாரணைகளை வாகரைப்பொலிஸார் மேற்கொண்டு வருகின்றனர்.

காத்தான்குடியில் இரவு உணவை உட்கொண்ட 60 மாணவிகள் ஆஸ்பத்திரியில்..

2011-07-12T07:14:00.000-07:00

காத்தான்குடி சித்தீகியா மாணவர் விடுதியில் இரவு உணவை உட்கொண்ட 60 மாணவிகள் வாந்தி மற்றும் வயிற்றோட்டம் காரணமாக நேற்று திங்கட்கிழமை வைத்தியசாலையில் அனுமதிக்கப்பட்டனர்.
இந்த மாணவர் விடுதிக்கு இரவு உணவு திருமண வீடொன்றிலிருந்து வந்துள்ளது. இவ் உணவை உட்கொண்ட மாணவிகளில் முப்பத்தைந்து பேர் மில்லத் மகளிர் வித்தியாலயத்தைச் சேர்ந்தவர்கள். ஏனையோர் ஜாமியதுஸ் சித்தீகியா மகளிர் அரபுக் கல்லூரியைச் சேர்ந்தவர்களாவர்.

நேற்றுக்காலை பாடசாலைக்கு சென்ற மாணவிகளுக்கு வாந்தி மற்றும் வயிற்றுளைவு ஏற்பட்டதால் காத்தான்குடி வைத்தியசாலையில் உடனடியாக அனுமதிக்கப்பட்டனர்.

இந்த விடுதியில் காத்தான்குடி மற்றும் வெளிமாவட்டங்களைச் சேர்ந்த மாணவிகளும் தங்கியுள்ளனர். வைத்தியசாலை பணிப்பாளர் டாக்டர் நசீர்தீன் மற்றும் டாக்டர் அம்ஜத்ஹசன் ஆகியோர் அடங்கிய குழு இவர்களை பரிசோதித்து உடனடியாக சிகிச்சை வழங்கியது.

எவருக்கும் ஆபத்தான நிலையில்லையெனவும் குணமடைந்தவர்கள் ஆஸ்பத்திரியிலிருந்து வெளியேறி விட்டதாகவும் ஆஸ்பத்திரி வட்டாரங்கள் தெரிவித்தன.

இதேநேரம் மாணவிகள் உட்கொண்ட உணவின் மாதிரிகள் சேகரிக்கப்பட்டு ஆய்வு கூட பரிசோதனைக்கு அனுப்பப்படவுள்ளதாகவும் தெரிவிக்கப்பட்டது.

மன்னார் சிறு நாவற்குளம் கிராம மக்களின் காணிகளை அபகரிக்க முயற்சி

2011-07-12T07:13:00.001-07:00

மன்னார் பிரதேசச் செயலாளர் பிரிவுக்குட்பட்ட மன்னார்-உயிலங்குளம் பிரதான வீதியில் உள்ள சிறு நாவற்குளம் கிராமத்தில் இருந்து 1990 ஆம் ஆண்டு இடம்பெற்ற யுத்தத்தின் போது இடம் பெயர்ந்து இந்தியா மற்றும் இலங்கையின் ஏனைய பகுதிகளில் வாழ்ந்து வந்த மக்கள் தற்போது குறித்த கிராமத்தில் மீண்டும் மீள் குடியமர்ந்தப்பட்;ட போதும் அம் மக்கள் தொடர்ந்தும் பல்வேறு பிரச்சினைகளுக்கு முகம் கொடுத்து வருவதாக தெரிவிக்கின்றனர்.

இது தொடர்பாக குறித்த கிராம்தினைச் சேர்ந்த பெரிய சாமி(வயது-60) எனும் வயோதிபர் வீரகேசரி இணையத்தளத்திற்கு கருத்துத்தெரிவிக்கையில்,

1990 ஆம் ஆண்டு நாட்டில் இடம் பெற்ற யுத்தம் காரணமாக இக்கிராமத்தினைச் சேர்ந்த மக்கள் இடம் பெயர்ந்து இந்தியா மற்றும் நாட்டின் ஏணைய பிரதேசங்களிலும் வாழ்ந்து வந்தனர்.

பின்னர் இந்தியா சென்ற மக்கள் மீண்டும் 2004 ஆம் ஆண்டு நாடு திரும்பினர்.

இந்த நிலையில் குறித்த சிறு நாவற்குளம் கிராமம் இராணுவ பாதுகாப்பு வளையமாக காணப்பட்டதன் காரணத்தினால் குறித்த கிராம மக்களை மீண்டும் அந்த மண்ணிலேயே குடியமர்வதற்காண அணுமதி வழங்கப்பட்டது.

இந்த நிலையில் 33 குடும்பங்களினைச் சேர்ந்த 165 பேர் கடந்த வருடம் யுன் மாதம் மீண்டும் சிறுநாவற்குளம் கிராமத்தில் குடியமர்ந்தனர்.

தமது வீடுகள் இருந்த இடமே தெரியாதவாறு தரை மட்டமான நிலையில் அடர்ந்த காடுகளின் மத்தியில் குடியமர்ந்தோம். பின் காடுகளை துப்பரவாக்கி ஓலை குடிசைகளை அமைத்து வாழ்ந்து வந்தோம்.

தற்போது இம் மக்கள் குடியமர்ந்து ஒரு வருடங்களை கடந்துள்ள போதும் இவர்களுக்காண வீட்டுத்திட்ட நடவடிக்கைகள் எதுவும் முன்னெடுக்கப்படவில்லை என அக்கிராமத்தினைச் சேர்ந்த வயோதிபரான பெரிய சாமி தெரிவித்தார்.

எவ்வித அடிப்படை வசதியும் அரசாங்கத்தினால் செய்து தரப்படாத நிலையில் வாழ்ந்து வரும் நிலையில் எமது காணிகளை சுபீகரிக்கும் நோக்குடன் அதிகாரிகள் சிலர் செயற்பட்டு வருவதாகவும் அம்மக்கள் தெரிவித்தனர்.

மேலும் எமது கிராமத்தினைச்சேர்ந்த 30 குடும்பங்கள் வரை வர உள்ளதாகவும் அம்மக்கள் தெரிவித்தன்.

ஒரு வருடங்களுக்கு முன் குடியமர்ந்த இக்கிராம மக்களுக்கு அரசாங்கத்தினால் எவ்வித மீள்குடியேற்ற உதவிகளும் செய்யப்படவில்லை.

ஆனால் மடு சந்தியில் சிங்கள குடும்பங்கள் மீள் குடியேராமல் சுமார் 8 இலட்சம் ரூபாய் பெருமதியான நிரந்தர வீடுகள் அமைக்கப்பட்டு வருகின்றமையும் குறிப்பிடத்தக்கது. _

இராணுவப் பேச்சாளர் மீது பாதுகாப்பு செயலர் பாய்ச்சல்

2011-07-12T02:29:00.000-07:00

இந்தியாவின் ஹெட்லைன்ஸ் ருடே தொலைக்காட்சியில் கடந்த மூன்று தினங்களாக ஒளிபரப்பப்பட்ட இலங்கையின் கொலைக்களம் எனும் ஆவணப்படத்துடன் இணைந்து நடத்தப்பட்ட விவாதத்தில் இராணுவப் பேச்சாளர் மேஜர் ஜெனரல் உபய மெதவெல கலந்துகொண்டமை குறித்து பாதுகாப்புச் செயலாளர் கோத்தாபாய ராஜபக்ஷ கடும் விசனம் வெளியிட்டுள்ளார்.

இவ்விவாதத்தில் மேஜர் ஜெனரல் உபய மெதவெல கலந்துகொண்டதின் மூலம் இந்நிகழ்ச்சி பக்கச்சார்பற்றது என்ற அங்கீகாரத்தைப் பெற்றுக்கொண்டுள்ளதாகவும் இவ்விவாதத்தில் கலந்துகொள்ள இவரை அனுமதித்தமை மிகப்பெரிய தவறு என்றும் கோத்தபாய ராஜபக்ஷ தெரிவித்துள்ளார்.

இவ்விவாதத்தில் மேஜர் ஜெனரல் உபய மெதவெல கலந்துகொண்டு பதிலளிக்க வேண்டும் என இலங்கை வெளிவிவகார அமைச்சின் மூத்த அதிகாரிகள் அழுத்தம் கொடுத்திருந்த நிலையில், இம்முடிபு குறித்து கோத்தபாய ராஜபக்ஷ கடும் அதிருப்தி வெளியிட்டுள்ளார்.

இராணுவப் பேச்சாளர் அதிகாரி மேஜர் ஜெனரல் உபய மெதவெலவை இவ்விவாதத்தில் பங்கேற்க வைப்பதற்காக ஜனாதிபதி ஊடாக வெளிவிவகார அமைச்சு மேற்கொண்ட நடவடிக்கை படைத்துறைச் செயலாளர் கோத்தபாய ராஜபக்ஷவின் இக்குற்றச்சாட்டுகளால் வெளிவிவகார அமைச்சுக்கும் படைத்துறை அமைச்சுக்கும் இடையில் கடும் முறுகல் நிலை ஏற்பட்டிருப்பதாக கொழும்பு ஊடகம் ஒன்று தகவல் வெளியிட்டுள்ளது.

தேர்தல் வன்முறை சம்பவங்களுடன் தொடர்புடைய 44 பேர் கைது

2011-07-12T02:28:00.001-07:00

65 உள்ளூராட்சி சபைகளுக்கான தேர்தல் இம்மாதம் 23ம் திகதி நடைபெறவுள்ள நிலையில் இதுவரையில் 44 தேர்தல் வன்முறை சம்பவங்கள் பதிவாகியுள்ளதாக தேர்தல் வன்முறைகளை கண்கானிக்கும் மத்திய நிலையம் தெரிவித்துள்ளது.

இவற்றுள் 50% முறைப்பாடுகள் தேர்தல் சட்ட திட்டங்களை மீறியமை தொடர்பாக கிடைக்கப்பெற்றதாக தேர்தல்களுக்குப் பொறுப்பான பிரதி பொலிஸ் மா அதிபர் காமினி நவரட்ண தெரிவிக்கின்றார்.

மேலும், இந்த சம்பவங்களுடன் தொடர்புடைய 44 பேர் இதுவரையில் கைது செய்யப்பட்டுள்ளதாக தெரிவிக்கப்படுகின்றது.

இந்நிலையில் வடக்கில் தொடர்ச்சியாக இடம்பெற்றுவரும் தேர்தல் வன்முறைச் சம்பவங்களால் தேர்தல் பிரசாரக் கூட்டங்களில் கலந்துகொள்வதற்கு மக்கள் அஞ்சுவதாகவும் வடக்கில் அரசியல் சுதந்திரத்தை நிலைநாட்டி நீதியானதும், நியாயமானதுமான தேர்தலை நடத்துவதற்கு வழிசமைத்துக் கொடுக்க வேண்டியது அரசின் கடமை என்றும் கபே அமைப்பின் நிறைவேற்றுப்பணிப்பாளர் கீர்த்தி தென்னக்கோன் நேற்று தெரிவித்திருந்தமை குறிப்பிடத்தக்கது.

நியூசிலாந்திற்குள் நுழைய முயன்ற தமிழர்கள் இந்தோனேசிய கடற்படையினரால் கைது

2011-07-11T07:38:00.000-07:00

2ம் இணைப்பு கப்பல் மூலம் சட்டவிரோதமான முறையில் நியூசிலாந்துக்குள் நுழைய முயன்ற இலங்கைத் தமிழர்கள் 87 பேர் இந்தோனேசிய கடற்படையினரால் நேற்று முன் தினம் இடைமறித்துப் பிடிப்பட்டுள்ளார்கள்.

பிடிபட்ட இவர்கள் அலிசியா என்கிற கப்பலில் சில நாட்களுக்கு முன்னர் புறப்பட்டு இருந்தனர்.

நியூசிலாந்தை ஓரளவு நெருங்கிய இவர்களை, கடலில் ரோந்துப் பணியில் ஈடுபட்டு இருந்த இந்தோனேசிய கடற்படையினர் இவர்களை மடக்கிப் பிடித்து, இந்தோனேசியாவுக்கு கொண்டு சென்றனர்.

கைதுசெய்யப்பட்ட 87 இலங்கைத் தமிழர்களில் சிறுவர்கள், பெண்கள் ஆகியோரும் அடங்குகின்றனர்.

கைதுசெய்யப்பட்ட தமிழர்கள் அனைவரும் தங்களை நியூசிலாந்து அரசு பொறுப்பேற்று அரசியல் தஞ்சம் வழங்க வேண்டும் என கோரிக்கை விடுத்துள்ளதாக தெரியவந்துள்ளது.

நியூஸிலாந்திற்கு வரும் வழியில் கைதுசெய்யப்பட்டு தடுத்துவைக்கப்பட்டுள்ள இலங்கையைச் சேர்ந்த சுமார் 85 புகலிடக் கோரிக்கையாளர்களும் வரவேற்கப்படவில்லையென அந்த நாட்டு பிரதமர் ஜோன் கீ தெரிவித்துள்ளார்.

கடந்த சனிக்கிழமை இந்தோனேஷியாவில் டன்ஜீங் பினாங் கடற்பரப்பில் மேற்படி அகதிகளை ஏற்றிச் சென்ற கப்பல் நங்கூரமிட்டு நின்றபோது, அகதிகள் பொலிஸாரால் கைதுசெய்யப்பட்டு இந்தோனேஷியாவில் தடுத்து வைக்கப்பட்டிருந்தனர். அவர்கள் கப்பலிலிருந்து இறங்குவதற்கும் மறுத்து வருவதாக அறிவிக்கப்பட்டுள்ளது.

“நாங்கள் நியூஸிலாந்திற்கு செல்ல விரும்புகின்றோம். எங்களது எதிர்கால வாழ்க்கை நியூஸிலாந்திலேயே உள்ளது. நாங்கள் நியூஸிலாந்திற்கு செல்ல வேண்டும்” என எழுதப்பட்ட பதாகைகளை கப்பலிலுள்ள அகதிகள் வைத்திருந்தனர்.

புகலிடக் கோரிக்கையாளர்களின் நிலைமை குறித்து எங்களுக்குத் தெரியும். ஆனால் அவர்களுக்கு நியூஸிலாந்து உதவியளிக்காதென நியூஸிலாந்துப் பிரதமர் கூறினார்.

அகதிகளில் சிலர் நியூஸிலாந்திற்கு வரவேண்டுமெனக் கூறி கொடிகளையும் பதாகைகளையும் தாங்கியவாறும் காணப்படுவதை என்னால் விளங்கிக்கொள்ள முடியும். அவர்கள் வரவேற்படவில்லையென்பதே எங்களது தகவல்' என ஜோன் கீ குறிப்பிட்டார்.

சிங்களத்திற்காக பேசிய அமெரிக்க அதிகாரி திருப்பி அழைப்பு

2011-07-11T07:37:00.000-07:00

இலங்கை இராணுவம் நடத்திய போர்க்கருத்தரங்கில் இலங்கைக்கு சார்பாகவும் இலங்கையின் யுத்த நடவடிக்கையினை நியாயப்படுத்த முற்பட்ட கருத்தை வெளியிட்டிருந்த அமெரிக்கத் தூதரகப் பாதுகாப்பு ஆலோசகர் லெப். கேணல் லோறன்ஸ் ஸ்மித் நியூயோர்க்கிற்கு திருப்பி அழைக்கப்பட்டுள்ளார்.

2008ம் ஆண்டு ஜூன் மாதம் சிறிலங்காவில் உள்ள அமெரிக்கத் தூதரகத்தில் பாதுகாப்பு ஆலோசகராக பொறுப்பேற்ற லேப். கேணல் லோறன்ஸ் ஸ்மித், விடுதலைப் புலிகளுக்கு எதிரான போரின் இறுதிக்கட்டத்தில் கொழும்பில் பணியாற்றியவர். அண்மையில் சிறிலங்கா இராணுவம் நடத்திய போர்க்கருத்தரங்கில் பங்கேற்ற அவர், போரின் இறுதிக்கட்டத்தில் விடுதலைப் புலிகளின் தலைவர்கள் சரணடைய முன்வந்தனர் என்பதில் சந்தேகம் உள்ளதாக கூறியிருந்தார்.

இதையடுத்து அமெரிக்க இராஜாங்கத் திணைக்களம் லெப். கேணல் ஸ்மித்தின் கருத்து தனிப்பட்டது என்றும் , அது அமெரிக்காவின் அதிகாரபூர்வ கருத்தல்ல என்றும் கூறியிருந்தது.

இந்த நிலையிலேயே அவர் அமெரிக்காவுக்கு திருப்பி அழைக்கப்பட்டுள்ளார். அவருக்கு பதிலாக லெப். கேணல் பற்றிக் ஜே.ஸ்கூலர் அமெரிக்கத் தூதரகத்தின் புதிய பாதுகாப்பு ஆலோசகராக நியமிக்கப்பட்டுள்ளார்.

புதிதாக நியமிக்கப்பட்ட பாதுகாப்பு ஆலோசகர் லெப். கேணல் பற்றிக் ஜே.ஸ்கூலரை நேற்று முன்தினம் மாலை சிறிலங்கா பாதுகாப்புச் செயலர் கோத்தபாய ராஜபக்ஷவுக்கு பிரதி அமெரிக்கத் தூதுவர் வலேரி சி.பௌலர் அம்மையர் அறிமுகப்படுத்தி வைத்தார். இந்தச் சந்திப்பில் பங்கேற்ற லெப். கேணல் லோறன்ஸ் ஸ்மித் சிறிலங்கா பாதுகாப்புச் செயலர் கோத்தபாய ராஜபக்ஷவிடம் விடைபெற்றுக் கொண்டார் என்பதும்

திருமலையில் கடற்படை சிப்பாய் ஒருவர் பலி

2011-07-11T07:36:00.000-07:00

திருகோணமலை, கடற்படை முகாமில் சிங்கள கடற்படை சிப்பாய் ஒருவர் இன்று அதிகாலை துப்பாக்கிச் சூட்டுக்கு இலக்காகி உயிரிழந்துள்ளார். குறித்த வீரரால் உபயோகப்படுத்தப்பட்ட துப்பாக்கி வெடித்ததிலேயே இவர் உயிரிழந்துள்ளார் என்று பொலிஸ் விசாரணைகளிலிருந்து தெரியவந்துள்ளது. இருப்பினும் இவரது மரணம் தற்கொலையா? அல்லது அவரது துப்பாக்கி தவறுதலாக வெடித்ததில் மரணம் ஏற்பட்டுள்ளதா என்பது குறித்து இதுவரையில் கண்டறியப்படவில்லை என்று திருகோணமலை, துறைமுக பொலிஸார் தெரிவித்தனர். சம்பவத்தில் காலி, வந்துரம்ப பகுதியைச் சேர்ந்தவரும் திருகோணமலை, திஸ்ஸ கடற்படை முகாமில் இருந்தவருமான திலங்க தர்ஷன (வயது 21) என்ற கடற்படை சிப்பாயே உயிரிழந்துள்ளார்.